بصراحة يا جماعة ، ما فرصة خريجى الكليات "الغير حاسوبية" فى مجال البرمجة ؟

شكرا جزيلا على المشاركات القيمة من م/ عمرو عمار ، م/عمرو السيد سعفان .(جزى الله خيرا كل من يكرمنا بعلمه ، فالمعلومات الصحيحة الكاملة فى مصر أغلى من الدهب ) . لكن بالنسبة للمشاركة 4 فأين هذه الندرة ؟ لقد كتبت اسماء ال groups لكى يدخل اخواننا أعضاء المنتدى بنفسهم و يعملوا هذا البحث و يصلوا الى نفس النتائج . واللى أعرفه ان هذه ال groups تمثل أكبر تجمع للوظائف فى المنطقة العربية كلها . (هل يوجد مصدر تانى للوظائف وأنا لا أعلمه؟

ياريت اللى يعرف حاجة يقولنا ويفيد الجميع ) ، وطبعا استثناءأ من ذلك الوظائف التى تأتى عن طريق المعارف و الاصدقاء فدى وضع تانى خالص .

- بالنسبة للمشاركة 5 فالكلام على فكرة متفق مع كلامى وغير متناقض معه ، لأن عملية التوظيف هى عملية عرض وطلب ، وكون أن 80 % من أصحاب العمل يضعون شرط الكلية الحاسوبية فده معناه انه ضامن انه هناك عدد كبير من خريجى الكليات الحاسوبية سيتقدم للوظيفة ، ويكون هذا العدد كافى أنه ينتقى منه أصحاب الوظيفة . وطبعا فيه نسبة من خريجى الكليات

الحاسوبية مش حتلاقى شغل على طول بالطريقة دى ، بس الميزة أهم بيقدموا فى اعلان آخر وهكذا لحد ما ربنا يرزقهم بالتوظيف . لكن الشرط ده كأنه بيقول لخريجى الكليات التانية انه اساسا ما يحاولش يبعت ال CV حتى .

-اللى فهمته من مشاركة م/عمرو السيد انه يعنى "أتجاهل" ان الشرط ده مكتوب وابعت ال CV برضه ، وده معناه انه نسبة من هذه الشركات كاتبة الشرط ده منظر كده لأسباب معينة ، وما بتدققش عليه ولا حاجة ، فهل يا ترى ده اللى بيحصل فعلا ؟؟

(طبعا ليس المقصود ان الشركة تتغاضى عن الشرط ده فى مقابل انى عندى خبرة عملية كبيرة ، المقصود ان الشركة تتغاضى

عن الشرط ده وأنا لسه مخلص منحة وزارة الاتصالات مثلا و مفيش سنين خبرة ) .

- الجزئية الأخرى هى "مجال الجرافيك والملتيميديا " ، ما رأى اخواننا فى هذا المجال ؟ ( فعلى الرغم من انه برضه هناك تقريبا 20% من اعلانات الوظائف برضه شارطة برضه الكلية الحاسوبية فى هذا المجال - مش فاهم انا بقى ايه دخل الكلية

الحاسوبية فى التخصص ده هوه كمان ، حاجة غريبة جدا - الا ان 80 % من اعلاناته مش جايبة سيرة خالص لهذا الشرط)

- أليس هذا المجال هو الأولى بالتوجه اليه مادام فيه شغل كويس ؟ ، وأنا واحد أهوه مستعد أعتبر الكم المتوسط اللى عرفته فى ال .NET من باب المعلومات العامة ، وأدخل المنحة تراك جرافيك ، على أساس انى اخد فيه فرصتى الكاملة فى المنافسة على الوظائف .

اقتباس

الشهادات ضرورية في الحالات التالية:

1. الوظائف الحكومية.

2. الوظائف الرسمية في الشركات الأهلية الضخمة (لأن في مثل هذه الشركات عادةً يكون قسم التوظيف منفصل عن قسم التقنية).

حالات لا تشترط الشهادة، و لكن الخبرة ضرورية جداً.

1. وظائف كمتعاقد (مباشر أو من الباطن) مع مؤسسة حكومية أو غير حكومية.

2. الوظائف رسمية الشركات الأهلية الأقل حجماً (يعتمد على تشكيلتها الإدارية) و بالذات إذا كانت لديك معرفة شخصية بأصحاب الشأن.

حالات لا تشترط الشهادة، و لا يدققون كثيراً في الخبرة.

1. الأعمال التجارية الصغيرة جداً.

2. الأعمال الخيرية (العمل مجاناً و لوجه الله

-الذى أجده فى اعلانات الوظائف فى ال groups أن 80% من الوظائف المعروضة فى مجال ال .NET للمبتدئين junior تشترط بشكل أساسى بكالوريوس كلية حاسوبية (وكل الشركات التى تبعث هذه الوظائف هى شركات خاصة ، فالحكومية تعمل اعلانات فى الجرائد الرسمية )

-وبعدين كون أن الوظائف الحكومية فى مصر (ليس عندى معلومة أكيدة فى هذا ، ولكن ذكر ذلك فى مشاركتين حتى الآن) تشترط هذا الشرط فده فى حد ذاته يعتبر أغرب شئ ، لأن الحكومة هى اللى عاملة المنح دى (منحة ال ITI ، ومنحة وزارة الاتصالات ، ومنحة ال IMC ، ومنحة ال AGC ) فالمفروض ان الحكومة هى أول صاحب عمل لا يشترط هذا الشرط !!

=====================================================================

طبعا أنا لم أقل أن النسبة 100 % تشترط هذا الشرط ، ولكن برضه نسبة 80 % دى عالية جدا ، فى مقابل هذا الكم الكبير من المنح والدورات المفتوح لكل الكليات (المنح دى مفتوحة لكل الكليات على أساس أنه الخريجين دول معظمهم مش لاقى شغل فى مجال كليته

، فالحكومة مشكورة بتعمله تدريب تحويلى نحو المجالات اللى مطلوبة فى سوق العمل (واللى من ضمنها المفروض مجال البرمجة ) عشان يلاقى شغل فيه ، شوف المفارقة !!! يعنى شئ عجيب جدا .

=====================================================================

اقتباس

أعتقد ان الهدف من وراء طلب الشهادة الجامعية للتوظيف هو ان خريج الجامعة يملك البنية الاساسية لعلوم الكمبيوتر من حيث المبدأ

أي أن الطالب يقضي من عمرة 5 سنوات في الجامعة بتعلم المبادئ الاساسة للكمبيوتر (من حيث التكوين هاردوير و طرق التعامل مع الكمبيوتر) و البرمجة

ثم بعد ذلك ينتقل الى المرحلة العملية و هي الخبرة

و من وجهة نظري الخاصة ان هذه البنية الاساسية هي الطريق السليم الى الخبرة الجيدة

وقد يقول البعض انه يوجد شخص مبرمج جيد وهو لم يدرس في كلية هندسة الكمبيوتر أو المعلوماتية و هذا الشخص قد قام بعمل عدة برامج و مواقع

و انا أوافق معكم في هذه الحالة اذا كان الشخص قد أجتهد من نفسة و تعب حتى وصل الى هذا المستوى ولكن قد تجدة يفتقد الى المعلومات الاساسية أو قد تجدة لا يعرف لماذا يعمل كود البرنامج بهذه الطريقة "مع العلم ان الكود يعمل بشكل صح"

و أعذروني هذا الرد هو من وجهت نظري الخاصة مع أحترامي و تقديري الى الجميع

أنا طبعا ذكرت فى أول الموضوع أن هذه ليست جزئية النقاش ، وذلك لسبب بسيط أنه واضح انه 80 % من أصحاب العمل مقتنعين بوجهة نظرك ، وبالتالى النقاش فى الجزئية دى غير مجدى ، وان كانت النسبة اتعكست فى مجال ال design والجرافيك على اساس انه مش تخصص برمجى وأنه يعتمد على الحاسة الفنية

- بس انت لو عايز تحلل لماذا يطلب أصحاب العمل هذا الشرط ، فوجهة نظرى ان المسألة عبارة عن تحيز مش أكتر ، يعنى صاحب العمل اللى كان خريج كلية حاسوبية بيضع هذا الشرط (لأن هو مبدأه كذا وكذا ) ، وصاحب العمل اللى كان من كلية غير حاسوبية لا يضع هذا الشرط (لأنه هو نفسه دخل فى هذا المجال و تميز فيه ووصل لأنه يصبح صاحب عمل بدون هذا الشرط)

- من ناحية أخرى أن الهدف من البرمجة هو الحصول على منتج نهائى software بمواصفات عالية الجودة quality software فالعميل اذا حصل على منتج نهائى عالى الجودة quality software ياترى هل حتفرق معاه انه فريق العمل اللى صنع هذا المنتج النهائى كان أعضاؤه خريجى كليات حاسوبية ولا غير حاسوبية ولا خريجى جامعة من أساسه حتى ؟!

لو قريت قصة حياة بيل جيتس حتلاقى انه صنع مع بعض اصدقاؤه نظام تشغيل من خلال التعلم الذاتى بواسطة كتب البرمجة

وعرضه على شركة MITS، ، الكلام ده وهو طالب فى كلية الحقوق ، ولما لقت الشركة انه quality software وافقت عليه (ما قالتلوش انت طالب فى كلية حقوق ومينفعش ) ولما كبر حجم أعماله ترك كلية الحقوق بدون أن يكملها ، وتفرغ لصناعة البرمجيات

-هل يستطيع أخونا العزيز أن يقول لنا مثلا على topic معين يدرس فى الكليات الحاسوبية ، ويكون له تأثير واضح على جودة ال software النهائى وهذا ال topic لا يستطيع أى شخص خارج الكلية أن يتعلمه لا فى كتب ولا فى دورات ولا فى CBT ولا من خلال مواقع انترنت ؟!

=================================================================

-كنت عايز حد يكلمنا على مجال الجرافيك بصفة عامة ، أو على تراك الجرافيك فى منحة وزارة الاتصالات بصفة خاصة

ويبقى له جزيل الشكر

هذه المجموعات هى مجموعات فى ال yahoo groups . .توجه الى الرابط التالى

ثم Find a Yahoo! Group ، أدخل اسم المجموعة وأضغط search

- بعض المجموعات تشترط أن تشترك فى المجموعة قبل أن تستطيع قراءة الرسائلMessages. فطبعا لازم تكون مشترك فى ال yahoo نفسه أولا يعنى عندك yahoo id ، وتعمل login بيه ، وبعدين فى صفحة المجموعة نفسها join the group

- بعض المجموعات تعطيك اشتراك فورى ، والبعض لازم ال moderator يوافق (ودى خطوة روتينية كده ، بيوافقوا على كل الناس ، وتانى يوم بتكون مشترك ) وتقرأ ال messages