كيف تحمي بباسورد قاعدة بيانات أكسس تبع برنامجك من المتطفلين

#110 يوليو 2007 في 05:02 صاحب الموضوع

لتحميل المثال من هنا ..

Test.rar

كلا منا له برنامج تجاري يعتمد علي قواعد البيانات ..

وشيء طبيعي أن تقوم بعمل حماية لقاعدة البيانات .. لسببين :

الأول : وهو لعدم إتاحة مستخدمين البرنامج من رؤية وتعديل البيانات الموجودة به أوالاستفادة منها في التلاعب ..

الثاني : وهو خشيتك علي تصميم قاعدة البيانات نفسها من المبرمجين المتطفلين ..

والطريقة التي وجدت أن الجميع يتبعها في حماية قاعدة البيانات هي عمل باسورد للقاعدة ..

وحينما يريد أحد ما فتح قاعدة البيانات فسيجد في انتظاره النافذة الجميلة التالية ..

وبالتالي فلن تتوقع منه إلا أن يدخل مثلا علي الرابط التالي ..

/index.php?showtopic=43261

ليأتي بأي برنامج إتيان باسورد قاعدة بيانات Access مهما كان الإصدار ..

وبالتالي فتلك الطريقة لحماية قاعدة البيانات .. لن تمنع من يريد الوصول للداتابيس ..

والآن نتطرق إلي تطوير للطريقة السابقة .. والتي استخدمها في الحماية ضد المستخدمين المبتدئين ..

سنقوم بتوسيع مدي الباسورد لتصبح يونيكود ..

فمثلا البعض مننا يستخدم طريقة الحماية التالية لإيميله ..

ALT + Number >255

هذا ما سنقوم بعمله بالضبط .. وقاعدة البيانات في المثال المرفق قمت بوضع الباسورد لها علي هذا النحو ؟123؟

ALT + 789 123 ALT + 456

وعند محاولة قراءة الباسورد من قاعدة البيانات بأي برنامج فستكون علي الشكل التالي ..

حيث تم تبديل حرف اليونيكود بالرمز ? في جدول الاسكي .. وهما مختلفان تماما ..

ولعمل كونكشن من داخل برنامجك وعند كتابة باسورد قاعدة البيانات سنعتمد علي الدالة Chrw في إتيان حرف اليونيكود المقابل للرقم ..

وفي هذه الحالة لن يستطيع إتيان الباسورد بأي برنامج كان ..

ولم يتبقي أمام المتطفل لإتيان الباسورد إلا بتتبع برنامجك .. وفي هذه الحالة يمكنك تعقيد شفرة الباسورد أكثر بإضافة العديد من الرموز وإدخالها في عمليات حسابية متعددة لإرهاقه ..

تم تعديل هذه المشاركة بواسطة Pharaonic_Guy في 10 يوليو 2007 في 05:09

Islam Religion

#210 يوليو 2007 في 05:07

الله عليك ..اول مرة اعرف الطريقة ديه ..متحرمناش من المشاركات ديه الله يخليك -waf والف الف شكر

مدونة مهندس ميكانيكى

“Any fool can make things bigger, more complex, and more violent”

#310 يوليو 2007 في 05:54

اهلا اخ محمد فينك يا راجل من زمان

انا مابدخلش مواضيع قواعد البيانات لكن لما عرفت انك انت الى كاتبه دخلت

الطريقة سهلة الكسر لكن الى مصعبها ان محدش يتوقع انه الغلط فى نوع تشفير الحروف Ascii او Unicode

فكرة حلوة ومش غريبة عليك

ايه اخبار برنامج ال outlock اصدى برنامجك بتاع الايميل :D

انا البرنامج بتاع شغاال ونزلت بيه ملفات كتير واسرع من الداب :P

المشكلة الوحيدة انى مش عارف اربطه مع المتصفح جربت كل رسائل النظام لحد لما كنت هخرب السيستم وكل البرامج خرجت من التنفيز وطلعتلى حوالى 25 رسالة Error :blink: من ببتوع ميكروسوفت والجهاز هنج وكانت ليلة :(

موقع البرنامج

مبارك لشعب تونس

#410 يوليو 2007 في 08:20

اهلا بيك أخ FemTo .. بقالي كتير فعلا ما شفتكش .. وتشكر يا غالي علي المرور ..

-----------------

منور يا أحمد والله .. وأنا عارف إنك ما بتطقش سيرة الداتابيس :) ..بس يا غالي ده مصير إجباري .. ما دمت في مصر .. علي العموم مصيرك تتزنق وهتبقي مقيم قريبا في منتدي قواعد البيانات .. :P .. وتقول حاجات علي غرار .. (الحقوني مع تسجيل كريستال ريبورت 10 علي ماكينات أخري ... إلخ)

وكده تفضحنا بالاوتلوك .. مقبولة يا سيدي ..

بالنسبة لموضوع الربط تقصد Integration .. لو كده أقدر أفيدك مع Internet Explorer فقط .. فايرفوكس ولا أعرفه .. شكله هحيتاج Extension

وأعتقد تقريبا في اصدارات IDM قبل الاصدار 5 كان بيستخدم ملف JS .. ممكن نستغله ..

------------------

بس أنا أجد أن الأسلوب الوحيد لكسر هذه الطريقة هي تتبع البرنامج بديبجر .. وهذا لا يجيده الكثير ..ولا حاجة لمن يجيده في برنامج داتابيز أصلا ..

وهناك طرق عديدة لإرهاق من سيحاول ..

معادلات كثيرة .. تشفير .. وفي النهاية Packer محترم ..

تم تعديل هذه المشاركة بواسطة Pharaonic_Guy في 10 يوليو 2007 في 08:24

Islam Religion

#510 يوليو 2007 في 15:22

:D

اقتباس
..بس يا غالي ده مصير إجباري .. ما دمت في مصر ..

اكيد انت عارف انى مش هشتغل لوحدى وهشتغل فى تيم Team وشغل قواعد البيانات هرميه على اى حد تانى

اقتباس
علي العموم مصيرك تتزنق وهتبقي مقيم قريبا في منتدي قواعد البيانات .. .. وتقول حاجات علي غرار .. (الحقوني مع تسجيل كريستال ريبورت 10 علي ماكينات أخري ... إلخ)

لا حتى لو اتزنقت مش هسال اسئلة بالطريقة دى انا اصلا مش من النوع الى بيسال الا لما الدنيا تسود فى وشى وده الى حصل معايا

اقتباس
بالنسبة لموضوع الربط تقصد Integration .. لو كده أقدر أفيدك مع Internet Explorer فقط .. فايرفوكس ولا أعرفه .. شكله هحيتاج Extension
وأعتقد تقريبا في اصدارات IDM قبل الاصدار 5 كان بيستخدم ملف JS .. ممكن نستغله ..

انا ده الى اقصده ومبدئيا النترنت اكسبلورر مقبول لكن مينفعش انشر البرنامج واقولهم الى عاوز ينزل ملف ينسخ الرابط ويحطه فى البرنامج !!!!!!!

طبعا اذا الناس ماشتمتنيش محدش هيستخدمه

انا جربت موضوع رسائل النظام وعملت SubClass على برنامج صغير ووضعته مكان IDM وال IE فتحه لكن بصراحة لم يرسل اى WM تفيد انه عاوز يقولى مكان ال URL

زى الويندوس Windows explorer

رحت على برنامج Olly وجين افتح ال IDM طبعا مدمر كل دوال ال API الى مستوردها رحت عملتله Dump من الذاركة لقيته مغير ال Entery point الى موجوده فى Header فمعرفتش اتتبعه ونفس الكلام مع DAP

المهم البرنامج الى كان محترم شوية هو IDA ال ( Internet download accelerator) بس وانا بتتبعه طلعتى رسالة Memory unreadable اتخنقت وقفلت

قلت هتجه للجنون واتجننت

فتحت برنامج جديد وعملت Loop وخليته يبعت رسائل للنظام من 0 الى 500 وعينك ما تشوف الا النور الدنيا ازرقت واخضرت والشاشة جابت الوان الطيف وطلعتلى رسائل Error كتير والبرامج كلها قفلت والجهاز شتمنى بس انا رديت عليه :D وكانت ليلة

المهم لو الطريقة الى انت تعرفها غير الى انا حاولت فيه يبقى I'm gonna kill myself

__________________________________________________

اقتباس
بس أنا أجد أن الأسلوب الوحيد لكسر هذه الطريقة هي تتبع البرنامج بديبجر .. وهذا لا يجيده الكثير ..ولا حاجة لمن يجيده في برنامج داتابيز أصلا ..
وهناك طرق عديدة لإرهاق من سيحاول ..
معادلات كثيرة .. تشفير .. وفي النهاية Packer محترم ..

عندك حق اصلا انا عمرى ما شوفت دوال Data base على الديبجر برامج الداتا بيس هنا فى مصر بتكون موجههة لمؤسسة معينة واظن ان صاحب الشغل او العمال ميعرفو الا لانهم يفتحوا ويقفلوا الجهاز مش تعليمات Jump و Call وما الى اخره

اما انت اوحتلى بحتة حلوة

جدول الاسكى 128 حرف اذا ماكانوش زودوه :D

ممكن نستخد الدالة Chr() ونلعب فى ال 128 حرف الباقين ونطلع عينه

اقتباس
وهناك طرق عديدة لإرهاق من سيحاول ..
معادلات كثيرة .. تشفير .. وفي النهاية Packer محترم ..

يا عم حرام عليك كل ده على برنامج داتا بيس طب احنا بنتكلم على ملف الاكسيس

طب فى خدعة حلوة بردوا

جربتها من زمان

غير ال Extension للداتا بيس وهيظهر ملف غريب فى الاكسبلورر وبكدة المستخدم مش هيتوقعها

وكمان اعمل للملف ده ايقونه ولما يدوس عليه يفتح البرنامج بتاعك

كدة يبقى تمام

المهم متنسنيش فى الطريقة بتاعتك :rolleyes:

تم تعديل هذه المشاركة بواسطة حريف برمجة في 10 يوليو 2007 في 15:44

موقع البرنامج

مبارك لشعب تونس

#610 يوليو 2007 في 16:51

فكرة جميلة اخ Pharaonic_Guy بالرغم من بساطتها

حريف برمجة كتب:
المشكلة الوحيدة انى مش عارف اربطه مع المتصفح جربت كل رسائل النظام لحد لما كنت هخرب السيستم وكل البرامج خرجت من التنفيز وطلعتلى حوالى 25 رسالة Error :blink: من ببتوع ميكروسوفت والجهاز هنج وكانت ليلة :(

عليك ان تبرمج BHO ان كنت لا تعرفها Wiki

http://en.wikipedia.org/wiki/Browser_Helper_Object

#710 يوليو 2007 في 19:59

وجدت احد برامج التنزيل قد قام بعمل كائن BHO وقمت بايقافه لكنه مازال يعمل ويقوم بالتنزيل بطريقة عادية

موقع البرنامج

مبارك لشعب تونس

#810 يوليو 2007 في 20:15

IE_Automation.rar

حرام عليك يا أحمد ..

انت دايما بتصعبها عليك .. مع إن الحل بسيط وفي الـ IE Automation ..لمراقبة جميع أحداث المتصفح ..

أنا عدلت مشروع بسرعة لإني مستعجل قوي .. عندي برنامج مخازن بعيد عنك ..

كنت عمله من قبل وكنت واضعه هنا في المنتدي من زمان .. يبين كيفية استقبال ثلاث ملفات rar , zip , exe من الـ IE بمراقبة حدث BeforeNavigate

وممكن تلاقي في فايرفوكس إكيستنتشن لنفس الغرض مفتوح المصدر .. ممكن تستغله ..

والقي نظرة علي المشروع ده .. برده هيفيد ..

http://www.pscode.com/vb/scripts/ShowCode....98&lngWId=1

---------------------------------

وأنا بقول نبعد عن جدول الاسكي الـ Extended لإنه ممكن إتيانه وخلينا في اليونيكود اضمن ..

موضوع تغيير الاكستنشن .. فيه ناس فعلا اتبعتها .. ولكن صدقني بيتعرف بسهولة وبدون اي برامج .. فقط بالنظر لحجم الملف ..

ولو عايز فكره حماية كمان.. فممكن نضيف قاعدة البيانات مشفرة كريسورس للبرنامج ونطلعها ونفك تشفيرها ونفتحها Read Only .. وبعد كده نحفظها بدل الموجودة في الريسورس ..

احنا شكلنا لو مشينا في الموضوع ده شوية كمان .. هنعمل أفلام هندي ..

وأنا لسه شايف الرسالة الخاصة دلوقت .. هأبعتلك رد عليها في خلال خمس دقائق ..

----------------------------

والشكر لأستاذي محمد عبد العزيز علي تشريف الموضوع ..

وفعلا الفكرة بسيطة .. وفعالة ضد المعظم .. وهذا هو المراد ..

تم تعديل هذه المشاركة بواسطة Pharaonic_Guy في 10 يوليو 2007 في 20:16

Islam Religion

#910 يوليو 2007 في 21:59

هو فعلا حل مواضيع كتير

لكن لن ينفع مع الامتدادات المجهولة او مع الصفحات التى تستخدم PhP و AsP

بالنسبة للفيلم الهندى لسة جاية فى دماغى طريقة نار وسهلة وغير متوقعة فى الحماية

اما مشروع المخازن فربنا يفقك بس لو طالعلك فيه سبوبة حلوة ;) اخوك مزنوق :P

موقع البرنامج

مبارك لشعب تونس

#1011 يوليو 2007 في 02:21

هنلاقيلها حل .. مسألة وقت ..

نأجل مسألة الأفلام الهندية لبعد فيلم محمد سعد .. مش عايزين نخسر ..

عيب .. المشروع لمخازن الأيتام ;)

Islam Religion

#1111 يوليو 2007 في 03:28

فى حدث اسمه Begin download اول لما يشتغل باخد ال URL وابدا تنزيل الملف

بس كدة المتصفح ينزل صورة صفحة Html اى بتنجان فى تحميل الفحة البرنامج بيفتح بتاع 5 نوافز

يعنى المستخدم لو مكسرش الجهاز الى قاعد عليه هاخد انا شتائم بالعبييييييييييييييييييييييييييييط

موقع البرنامج

مبارك لشعب تونس

#1211 يوليو 2007 في 04:27

فيه حدث اسمه FileDownload

ده المسئول عن ظهور مربع صندوق حفظ الملف المحمل ..

لكن عمري ما جربت الحدث ده وأطلق Fired أبدا ..

ودلوقت لقيت إن المشكلة كانت من الـ IE نفسه

http://support.microsoft.com/?scid=kb%3Ben...p;x=11&y=10

Islam Religion

#1311 يوليو 2007 في 04:58

كتبت فى الريجسترى ال Key و ال Value الى قالو عليها ولا حصل اى شئ مازال الحدث لا يعمل

موقع البرنامج

مبارك لشعب تونس

#1411 يوليو 2007 في 21:52

وعمره ما هيعمل .. ده الـ IE يا عم الحج ..

ما زالت التجارب الفاشلة جارية .. حتي تنضبط هذه العملية ..

Islam Religion

#1513 يوليو 2007 في 21:00

طيب أخي لو سمحت

كيف أستطيع كتابة الكلمة في قاعدة البيانات لم أتمكن من ذلك

لم أتمكن وضع كلمة السر بهذه الطريقة بقاغدة البيانات

أرجو الشرح كون الطريقة جديدة علي

وشكراً

#1614 يوليو 2007 في 03:48

اضغط زر ALT وخليك ضاغط واكتب 789

سيب Alt واكتب 123

اضغط زر ALT وخليك ضاغط واكتب 456

Islam Religion

#1713 أبريل 2008 في 13:14

اقتباس
اضغط زر ALT وخليك ضاغط واكتب 789
سيب Alt واكتب 123
اضغط زر ALT وخليك ضاغط واكتب 456

حاولت لكن ماهي ضابطه معي مدري ليش

#1813 أبريل 2008 في 22:21

طيب أخي لو سمحت

كيف أستطيع كتابة الكلمة في قاعدة البيانات لم أتمكن من ذلك

لم أتمكن وضع كلمة السر بهذه الطريقة بقاغدة البيانات

أرجو الشرح كون الطريقة جديدة علي

وشكراً

#1915 أبريل 2008 في 02:51

جميل جدا بس ياترى اذاي ممكن تطبق على الData control

على فكره انا كمان دخلت على الموضوع لاني شوفت اسمك اللي تقريباً نسيته

شكرا يا استاذ على الموضوع

وياريت تشوف الموضوع ده

سؤال عن تجميع الارقام

I believe that there is no god but Allah and Mohamed is Allah Messenger

#2015 أبريل 2008 في 16:55

جميل جدا نعم

ولكن المصيبة أن مفتاح alt يعمل في كل شيئ إلا في تنفيذ هذا الامر

ولقد غيرت الجهاز ولم يعمل المفتاح داخل اكسيس

وغيرنا النظام ولم يعمل

فهل المشكلة في الاجهزة ام في النظام ام في مفتاح alt الرهيب الذي ارهقني ولم اجد حلا أرجو المساعدة وأرجوكم لا تستغربوا

وشكرا

#2115 أبريل 2008 في 17:09

اقتباس
جميل جدا نعم
ولكن المصيبة أن مفتاح alt يعمل في كل شيئ إلا في تنفيذ هذا الامر
ولقد غيرت الجهاز ولم يعمل المفتاح داخل اكسيس
وغيرنا النظام ولم يعمل
فهل المشكلة في الاجهزة ام في النظام ام في مفتاح alt الرهيب الذي ارهقني ولم اجد حلا أرجو المساعدة وأرجوكم لا تستغربوا
وشكرا

أعتقد أن المشكلة في إعداد لغة الويندو ، فياريت تحاول تنزل كل صفات اللغات المتاحة علي حاسبك الشخصي

شكراً

لا تخلط ما بين شخصيتي وأسلوبي .. فشخصيتي هي

ما أنا عليه وتحت تصرفي .. وأسلـوبي يعتمد عليـك

أنت وتصرفاتك

ولحظاتي صمت... وصمـت لحظاتي كلام ... كلامه

اشد آلام ... فصمتي أنا عنوان

عصر التكنولوجيا المعلوماتية(مدونتي الخاصة)

My FaceBook