الفريق العربي للبرمجةأرشيف المنتديات · 2000 – 2023
نسخة أرشيفية للقراءة فقط — التسجيل والمشاركة مغلقان، والمحتوى محفوظ كما كان.

هل تعلم ال C مفيد فعلا ؟

مغلق
بدأه semsem0737 في 7 أكتوبر 2005 · 5 رد · 968 مشاهدة · في ارشيف قسم C/C++
مشاركة: واتساب X فيسبوك تيليجرام
#1 صاحب الموضوع

السلام عليكم و رحمة الله

كل سنة و انتم طيبين يا شباب ، و رمضان كريم

كل الموضوع بس اني عايز حد يقنعني ان تعلم لغة الـ C مفيد .. B) اصلي مش مقتنع ان الواحد يقعد يبرمج في ظلمات الـ DOS ما دام فيه دلوقت برمجة في انوار الويندوز و اللغات الـ Visual :lol:

و انا شغال فيجوال بيسك من 3 سنين و بعدين لما دخلت كلية الهندسة ( كهرباء) قالوا لازم تاخد ماده البرمجة اللي هي الـ C :blink:

سألت المعيد بقي ايه لازمتها .. قاللي : لا .. ازاي.. دي مهمة ولازم الواحد يعرف البدائيات و ايه اللي بيحصل لما نكتب الكود و نستخدمها في الميكروكنترولر

بس برضو ماقتنعتش :wacko: ... ماهو السوق دلوقت عايز البرامج اللي كلها شغالة علي الويندوز .. و الكل دلوقت بيبرمج بالـ .NET ... نرجع للـ DOS ليه تاني بقي ؟؟؟

و شكرا لصبركم علييا

سبحان الله و بحمده ... سبحان الله العظيم

#2

زي ماقال ضرورية جدا

واي برنامج تسويه بـ c او c++ وبعدين تستخدم البرامج الرسومية

عشان تكون مفيدة للمستخدم العادي

بس في الحقيقة اهم شي هاللغتين ولما تفهمها يكو ن سهل عليك اي لغة تدرسها

وهي مدخل مهم

#3

عزيزىsemsem0737

ما رايك انت ترى الويندوز وهو ذات الواجهة المرئية هل تعلم ان كل هذا تم كتابتها بلغة السى والاسمبلى

ولكن استخدام الاسمبلى لكى يتم التعامل المباشر مع الجهاز كمثل نقل البيانات والتحكم فى اجزاء فى الهارد والللوحة الام عموما

اما السى كانت تستخدم لتبسيط المهمة وهى استخدمها فى كتابه الجرافيك وبعض المناطق الخاصة بادارة البيانات والذاكرة

-----------------------------------------------------------------

لا تنظر الى السى وهى برامج الكونسل انظر الى فيجوال ستديو والفيجوال بيسك فهو يدعم الواجهة هل تعرف ان لغة الفيجوال بيسك

والفيجوال سى ++ 6 تم تصميمهم بلغة السى والسى ++ القياسية

ولكن اعرف ستقول كيف وهى تعمل برامج كونسل ؟

اولا يا عزيزى عندما تختار البرمجة بلغة السى فانك تحدد نوع المشروع اذا كان كونسل هذا معناه انك ستعمل فى النظام غير المحمى وهو نظام 16 بت اى ان ( سعة المسجل cx -- bx -- ax تكون 16 بت )

اما معالجات 32 بت فهى تدعم خدمة الواجهة والالوان انظر الى اى برنامج او لعبة على بيئة 16 بت سترى انها تقتصر على 15 الى 256 لون فقط

اما انظر الى الالعاب الذى تشعر وكأنك فى عالم واقعى ذات ابعاد سداسية وليس ثلاثى الابعاد فهذه هى السى ايضا ولكنها تستخدم خدمات المعالج 32 بت

الان المعالجات انواع 16 بت وهو الذى انت تقول عليه ان الدوس انقرض

اما معالجات 32 بت وهى معالجات تدعم خدمات الرسومات فتحتوى على 16 مليون لون وهو ما تراه امامك من الوان الايقونات السحرية المجسمة

اعرف انك ستقول لى كيف يتم استخدام السى فى بناء برامج ذات واجهة وليس الكونسل

عندما يتم تصميم نظام التشغيل فهو مكون من عناصر :

محرر ادوات كامل به :

list box

form

dialog box

وهى تعتمد على مبداء الوراثة بمعنى تم تصميم نظام تشغيل به خدمات كمثل فتح اتصال بينك وبين النت

يتم عمل نسخة من هذه الدالة داخل مكتبة تسمى مكتبة خدمات النظام API

وهى تمكنك من تصميم برامج تدعم واجهة النظام وامكانياته والخدمات التى يوديها المعالج

بناء برامج كونسل فانك تستخدم خدمات على حدود 16 بت لا اكتر

اذا كنت تنوى بناء برامج تدعم الواجهة الرسومية والامكانيات والتحكم فعليك استخدم مكتبة دوال API مع لغة السى وللعلم مكتبه خدمات النظام مكتوبة ايضاوتم تصميمها بلغة السى عارف ليه لان النظام XP -- ME -- 98 -- 95 2000 تم كتابتهم بلغة السى ايضا

هل اقتنعت الان بلغة السى

تم تعديل هذه المشاركة بواسطة hamada hassan ali في 7 أكتوبر 2005 في 04:16

_____________________________

C Language && Windwos_API

_____________________________

#4

تعلمها طبعا مفيد .. اقل شي علم ..

و لكن لازم تدرك ان كل لغة لها مجال معين .. مثلا لا يوجد معنى لاستخدام جافا (فضلا عن فجول بيسك!!) في كتابة انظمة تشغيل او "درايفرات" او اي برامج تتعامل مباشرة مع "الهاردوير", و بالمقابل فإنه لا يوجد معنى لاستخدام السي او السي بلص بلص في كتابة برامج تجارية يمكن كتاباتها بالجافا او السي شارب.

فعن أي مجال تسأل؟

اقتباس
و انا شغال فيجوال بيسك من 3 سنين و بعدين لما دخلت كلية الهندسة ( كهرباء) قالوا لازم تاخد ماده البرمجة اللي هي الـ C

هممم .. مرة اخرى يثبت لي ان من يدرس الفجول بيسك كأول لغة تصبح عنده عقدة من البرمجة الحقيقية!!

اذا كانت مادة هندسة الكهرباء متعلقة ببرمجة منخفظة المستوى كما أتوقع .. فلا بديل لك عن السي.

ملاحظة: لا يوجد هناك ما يمنعك من كتابة برامج مرئية بلغة السي او السي بلص بلص, و الـ visual studio يحتوي ايضا على visual c و يمكنك من تصميم واجهات البرامج بنفس طريقة الفجول بيسك.

#5
اقتباس
كل الموضوع بس اني عايز حد يقنعني ان تعلم لغة الـ C مفيد

تعلم ال C++ افيد واحسن واضمن للمستقبل لانك بتعلمها ستتعلم السي زائد السي++ وهي مهمة اذا كنت تريد ان تبرمج وتستخدم واجهات رسومية في برنامجك عن طريق الطرق المعروفة .

تم تعديل هذه المشاركة بواسطة ahmed_3d في 8 أكتوبر 2005 في 15:59

"خيركم من تعلم العلم وعلمه". ..........استغفر الله. ........ اللهم صلي وسلم على سيدنا محمد

احمد عبد الحميد ابوغرارة

CodeGuru CodeProject CGTalk

#6

شكرا يا جماعة علي ردودكم الجميلة اللي اقنعتني فعلا :D

انا خلاص هدرس الـ C ان شاء الله .. :) و لنفسي يعني مش للكلية و بس

بس عايز اعرف حاجة ... انا برضو كنت سألتكم علي موضوع ( سوق البرمجة ) :unsure: .. لكن ماحدش جابلي سيرة عن الموضوع

و بعدين عقدة ايه بس اللي عند بتوع الفيجوال بيسك B) كل الموضوع اني لاقيتها لغة سهلة - و عموما هي اول لغة برمجة عرفت فيها - ... و بعدين مش شرط يعني ان الواحد يبدأ بالاصعب

حاجة اخيرة بقي لو سمحتم :lol:

اعرف بس... ايه الفرق بين لغة الـ C و الـ C++ و الـ Java في الاكواد و في الشغل (h) ؟؟؟ انا سمعت انهم متشابهين الي حد ما .(اعذروني انا لسه مبتدئ)

و اكون شاكر جدا جدا

سبحان الله و بحمده ... سبحان الله العظيم

هذا الموضوع مغلق.

مواضيع مشابهة