مشكلة بكود skin

السلام عليكم

أولا يا ابو فؤاد المفروض تحط الـ Sample اللي عامله معاك المشكله علشان نشوف ايه اللي فيها ,

ثانيا لو كان الـ Skin بيتطبق علي كل فورم علي حده يبقي لازم تحط الكود قبل ما تفتح الفورم :

'Click menu event
Apply_skin_on_form_x 
x.show ()

ثانيا الـ ActiveSkin ده ActiveX Copmonent يعني COM Component , علشان كده من الأفضل انك تستعمل SkinCrafter مع الدوت نت حيث أنه توجده منه نسخه Managed Code للدوت نت www.skincrafter.com

شكرا أخويا hazoom علي سرعة الاستجابة

بالنسبة للكود الذي تفضلت وارفقته لي لم استطيع تطبيقه

لكني عملت بنصيحتك ونزلت برنامج Crafter skin ونزلت كمان مجموعة skins لكن قابلتني مشكلة وهي لم استطيع تشغيل الـ Skins علي الفورم

أقول لك ايه : - دورت مرارا وتكراراً في المنتدي عن شرح لهاذا البرنامج اللي يبدو قوي وجميل ولم أجد أو بمعني أصح وجدت مشاركات كثيرة لكن لم استطيع الاستفادة منها . . . . مع العمل انني عملت تسجيل الاداه

SkinCrafter.dll

لكن ما هي طريقة عرض Skins علي الشاشات

شكرا لك مرة اخري

أخواني الافاضل

وجدت هذا الكود في إحدي المنتديات ( المحيط العربي ) وحاولت تطبيقه علي البرنامج الخاص بي ولكن يعطيني رساله خطأ ....

أولاً : - وضعت هذا الكود في Module

Public z As New SKINCRAFTERLib.SCSkin()

وفي حدث تحميل الفورم وضعت هذا الكود

Private Sub Form1_Load(ByVal sender As System.Object, ByVal e As System.EventArgs) Handles MyBase.Load
		z.LoadSkinFromFile("C:\Documents and Settings\Mohamed fouad\Desktop\Swiss\Tracking\bin\BlueZZ.skf")
		z.ApplySkin()
		z.UpdateWindow(0)
	End Sub

وبعد تنفيذ هذا الاجراء يعطيني البرنامج رساله خطأ ويشير البرنامج علي الكود الموجود في الـــ Module

أرجو المساعدة حتي استطيع تنفيذ هذا الاجراء

اقتباس

بالنسبة للكود الذي تفضلت وارفقته لي لم استطيع تطبيقه

جزاك الله خيرا , انت فكرت ده كود :D , لا ده شرح , يعني الميثود اللي اسمها Apply_skin_on_form_x دي انت هتعملها مثلا علشان تطبق الـ Skin علي الفورم ,

اقتباس

لكن ما هي طريقة عرض Skins علي الشاشات

كل اللي هتعمله انك هتدرج الأداة في الـ ToolBox وترميها عالفورم وتختار الـ Skin من الـ Propertiy Box بتاع الأداة بس كده يعني من غير ما تكتب سطر كود واحد وهتلاقيها شغاله علي كل فورم في البرنامج حتي الـ Msgbox ,

وسبك من الموديول دي والكود ده خالص :D

معلشي يا باشا أصل أنا لسه جديد في الموضوع ده ومحتاج منك المساعدة

بس عندي مشكلتين

لو انت تقصد ادرج هذه الاداه الموضحة ادناه في الـــ Tool Box . . . ما انا حاولت ادراج الاداه دي فعلا للبرنامج بس بعد ما ادرجتها في البرنامج لم ارها من الــ Tool Box . . . انا عاوز بس منك تقولي اشوف الاداه دي في الــ Tool Box ازاي . . انا عارف اني غلبتك معايا بس معلش استحملني شويه يا باشا

SkinCrafter.dll

بلاش كلمة باشا بالله عليك :D

انت شغال علي فيجوال ستوديو 2003 ولا 2005 ؟

وقولي انت بتنزل أي نسخه من اللي هنا : www.skincrafter.com/download.html ؟

آسف علي باشا

أنا بستخدم فيرجن 2003

وده البرنامج اللي انا نزلته

الأخوة

محمد فؤاد تركي

hazzoom

بارك الله فيكما

والله الموضوع عجبني جداً ولكن إذا كان بإمكان الأخ hazzoom التوضيح لنا أكثر عن هذه الأدوات كيف أمتلكها وكيف أسجلها بحيث أستطيع استعملها في كل برامجي

وجدت أشكال كثيرة جداً وجميلة جداً على الرابط الذي وضعته فهل يجب أن أحملها جميعاً لأنها صراحة كل واحدة أحلى من الثانية .

أرجو التكرم بإفادتي عن هذا الموضوع .

بارك الله فيكما وبارك لكما في علمكما.

أبو فؤاد أنا مش عارف المشكله اللي عندك بس أكيد هتلاقي Samples اتفرج عليها ,

أخي مصلح هذه صفحة الشراء www.skincrafter.com/order.htm

وأي Skin تريد استخدامه يجب تحميله ,,,

تسلم أخي hazzoom

على الله ما تكون أسعارهم باهضة

سعره 400 دولار

أخي الغالي مصلح هل حاولت تشغيل أي Skin بالبرنامج ?

أخي الغالي hazzoom

انظر لهذه الصورة من فضلك وافيدني لماذا البرنامج لا يقبل اضافة هذه المكتبة الي Tool Box

يا بو فؤاد , يعني احنا عملنا كل ده علشان ننزل SkinCrafter نسخة الـ Managed Code وانت برضه عايز تدخله علي انه COM Component , الله يكرمك يا بو فؤاد أدرج نفس الأداة بس من الـ Tab التاني الخاص بـ NET Component. وان شاء الله هتمشي الأمور حلاوة :D

أخويا وحبيبي hazzoom

والله انا طرت من الساعدة لما عرفت ان المشكلة اتحلت والبرنامج هيبقي له شكل مميز وجميل وزعلت لما جيت اعمل زي ما انت قلتلي ولئيت الرساله دي يا تري فيه ايه تاني انا عملته غلط !

يا شباب أنا لدي مشكلة لا أعلم ما هي أنا استخدم vb.net 2005 ونزلت skinCrafter.net vs2005 وعدما قمت بفك الضغط عنها يفك الضغط حتى قرب النهاية ثم تظر لي رسالة خطأ تفيد بأن عملية الفك فشلت بسبب أن الملف معطوب.

نزلت الملف أكثر من مره لك نفس الشيء زعلت ونزلت كل الملفات وعند فك الضغط عنها تظهر نفس الرسالة.

يا ترى ما هو السبب.

أبو فؤاد : معني كده ان النسخه بتاعت 2003 متنفعش تنزل في الـ ToolBox جرب تضيفها كـ Reference ,

أخي مصلح : نسخه 2005 أنا نزلتها و شغلتها قبل كده وسليمه , غالبا المشكله من عندك ,,,

أخويا وحبيبي hazzoom

أكيد جربت من قبل حتي ما تقول وهقولك كمان الخطوات

اضغط علي اسم المشروع كليك يمين وبعدين اختار Add Reference وبعدين التبويب اللي اسمة .net واختار المكتبة من المسار الخاص بيها وفعلاً اخترت المكتبة ونزلت في Reference والحمد لله وظهرت تحت اسم المشروع في القائمة الشجرية بإسمها

ايه رأيك .... كده أعتقد ان كل الخطوات ماشية معايا زي الحلاوة و كله تمام

طيب دلوقتي وبعد ما ضفنا المكتبة في Reference بردو نرجع لنفس السؤال وهو ازاي أعرض الـــ Skins علي الفورم

ولعلمك انا بعد ما ضفت المكتبة في Reference لم يظهر شيء في الــ Tool box

قلت أروح للهلب بتاع برنامج Crafter وأشوف بيقول ايه

لئيت شارح خطوات جميلة في طريقة عمل الــ Skins في الفيجوال بيسك وكاتب أكود زي الفل ولما جربت ومشيت ورا الخطوات اللي هو عاملها بردو مفيش حاجة ظهرت علي الفورم

ملحوظة : - البرنامج ده ديمو هل هذا له تأثير علي عدم اظهار الــ Skins

طيب المهم دلوقتي انا ضفت الاداه في Reference قولي بأه أعمل ايه بعد كده ؟

الي الاخ الغالي مصلح

جميع البرامج بتنزل من علي الموقع وبرنامج فك الضغط بيفكها زي الفل شوف كد يمكن يكون عندك مشكلة في برنامج فك الضغط

أخويا hazzoom

بصراحة انا مش عاوز اسيب المشاركة دي الا لما آلائي حل للموضوع ده عشان استفاد وكل الاعضاء الجدد اللي زي حلاتي بردو يستفادو خصوصاً ان كل المواضيع اللي اتعرضت في هذا المنتدي تخص موضوع Skins أعتقد انها مكتملتشي للاخر

عموما انا عارف اني تعبتك معايا ....

أنا آسف

أخوك محمد فؤاد

اقتباس

ولعلمك انا بعد ما ضفت المكتبة في Reference لم يظهر شيء في الــ Tool box

طبيعي :D

اقتباس

ملحوظة : - البرنامج ده ديمو هل هذا له تأثير علي عدم اظهار الــ Skins

لا

يا أبو فؤاد أنا مش عارف ايه المشكله اللي عندك بس أنا متأكد انها بسيطه , ولو كان عندي 2003 كنت جبتلك شرح بالصور , ياريت حد الاخوه اللي شغالين علي 2003 يريح الموضوع ده ,,,

يظهر اني طولت عليك في الكلام

طيب المفروض ان أنا دلوقتي معنديش مشكلة

لاني انا ضفت المكتبة في Add Reference وانت ما قلتليش أعمل ايه عشان اشغل الــ Skins علي الفورم ؟؟؟؟

وكمان أنا لما نوهت لك عن اني لما ضفت المكتبة في Add Reference ومظهرتشي في Tool Box رديت انت عليا وقلتلي طبيعي . . . . أعتقد دلوقتي ان مفيش قدامنا غير ازاي نعرض الــ Skin علي الفورم ؟؟؟

علي العموم أنا وأنت دلوقتي منتظرين رد من أي حد من الاخوه الافاضل يرد علينا ويساعدنا في الموضوع ده

أرجو أني آلاقي رد من الاخوة الاعضاء والمشرفين يحل ليا المشكلة

شكراً

لا يا عم مطولتش ولا حاجه ,

اقتباس

علي العموم أنا وأنت دلوقتي منتظرين رد من أي حد من الاخوه الافاضل يرد علينا ويساعدنا في الموضوع ده

إنتظر انت بس :P أنا جربته علي 2005 وماشي زي الفل , أكيد فيه خطوه غلط انت بتعملها ,,,

طيب انا منتظر .............. لحين رد جديد

شكراً لك

استاذي الفاضلان

والله واجهة صعوبة في فك ضغط الملفات حذف الــ Win RAR ونزلت نسخة ثانية --- نزلت WinZip وأعدت تنزيل جميع البرامج ولكن للأسف عند فك الضغط تظهر لي نفس المشكلة

الويندوس XP sp2

Vb.net2005

لا أعلم السبب وقد أرفقة صورة لرسالة الخطأ أن استطاع احد الإطلاع ووجد الوقت الكافي أكون له شاكراً لربما يعرف السبب

أخي الغالي مصلح

السلام عليكم ورحمة الله وبركاتة

أنا نزلت البرنامج من علي الموقع وفكيتة عندي بدون أي مشاكل

ولاجل عيونك أرفقت لك البرنامج مرة أخري من خلال هذا الرابط ومنتظر النتائج

تسلم يا أستاذ محمد

والله ما قصرت وأنا شاكر لك هذا كرم منك

يبدوا أن لدي مشكلة في جهازي كل ما رحت أفتح الرابط الذي وضعته أجد رسالة أن الموقع محجوب

ألف شكر لك