كيف تبني برنامج مخازن ومبيعات بطريقة صحيحة ؟؟

أختي الغالية Silva

السلام عليكم ورحمة الله وبركاتة

سأشرح لكي بعض النقاط المهمة والتي ستفيدك في بنية برنامج مخازن ومبيعات

1 - يتم وضع كود الصنف واسم الصنف ووحدة الصنف في شاشة تكويد الاصناف المخازن ( مرة واحدة فقط ) وهذه الشاشة تسمي دليل الاصناف مثل دليل الحسابات في المحاسبة

2 - يتم استدعاء هذا الكود بجميع بياناته من جدول دليل اصناف المخازن او شاشة التكويد الي شاشات تسجيل فواتير الشراء والبيع وذلك عند تسجيل فواتير جديدة وذلك للاسباب التالية

أ - استدعاء الكود من الشاشة الرئيسية يمنع المستخدم من أخطاء الكتابة والمسافات وما الي ذلك

ب - تكرار ارقام الاصناف في الفواتير سوف يشوه رصيد المخازن

لذلك نحن لا نعيد كتابة الاكواد مرة اخري ( بل نستدعيها من الجدول الرئيسي لكي يسير البرنامج بمنهج واحد )

السلام عليكم

اخي الكريم محمد باشا فؤاد

طبعا شغل 100 - 100 وربنا يبارك فيك

والله انا متابع الموضوع من البداية ولاحظت تكرار طلب الاعضاء لموضوع الوحدات المتعددة للصنف الواحد !!

ايه رأيك لو استخدمنا جدول Names زي ما هوه وانشأنا جدول فرعي منه One To many وذلك بعد تحويل رقم الصنف الي مفتاح اساسي

وبالجدول الفرعي Many نعرف وحدات فرعية ونسبتها الي الوحدة الاصلية بالجدول الرئيسي One

مثلا الاسمنت البورتلاندي - الرقم 1 - الوحدة كيلو - سعر البيع 10 ---------- بالجدول الرئيسي

وفى الفرعي

الوحدة شيكارة = 20 من الوحدة الرئيسية

ممكن يكون توصيل فكرتي صعبة

انا عدلت علي نموزج المشتريات باضافة استعلام توحيد للوحدات لكل صنف عند الاختيار وطبعا بواسطة الدالة Coulmn بعد كده ممكن واحنا بنستدعي الوحدة نستدعي معاها نسبتها الي الوحدة الرئسية بجدول Name ويتم ادراج جيع المعاملات بالوحدة الرئسية وكذلك التقارير ستكون بالوحدة الرئيسية ولكن بذلك نكون ريحنا المستخدم من موضوع الوحدات ---- بس ده طبعا هيجبرك علي عمل نموزج فرعي لجدول الاصناف لاضافة الوحدات الفرعية لكل صنف ومن ثم اضافة نسبتها الي الوحدة الرئيسية

عل العموم الفكرة مرفقة بنموزج الاستلام او المشتريات ومرفق صورة توضح الفكرة عند اختيار الصنف

شوف كدة وقولي

اخوك احمد

Warehouses_System_up.rar

إلى الأخ محمد :

لك كل الشكر على مساعدتك و إجابتك السريعة لاستفساراتي

و أنا متابعة لبرنامج خطوة بخطوة حتى نهايته .

شكرا جزيلا لك

أبو حميد يا غالي

تصدق يا باشا انا كان نفسي من زمان تدخل معايا المشاركة دي من زمان وتشاركني بأفكارك المميزة واحط دماغي علي دماغك ونعمل سوا مترو انفاق من مصر الي السعودية

بص يا باشا انا واعوذ بالله من كلمة انا ... اطلعت علي المرفق ولاحظت فكرك العالي في التحايل علي مشكلة كبيرة انا لغاية دلوئتي مش عارف اظبتها زي الناس

لكن عندي لك ملاحظة وانا طبعا واجهت هذه الملاحظة من اكثر من عميل عملت لهم برنامج مخازن ومبيعات مشابة وخصوصاً جزئية الوحدات

لو انت غيرت الوحدة لصنف معين زي ما انت شايف بالصورة المرفقة في فاتورة الشراء او فاتورة البيع سيظهر لك في رصيد المخازن الصنف مرتين

مرة 80 كيلو ومرة تانية بــ 20 شيكارة في هذه الحالة احنا كررنا الصنف مرتين في تقرير رصيد المخازن مرة بالشيكارة ومرة بالكيلو

وماتزعلشي ممكن يكون فيه وحده تالتة اسمها طن يبقي عندنا رصيد المخازن للصنف 3 مرات ( مرة كيلو + مرة شيكارة + مرة طن )

وانا في اعتقادي ان الموضوع مش هيكون سليم كده عارف ليه ؟ عشان لو احنا عندنا مثلا 1000 و الــ 1000 صنف دول هنعمل معاهم الموضوع ده هيبقي عندنا 2000 صنف مكررين ويمكن يكونو 3000 صنف وكلة علي حسب عدد الوحدات اللي سيادتك هطحطها وقت عمليات الشراء .... لذلك اعتقد ان سياسة الشركة او المنشأه لازم تمشي بمبدأ واحد واعتقد ان مبدأ التعامل بأصغر وحدة هو الحل

يعني الاسمنت يعامل معاملة الكيلو جرام .... الا اذا كان هناك حل برمجي يعفينا عن موضوع التحويلات بين الكميات

طيب بص انا دلوئتي جتلي فكرة بس مش عارف انفذها ازاي

ان احنا نعمل عند الاستعلام عن الرصيد لصنف الاسمنت نعطي اختيارات للمستخدم وهو ( الصنف التي تريد ان تستعلم عنه تم ادخاله علي اكثر من وحدة - طن - شيكارة - كيلو - فبرجاء الافادة ماذا تريد من البرنامج ان يستخرج

الرصيد بالطن

ام الرصيد بالشيكارة

ام الرصيد بالكيلو

يعني لازمنا بدل ما نعمل وحدات فرعية يا استاذنا القدير نعمل معامل تحويل بين الوحدات بس مش عارف الفكرة تتنفذ ازاي ممكن نفكرة سوا وننفذها في البرنامج ولو قدرنا نحلها يبقي في هذه الحالة نسطيع استخراج رصيد المخازن بالوحدات اللي احنا عاوزنها بدون ما نستهلك سطور زيادة وتقرير كبير ولخبطة في الجرد وخلافة

اية رأيك في الكلام ده

أخي محمد الله يعطيك ألف عافية على الشغل الحلو

عندي سؤال بسيط هو:

كيف يتم اضافة صور لأزرار الأمر في الأداة imglist وكذلك في الأداة toolbar مع الملاحظة اني دورت عليهم في active .ocx ولم أجدهم ؟؟ وماهي صيغة الأيقونة التي نضعها في التوول بار "لقد جربت أكثر من صيغة ولم تنفع "

أرجو الإيضاخ

مع الشكر الجزيل

فادي

محمد باشا فؤاد حبيب الملاين

طبعا موضوع التقارير بيكون بوحدة واحدة فقط اما الوحدة الاساسية الموجودة بالجدول الاساسي للاصناف

او الوحدات بالجدول الفرعي للاصناف........ طيب الحل ؟

تم اضافة حقلين بجدول العمليات

تم تعديل شوية اكواد لضمان صحة الاحتساب بنموزج فرعي الاستلام

تم تعديل استعلام تقرير المخازن ليكون بالوحدة الاساسية فقط

ارجو منك تجربة الاداء بعد اضافة اصناف ووحدات فرعية لها

ياريت لو عجبك التعديل تعمل حاجتين :

1- اضافة عناوين للكومبو بوكس بتاع اختيار لوحدة

2- تعميم التعديل ليشمل الصرف كمان

3-نموزج فرعي لاضافة الوحدات الفرعية

اخوك المتغرب المسكين

Warehouses_System_up.rar

محمد باشا فؤاد

وعلشان نعدل الخطأ اللي ممكن يحصل فى تقرير كشف حركة الاصناف

لازم نعدل الاستعلام Item_Transaction ليكون مصدر بيانات الوحدة هو جدول الاصناف Name وليس جدول العمليات

مرفق صورة يا استاذنا

اخوك احمد

إلى الأخ محمد :

لدي استفسار أتمنى منك إجابتي عليه

في حال قمت بتغيير أحد أسماء الأصناف في جدول الأصناف فما هي الطريقة ليقوم بتعديل الاسم في فواتير و الشراء السابقة لعملية التعديل.

و لك الشكر مسبقاً على مساعدتك .

السلام عليكم ورحمة الله وبركاتة

الاخ والاستاذ محمد ترك

شكرا على المجهود الكبير لأفادة اعضاء المنتدى ولى سؤال على البرنامح

وهوة عند تجربة اضافة عدد معين لصنف معين فى فاتورة الشراء وليكن 100 وحدة

وشراء 50 وحدة اخرى لنفس الصنف سواء فى الفاتورة او فى فاتورة اخرى

الملاحظة هنا ..............

عند عملية البيع لا يوجد كنترول او تحكم فى رصيد الصنف , يعنى انا ممكن اخرج من الصنف دة 200 او 1000 زى اما انا عاوز

ارجو منك ان تفيدنا فى البرنامج ازاى البرنامج يعطى رسالة تحزير بأن رصيد الصنف غير كافى

ارجو ان اكون وضحت سؤالى ولك جزيل الشكر لك وللمنتدى العظيم .

تحياتى للجميع

السلام عليكم اخي الكريم

mbeheiry

لتنبيه المستخدم عن رصيد الصنف هناك اختيارات ممكن عند اختيار الصنف تظهر رسالة محتواها رصيد الصنف

او عند ادخال الكمية المباعة تظهر رسالة بالتنبيه او الرفض .. او .......... حاجات كتير جدا

كلها ترتكز علي استخدام الدالة LookUp عند اختيار الصنف لذلك قمنا باضافة حقل بالنموزج فقط ليظهر فيه رصيد الصنف اثناء اختياره

ثم بعد كتابة الكمية المباعة ستتم المقارنة مع الكمية المباعة وستظهر لك رسالة تفيد ان الصنف رصيده غير كافي

بعد كده ممكن انت تضيف اي حدث ممكن سواء الغاء او اي اجراء اخر حيث ان فى بعض البرامج المخزنية يتم قبول الصرف بالسالب للمستخدم ولكن فعليا يتم اضافة الكمية الزائدة لجدول اخر بالتكلفة المقدرة.

اخوكم فى الله

Warehouses_System_up.rar

أخويا وحبيبي ابو حميد

ايه يا عم الشغل العالي ده انا مقدرشي علي كده انت استاذ ووجودك معايا في هذه المشاركة اكيد مهم وهستفاد اكيد جداً من خبرتك

معلشي اتأخرت عليك في الرد وعلي الاعضاء ايضا لاني مشغول شويه

لكن ان شاء الله هتابع معاكم الموضوع قريب جداً

بس الاول محتاج انظم شويه التعديلات اللي سيادتك عملتها في البرنامج واضافة نموذج فرعي للوحدات الفرعية

ومراجعة خط سير البرنامج مرة اخري عشان اتاكد ان مفيش مشكلة في البرنامج وان شاء اضافاتك مافيهاش مشكلة وكمان اضع شرح مفصل لها عشان الاعضاء الجدد يقدرو يفهمو بالضبط التغيرات

الاخت الغالية silva

يوجد علاقة بين جدول الاصناف names وجدول الحركات transactions وهذه العلاقة زي ما الاستاذ احمد وضح في الصورة اعلاة يوجد تتالي حذف وتتالي تحديث

المهم حاولي تغيري اسم الصنف في شاشة التكويد

وافتحي تقرير رصيد المخزن ستجدي الاسم اتغير

افعلي وغيري اسم الصنف مرة اخري ستجدي تغيير الاسم في شاشة تكويد الاصناف يتابعة تغير في اسم الصنف في النماذج والتقارير وهذا يرجع للعلاقات التي تم انشاءها بين الجداول

تابعونا

السلام عليكم ورحمة الله وبركاته

الاخ والاستاذ محمد ترك

اشكرك على العطاء المميز لما به منفعة للاخوة الاعضاء ولكن عندي تساؤل عن

طريقة احضار imglist من activex حيث انني لم اجدها بالقائمة وكذلك طريقة toolbar

وبارك الله فيك

أخي الغالي / محمد تركي

السلام عليكم ورحمة الله وبركاته

ما شاء الله عليك ... أنا متابع معك ... ولكن في الشتاء يقل الانتاج لأنني لا أستطيع الجلوس أمام الحاسوب طويلاً لأن الجو بارد وقارس جداً وأنت تعرف أن الكهرباء مقطوعة ومتقطعة عندنا ...

فقط للتبيه ، يوجد ملاحظتين

1. قائمة التقارير ............> تقرير حساب الموردين وعند فتحه يظهر استعلام عن رصيد عميل.

2. قائمة التقارير ............> تقرير حساب العملاء وعند فتحه يظهر استعلام عن رصيد مورد.

أخي العزيز محمد .... بارك الله فيك والله يجعله في ميزان حسناتك وسر إلى الامام على بركة الله

أخيك المحب

بسم الله الرحمن الرحيم

الاخ الفاضل

لك كل ايات الشكر والعرفان ورزقك الله بقد كل حرف كتبته فى هذا الموضوع

ولكن لديه سؤال مركب

اولا كيف يمكن الاستفسار عن الرصيد بمعنى عند إدخال البيعات تعرفنا الرصيد يسمح اما لا ـ

لديه عدة برامج اخذت افكاره من المنتدي الموقر وعملتها بطريقه مختلفه

كيفه يمكن رفها الى المنتدى

وارجوا التعقيب عليها

بكر اكسس

الاخوة الزملاء

السلام عليكم ورحمة الله وبركاتة

كل عام وانتم بخير

استاذي ومعلمي الفاضل كمال النحال

كيف حالك لعلك بخير فعلاً الجو بارد جداً هذه الايام ولا نستطيع الجلوس فعلاً امام الكمبيوتر فترة طويلة نظراً لبروده الجو فيدي تكاد ان تقف وانا اكتب علي لوحة المفاتيح من شدة البرد

ملحوظتك علي العين والراس وتم تدارك الخطأ اصلاحة

اليوم سنبدأ في شرح بعض النقاط المهمة والافكار الرائعة والذي تفضل استاذنا احمد بالتنويه اليها ولكن بشيء من التفصيل حتي يستطيع كل عضو يهمة الامر ان يفهم اكثر عن موضوع الوحدات الفرعية

بسم الله نبدأ

اولاً تطرق الاخ الفاضل احمد باضافة ميزة جديدة وجميلة للبرنامج وهي تعدد الوحدات للصنف الواحد وتحرر مدخل البيانات من التقيد بادخال بوحدة واحدة فقط والان لكم مطلق الحرية في اختيار الوحدة الملائمة والتي تخدم العمل بشكل فعال

فمثلاً

اذا كان لدينا صنف بالمخزن اسمه اسمنت بورتلاندي عادي

هذا الصنف كود رقم 1

ووحدته الكيلو جرام

والان يريد المدخل علي البرنامج ان يشتري او يستلم كميات بالطن او بالشيكارة او بالطلبية

لذلك جائت فكرة الوحدات الفرعية للصنف

أولاً سيتم انشاء جدول جديد لاضافة الوحدات الفرعية كما هو موضح

بعد انشاء الجدول والذي سحتوي علي الوحدات الفرعية للاصناف المراد عمل لها وحدات فرعية

يتم انشاء علاقة بين هذا الجدول وبين جدول الاصناف وربطة بعلاقة كما تري

بعد الانتهاء من ربط جدول الوحدات الفرعية بجدول الاصناف الاساسي يتم دمج الجدول الفرعي بجدول الاصناف داخل النموذج وجعلة نموذج فرعي لجدول الاصناف ليصبح شكل جدول الاصناف النهائي كالتالي

بعد ذلك ليس امامنا غير اظهار النتائج بنموذج فاتورة الشراء ونموذج فاتورة البيع

لذلك سنذهب الي نموذج فاتورة الشراء لايضاح بعد الامور

اولاً سنحول مربع النص الي قائمة منسدلة والخاص بحقل الوحد في النموذج الفرعي

ثم باستخدام استعلامات التوحيد يمكننا دمج القيم التي توجد في جدول الاصناف الرئيسية وما يقابها من جدول الاصناف لتصبح جملة استعلام التوحيد كالتالي

SELECT Names.Number, Names.Name, Names.unit, Names.[unit price], 1 AS Per  FROM [Names] WHERE (((Names.Number)=[Forms]![Trans_in]![Transaction subform].[Form]![كود الصنف])) UNION SELECT Names.Number, Names.Name, SubUnit.SubUnitName,SubUnit.SubUnitSalesPriz, SubUnit.MainbasicUnitM AS Per  FROM [Names] INNER JOIN SubUnit ON Names.Number = SubUnit.ItemCode WHERE (((Names.Number)=[Forms]![Trans_in]![Transaction subform].[Form]![كود الصنف]));

انتهينا الان من جملة الاستعلام

سنذهب مرة اخري لخصائص القائمة المنسدلة للوحدات لاضافة رؤس للاعمدة ومشاهدة النتيجة كما هو موضح

بعد ذلك سنضع في حدث بعد التحديق لمربع القائمة المنسدلة هذا الكود لتحديث حقل UnitRate والذي سيتم وضع فيه النسب والذي قد وضعناها من قبل داخل جدول الاصناف لكل حدة

Me.UnitRate = Me.unit.Column(4)

والان سننشيء حقلين جديدين داخل جدول الحركات Transaction

حقل اسمة Qty_in-Multi

حقل اسمة nitRate

ومهمة الحقل الاول اظهار الكميه بداخلة بعد عملية التحويل والتي ستظهر برصيد المخازن

ومهمة الحقل الثاني ادراج بداخلة النسب والتي سنستخدمها في العمليات الحسابية التالية

العملية الحسابية الاولي وهي

هي ضرب الكمية المدخلة بالطن او الشيكارة في نسبتها ليتم تحويلها الي كيلوات ومن ثم اظهارها في رصيد المخازن

Me.Qty_in = Me.UnitRate * Me.Qty_in_Multi

والعملية الحسابية الثانية وهي ضرب ناتج العملية في سعر الوحدة لاظهار الناتج بالاسعار او قيمة العملية من خلال الكود التالي

Me.Total = Qty_in_Multi * unit_price

والان سنقوم بتزويد الجزء السفلي من النموذج ببعض المعلومات المهمة والتي قد تفيد بالتأكيد المستخدم بامداده بالتقارير الفورية والسريعة بدون الذهاب الي التقارير

مثل عدد بنود الفاتورة

رصيد الصنف الحالي

اجمالي الفاتورة

نسبة الخصم

كما هو موضح بالصورة المرفقة

والان بعد قم بتجربة ادخال الاصناف مرة بالطن ومرة بالشيكارة ثم اذهب الي رصيد المخازن للتحقق من النتيجة

ستجد جميع الكميات المدخلة بالطن او الشيكارة او الطبلية قد تم تحويلها الي كيلو

بعد الانتهاء من هذه الجزئية سنتظرق الي جزئية اخري مهمة وهي ظهور رسالة تحذيرية للمستخدم تفيد بان الكمية المنصرفة اكبر من الرصيد الحالي

وكما وضحة الاخ الغالي احمد سابقا

سنقوم اولاً انشاء حقل داخل النموذج الفرعي لفاتورة البيع اسمة

Item_Balance

هذا الحقل مهمتة الرئيسية مقارنة المنصرفة المدخلة داخل الحقل بالرصيد الحالي لذلك نحتاج لاظهار الرصيد الحالي اولاً داخل هذا الحقل وذلك من خلال هذه الجملة الرائعة وقت كتابة رقم الصنف

Me.item_Balance = DLookup("sum([Qty_in_Multi])-sum([qty_out])", "transaction", "[number]='" & [كود الصنف] & "'")

وهذه الدالة مهمتها جلب اجمالي المدخلات وجلب اجمالي المخرجات من خلال كود الصنف

بعد ذلك ومن خلال عملية حسابية صغيرة داخل حقل الكمية المنصرفة نكتب التالي

If Qty_out > item_Balance Then
MsgBox "الكمية المنصرفة اكبر من الرصيد الحالي", vbCritical + vbOKOnly, "رسالة تحذيرية"
Cancel = -1
Else
Me.Total.SetFocus
End If

وهذه هي النتيجة كما هو موضح بالصورة

وبذلك نكون قد تغلبنا علي عدم صرف كميات بالزيادة والالتزام برصيد المخازن

نفس الطريقة الذي اتبعناها في فاتروة البيع سنتبعها في فاتورة الشراء

وبهذه الطريقة استطعنا التغلب علي مشكلة الوحدات المتعددة للصنف ومشكلة الصرف بالزيادة ممن رصيد المخازن والذي يظهر بالسالب

والفضل يرجع لاضافات اخونا الغالي احمد السحرية للبرنامج ولهذه المشاركة

مرفق الملف علي آخر تعديل

تابعونا

Warehouses_System_up.rar

محمد باشا صباح العسل

تعديلات جميلة جدا بس محتاجة حاجة بسيطة شوية لمسات :

1- اخفاء سعر البيع عند اختيار الوحدات فى شاشة المشتريات

2- تعديل اسماء الاعمدة فى قائمة اختيار الوحدات

3- يتم تغير مصطلح وزن الحبة فى نموزج فرعي الوحدات الي اي مصطلح اخر يفيد تنسيب الوحدة الفرعية الي الوحدة الاساسية

معلش كلها تعديلات بسطة جدا عليك

الاضافة الجديدة التي اللي بفكرلك فيها :

1- ادخال متوسط التكلفة Avarage Cost علي كروت الاصناف للوصول الي تكلفة المبيعات ومجمل الربح

2-عند اختيار العميل او المورد فى كل من شاشة القبض او الصرف تظهر مديونيته او دائنيته بنموزج فرعي لكل الفواتير غير المسددة جزئيا او كليا - ويكون السداد بواسطة الماوس مع مراعاة حقل للخصم او الفروقات ( العجز/الزيادة )

3- شاشات المرتجع ( مرتجع المبيعات ومرتجع المشتريات ) تكون باستدعاء رقم الفاتورة مع وجود حقل فى كل سطر لادخال الكمية المرتجعة من كل صنف

أخوك احمد

أبو حميد المتغرب

بخصوص النقاط الثلاث أو اللمسات أوعدك اني هعدلها

وبخصوص الاضافات الجديدة أكيد هضيف للمشروع رؤية مختلفة .. أشكرك كل الشكر علي هذه الاضافات ومنتظرين مشاركاتك الفعالة ولمساتك الساحرة

يالله شد حيلك وانا معاك عشان الموضوع يسخن ونسخن الاعضاء معانا كمان يمكن نلاقي واحد كمان معانا يفيدنا بافكارة وتعديلاتة علي المشروع لتعم الفائدة علي الجميع

بس عندي لك سؤال صغير

احنا ثبتنا الوحدة الاقل في شاشة التكويد وهي الكيلو وبدأنا نضع الوحدات الكبيرة في النموذج الفرعي طيب لو حبينا نعمل العكس وتكون الوحدة الكبيرة هي الاساس الوحدات الفرعية هي الاقل

بص انا هشرحلك انا عاوز ايه

لو احنا شغلنا البرنامج ده عند تاجر جملة مثلاً وحدة تعاملة الاساسية الكرتونة لكن في بعض الحالات بيتعامل بالعلبة او الزجاجة طيب ازاي هنعمل الموضوع ده وهنسب الكميات ازاي

يعني مثلا في حالة الاسمنت الرصيد النهائي بيطلع بالكيلو لكن في حالة مثلا السمنة هل الرصيد هيطلع بالكيلو ايضا اعتقد ان الموضوع هيختلف

يبقي لازم يكون الوحدة الاساسية الكرتونة

ووحدة فرعية تسمي علبة والعلبة وزنها مثلا 3 كيلو

مش عارف ممكن تفكر معايا في الموضوع ده

محمد باشا فؤاد التركي

انت طبعا عارف ان الكمبيوتر لا يفكر وانما يطبق معاييرك فقط

طيب لو فرضنا احنا مش هنعدل اي حاجة فى الاكواد السابقة وعندنا صنف بياناته كالتالي

الوحدة الاساسية كرتون ( علما بان الكرتون 10 حبات ) قمتا باضافة وحدة فرعية اسمها طبلية وهي = 100 كرتون وبعد ذلك قمنا باضافة وحدة فرعية اخري وهي حبة

تنسيب الوحدة وفقا للاكواد السابقة = 0.01 كرتون وهذه ما سيتعامل معه الكود ببساطه وبدون اي اخطاء

ولكن المشكلة الفعلية تكمن عندما تكون الكرتونة تحتوي علي 30 حبة ؟؟؟؟؟ طبعا بنستخدم الالة الحاسبة لنقسم 1 ÷ 30 بيكون الناتج = 0.0333333

وطبعا عدد غير منتهي من الكسور مما لا ينتج عنه دقة الاحتساب ؟

ماهو ذنب الكود فى عدم دقة الاحتساب ؟ الذنب ذنب اللي عمل فكرة الكود كان المفروض ان يكون هناك محدد بان تكون الوحدة الاساسية هي اصغر الوحدات للصنف بحيث عند تعريف الوحدة الاساسية تظهر هذه الرسالة وبعد ذلك عند اضافة وحدة فرعة جديدة باستخدام validation rule و validation text نشترط علي المستخدم ادخال قيمة اكبر من الواحد الصحيح ثم رسالة حلوة كدة...

وبكده نكون القينا مسئولية ادخال بيانات منطقية علي المستخدم وليس علي الكود

وكمان نقدر نستخرج تقارير الاصناف بأي وحدة فرعية للصنف وذلك بواسطة قسمة كل الكميات سواء المنصرفة او الواردة علي عدد الوحدات الاساسية فى الوحدة الفرعية.

هل يعتبر هذا الحل مقبول ؟ ام لا ؟

والله يا أبو حميد انت فعلاً عندك حق وانا قلت كده بردو ان هيبقي فيه جزء كبير علي المستخدم في ادخال بيانات منطقية للبرنامج وانا متفق معاك في رأيك هذا

اقتباس

وكمان نقدر نستخرج تقارير الاصناف بأي وحدة فرعية للصنف وذلك بواسطة قسمة كل الكميات سواء المنصرفة او الواردة علي عدد الوحدات الاساسية فى الوحدة الفرعية

ده طبيعي لان الكلام ده عكس اللي احنا عملناه بدل الضرب قسمنا

علي العموم خلينا في اللي جاي وان شاء الله خلال الايام القادمة نقدم شيء جديد يضيف للبرنامج شيء ويستفيد منه الاعضاء وكمان احنا

اخوك اللي مش متغرب

محمد فؤاد تركي

السلام عليكم

والله ياخي محمد مجهود كبير واللسان يعجز عن الشكر

لدي بعض الاستفسارات لكن ساوردها لاحقا لضيق الوقن

لكن الاستفسار السريع انه في التعديل الاخير على الوحدات الفرعية هناك مشكلة اما في المعادلات حيث بالنسبة للكمية المحولة الى الوحدة الرئيسية _الكيلو _ والسعر ايضا

لا اعرف ممكن انا مش واضحة الفكرة بالنسبة الي

فيا ريت انك توضحلنا شو عن التعديل الاخير

مع التقدير لك ولكل اللاخوة

بسم الله الرحمن الرحيم

الاخ الفاضل ـ محمد فؤاد

بعد التحية و الإحترام

لديه مشكله فى إستعلام إظهار مبيعات ومشتريات لحظه البيع أو الشراء

فى النموذج

أما بخصوص البرنامج اليك هذه النقاط وهى

ـ هل ممكن عمل نموذج يوضح بكم فتحت الخزنه اليوم وما رصيد الخزنه اليوم

هل يمكن عمل زر بداية وردية و نهاية وردية مع

و السلام

بكر اكسس _

السلام عليكم

اخي محمد بارك الله فيك مجددا

استفساري كالتالي

1-لما لم يتم اعتماد نوع number رقم للبنود الرئيسي مثل الارقام بدل اعتماد text حيث كما اعرف انها تكون اضمن للنتائج وهل لذالك علاقة بالدالة lookup

2-اقترح ان يكون هناك اذارا في كل من نماذج الادخال يعطي رسالة عند الخروج بحفظ البيانات ام لا

3- ماذا عن الاداه الرائعة dao هل تفيدنا بهذا البرنامج بما لها من مذايا كبيرة

مع الاحترام والتقدير

مشكور أخوي محمد على الجهود الرااائع والمتميز

والشرح اكثر من رااائع

وبالتوفيق أن شاء الله

السلام عليكم ورحمة الله وبركاته

انا لسه شايفة الموضع ده حالا

شكرا جزيلا للاخ فؤاد علي هذا المجهود

ارجو من الزملاء الذين يتابعون الدروس من البداية ان يكتبوها ك pdf لان صعب جدا ان اقرا كل هذه المشاركات واقوم بحفظها

أخي الغالي أحمد

تم تعديل أسماء الاعمدة كما طلبت

أيضا تم ازاله سعر البيع في شاشة فواتير الشراء

وطبعا كل مستخدم يغير اسماء الحقول براحتة حسب شغلة احنا بنوضح الفكرة فقط

الاخ الغالي بكر أكسس

السلام عليكم ورحمة الله وبركاتة

لم اتطرق بعد لجزئية الخزينة والورديات

وان شاء الله سأحاول ادارج هذه الجزئية في البرنامج اذا استطعت

الاخ الغالي rafi

تم اعتماد نوع الحقل number الي text لان خانة الكود عندي قد يتم ادراج فيها حروف لذلك فان حقل TEXT يقبل حروف وارقام لذلك تم بناء الحقل علي هذا الاساس وان شاء الله لا يوجد مشكلة فالبرنامج يعمل بشكل جيد اما بخصوص الرسالة التي تفيد المستخدم بحفظ البيانات فاعتقد انها لا تمثل مشكلة او عائق لان اكسس 2003 او اكس بي يقوم بحفظ البيانات وقت ادخالها واعتقد ان هذه ميزة كبيرة

أختي الغالية دعاء مختار

بارك الله فيكي واكثر الله من امثالك

ان شاء الله سأحاول عمل ذلك بعد الانتهاء من البرنامج وجمع كافة المادة العلمية في ملف PDF لكي يستفيد كافة الاعضاء الاستفادة المثلي من البرنامج

والان الاخوة الكرام

سنبدأ اليوم في شرح جزئية بسيطة وخفيفة لكنها مهمة جداً جداً

وهي وضع خيار للمستخدم في حالة الاستعلام عن رصيد المخازن هل يريد المستخدم اظهار رصيد المخازن ويكون محتوي التقرير علي الاصناف التي انتهي رصيدها واصبح صفر ام يتم استخراج التقرير بدون الاصناف التي لا يوجد لها رصيد صفر

وسنشرح الان الطريقة

1 - سنقوم بانشاء استعلام مبني علي الاستعلام القديم والموجود داخل البرنامج ليصبح الشكل كالتالي ثم نقوم بوضع علامة لا يساوي صفر في خانة الرصيد

<>0

قم بتجربة الاستعلام ستجدة يعمل تمام التمام

والان سنذهب الي النموذج لكي نستعرض ونجلب هذا التقرير من خلال مربع خيار

قم بانشاء مربع خيار Option Group من التول بوكس في نمط التصميم

وضع خيارين علي هذه الاداة

الخيار الاول

اقتباس

أرصدة المخازن مع اظهار الاصفار

الخيار الثاني

اقتباس

أرصدة المخازن مع عدم اظهار الاصفار

ليصبح شكل نموذج ارصدة المخازن كالتالي

والان ليس لدينا غير كتابة بعض الاكواد البرمجية الخفيفة والمسئولة عن عرض التقرير سواء بالاصفار او من غير الاصفار وذلك من خلال مربع الخيار

قم بفتح نموذج الارصدة في نمط التصميم ثم ضع هذا الكود عند الضغط علي زر امر ارصدة المخازن

Private Sub Command0_Click()
On Error Resume Next
Dim I As Integer
ProgressBar.Visible = True
For I = I To 10000
ProgressBar.Value = I
If I = 10000 Then
ProgressBar.Visible = False
End If
Next I
If Me.Frame18.Value = 1 Then
 DoCmd.OpenReport "Balance_with Zero", acViewPreview
 DoCmd.RunCommand acCmdZoom100
Else
DoCmd.OpenReport "Balance_without Zero", acViewPreview
DoCmd.RunCommand acCmdZoom100
End If
End Sub

وهذا الكود لكي يتم ضبط مكان النموذج علي الشاشة

Private Sub Form_Open(Cancel As Integer)
Me.Move 6000, 3000
End Sub

مع العلم اذا اردت ان تظهر لك القوائم بتنسيق مظبوط استخدم نمط العرض من الويندوز الي 1152 * 864

لتظهر لك القوائم بشكل جيد ومتناسق او قم بتغيير القيم الموجودة ضمن الداله Move لكي يتلائم مواقع النماذج داخل شاشتك

والان اترككم مع الاستمتاع بالمرفق ومشاهدة التعديلات الجديدة

بالتوفيق للجميع

Warehouses_System_up.rar