أول لعبة مصرية 3D

سلام عليكم

أنا لى رأي فى هذا الموضوع اللعبه ديه لو كانت فنياً كويسه يعني فيها شغل 3D و برمجة و أدارة كويس فمازالت هذه اللعبه عار علينا :D ليه بقى لان المفروض الناس ديه طالما قادرين يعملوا حاجة يبقى يعملوا حاجة ليه هدف بدل ما يسوقوا فيه زي محمد سعد

أحنا محتاجين حاجة تزودنا مش تأخرنا

هذه اللعبة حقيقية و هي ليست عار فهي نتيجة مشروع Physics Engine مصري أيضاً كان مشروع تخرج في كلية الهندسة قسم الحاسبات جامعة القاهرة عام 2004 و حصل على جائزة من وزارة الاتصالات + مقر في القرية الذكية و الموقع الخاص بهذا الengine

www.ThePhysicsEngine.com

(h) (h) (h) (h)

السبب الوحيد اللى ينفع لتسويق لعبه بشعوب بهذه الثقافة هو لعبة من ثقافتهم .. ولو عملوا فى اللعبة روبى كانت اتوزعت أكتر طبعا :D

باللهجة المصرية، وليست اللغة العربية

اول لعبة عربية ؟ اظن هذا اللقب اخد من قبل!

anwarica كتب:

(h) (h) (h) (h)

ولو عملوا فى اللعبة روبى كانت اتوزعت أكتر طبعا :D

:P فكرة جيدة،

سوبر روبي ضد البارون شعرون

سلام عليكم

أنا عارف موضوع الـPhysics Engine و علشان كده قلت او ان اللعبه فنياً كويسة

فهى مازالت عار

العار على الفكرة زات نفسها

بوحه - المتخلف أتعمل له لعبه

طب أنت عايز أيه كمان - طب كانوا يعملوا حاجة ليها معنى شوية - مش حاجة تحقر من مستوى ثقافة الشعب

"لحكايه ببساطه ان بوحة لعبة كمبيوتر عربية ثلاثية الابعاد (3D) مستوحاه من الثقافه المصريه .."

اقتباس

لحكايه ببساطه ان بوحة لعبة كمبيوتر عربية ثلاثية الابعاد (3D) مستوحاه من الثقافه المصريه ..

الفكرة غلط , و أن كان متعوب فيها جامد

المفروض كانوا يعملوا حاجة تعلم الى هيلعب و كان ده هيكون قمة الأبداع أو حتى حاجة تجاري الأحداث

هذه وجهة نظري ليس أكثر, رأي الفرد لا يعبر عن رأي مجموعه :D

اشمعنى اللعبة اليتيمة بتاعتنا بنقول عليها عار ؟؟؟

يعني ألعاب زي GTA أو NFS المليئة بالشتائم و الألفاظ و المناظر أفضل؟؟

neo كتب:

سلام عليكم

أنا عارف موضوع الـPhysics Engine و علشان كده قلت او ان اللعبه فنياً كويسة

فهى مازالت عار

العار على الفكرة زات نفسها

بوحه - المتخلف أتعمل له لعبه

طب أنت عايز أيه كمان - طب كانوا يعملوا حاجة ليها معنى شوية - مش حاجة تحقر من مستوى ثقافة الشعب

"لحكايه ببساطه ان بوحة لعبة كمبيوتر عربية ثلاثية الابعاد (3D) مستوحاه من الثقافه المصريه .."

الفكرة غلط , و أن كان متعوب فيها جامد

المفروض كانوا يعملوا حاجة تعلم الى هيلعب و كان ده هيكون قمة الأبداع أو حتى حاجة تجاري الأحداث

هذه وجهة نظري ليس أكثر, رأي الفرد لا يعبر عن رأي مجموعه :D

أؤيدك فى كلامك .

فبوحة ليست من الثقافة المصرية التى هى جزء من الثقافة العربية والأسلامية .

ولمن لا يعرف من الأخوة العرب فبوحه هذا عبارة عن شخص معاق زهنيا وبدنيا ويستخدم من الرقص والتمايل والمرقعة أسلوبا كى يحقق به حلم حياته ويبنى مستقبله .كما ان بوحة هذا كل المحرمات متاحة له ابتداء من الخمر وحتى القمار والجنس كلما امكن ذلك .

هذه هى شخصية بوحة التى يقولون عنها أنها مستوحاه من الثقافة المصرية .

أما بعض الأشخاص الذى يقارن بين ألعاب مثل GTA التى تشخص الثقافة الأمريكية وتصور حياة المجرمين والعصابات وبالتأكيد يجب أن تحتوى على كلمات بذيئة لسببين :

الأول أنها تشخص وتمثل مجتمع المجرمين .

والثانى أن الشتائم والسب جزء من الكلام الدارج بين الأمريكين .

bashmohandes كتب:

اشمعنى اللعبة اليتيمة بتاعتنا بنقول عليها عار ؟؟؟

لماذا لم يتخذوا من تحت الرماد, تحت الحصار و قريش قدوة؟

السلام عليكم

يا محمد أنا الى أقصده أن أحنا عايزين حاجة مفيدة و تناسبنا و تناسب الوضع الحالى الى أحنا فيه

يوميا ناس كتير بتموت بشكل مرعب زي ما يكون حبات رمل بتترمي فى المياة, أنت متخيل الوضع عامل أزاي

و بعدين الألعاب الى مليانه شتائم ديه, بتعبر عن مجتمع و أنت لو بتتفرج على أفلام أمريكاني هتلاحظ أنهم كلهم سفلة و مش محترمين بكل المقاييس , و هذا يظهر بشكل واضح عندما يوضع أى أمريكي تحت ضغط أو تضعف حجته , يتحول الى كلب يعض فى من أمامه

أحنا لا نعرف شئ عن تاريخنا الأسلامى

لا نعرف علمائنا الذين سرقت أعملالهم و نسبت للغرب

لماذا لا نحيي هذا , لماذا لا نقوم بعمل لعبة "مستوحاه من الثقافة الأسلاميه"

أكيد لو لعبه Stratgy الناس هتحبها جدا و هيكون عليها طلب

أو مثلا فكر جديد فى الألعاب, يعني مثلا لو فى لعبه أسمها المكتشف تساعد الى بيلعب اللعبه على التفكير

المكتشف يتم وضع قوانين فيها بشكل مرن يسمح بتوسيع مجال اللعبه بلاحدود ( مجرد فكره )

هناك الكثير لنقوم به و لكن هناك فرق بين من يتخذ أقصر الطرق للوصول "و ده الى أحنا ديما بنعمله و بيأدي غالبا للفشل" و بين واحد أتخذ طريق صح مشي فيه و تعب و حاول بشكل سليم

أحنا فى مجلنا ده ممكن نعمل حاجة تغير التاريخ و ممكن نموت مثلنا مثل أى شئ حي يموت

الناس الي غيروا التاريخ مش مختلفين عنا كتير, بس كان في حاجة واضحه جدا فى تصرفاتهم و هو أنهم يطبقوا القانون بدون ٍShort Cut

أتمنى أن أحنا نفكر بشكل جدي و نعمل حاجة ليها معنى, مش مجرد واحد متخلف بيجري بشومة

أنا لا أحقر من ما قامة بيه فريق العمل , و أنا أعلم أن هذا يعتبر تجربه حيه للمحرك الخاص بهم , ما قاموا به ممتاز جدا و أتمنى أن يظهروا بشكل عالمى يشرفنا كعرب

و ياريت بلاش نتريق على نفسنا و نقول أن أحنا مش هنعمل حاجة, 30% من الى أحنا فيه بسبب الروح المعنوية السلبيه الى بيسببها الكلام الى ما له معنى زي "عرب أيه" , "العرب جرب", "عمرنا ما هنعمل حاجة" , "الحكام بتوعنا-من أعملكم سلط عليكم-"

MoaM كتب:

لماذا لم يتخذوا من تحت الرماد, تحت الحصار و قريش قدوة؟

الخوف من التسويق .. بمعنى أنه مبيعات أفلام أبو سعد وانتشارها كان مشجع للمنتجين جدا لدرجة أنه وسائل الإعلام ركزت عليه .. طبعا الألعاب المفروض تركز عليه طالما الشعب عاوز كده (h)

لو كان عندنا بطل معاصر عامل نفس الشغل وله النصيب أكيد كانوا عملوا له لعبة واتنين وتلاته .. التسوووويق خطر

اقتباس

الخوف من التسويق .. بمعنى أنه مبيعات أفلام أبو سعد وانتشارها كان مشجع للمنتجين جدا لدرجة أنه وسائل الإعلام ركزت عليه .. طبعا الألعاب المفروض تركز عليه طالما الشعب عاوز كده

لو كان عندنا بطل معاصر عامل نفس الشغل وله النصيب أكيد كانوا عملوا له لعبة واتنين وتلاته .. التسوووويق خطر

جبت من الآخر :D

انت لما بتعمل برنامج بتنفذ فيه فكر المستخدم ولا فكرك انت ؟؟؟

الكلام السليم انك تتخيل نفسك كمستخدم ميفهمش حاجه في أي حاجه وتعمل اللي يناسب المستخدم , طب ليه ؟؟؟ علشان البرنامج يتباع بدل ما ترميه زي االبرامج اللي ماليه الهارد صح ولا غلط ؟؟؟

كام برنامج أنا واثق انه ممتاز وفيه فكره جامده ومرمي عالهارد بتاعي وبتاعك ؟؟؟ طب علشان تعمل برنامج يتباع علشان تكسب منه هتعمل ايه ؟؟؟ برنامج للـ Business طبعا والا ملكش مكان في السوق ,

بس ده طبعا مينفيش انها لو كانت لعبه مفيده فده أفضل وربنا يعمل اللي فيه الخير ويوفقهم ,,,

كلام في كلام ... و لا نتيجة

اللعبة صممت ... اذا لما نعتها بالعار ... و من يقول ذلك فليرنا "شطارته" و يعمل لعبة ترفع راسنا ... يا اخوة حاولوا ان تشجعوا اخوانكم بدل تحطيمهم

crazy-man كتب:

كلام في كلام ... و لا نتيجة

اللعبة صممت ... اذا لما نعتها بالعار ... و من يقول ذلك فليرنا "شطارته" و يعمل لعبة ترفع راسنا ... يا اخوة حاولوا ان تشجعوا اخوانكم بدل تحطيمهم

الفعل الحقيقي هو ما قام به من نفذ تحت الرماد, و تحت الحصار, و طبعاً لا داعي للتكلم ثانية عن السبب الذي أدى إلى منع انتشارها!

هذه الشركة قامت بعمل لعبة بوحه و لها وجهة نظر في تحقيق مبيعات ففي النهاية البرمجيات صناعة يجب أن تصنع منتجاً قابل للبيع...

اذا كنت ترى فكرة جيدة و عملية قم بتنفيذها و كنت أنت صاحب المبادرة

اولاً العمل رائع ( برمجيا و رسومياً ) و نظرت إلي سورس كود لهم ، كود بطريقة ممتازة وبسيطة .

ثانياً ، كان طموحي بوجود شخصية مثل صلاح الدين بدلاً من بوحه في هذه اللعبة ; و لكن واضح ان السبب في اختيار الشخصية هي المبيعات و التسويق .

ثالثاً : بداية موفقة و ناجحة لظهور صناعة الالعاب المربحة في الوطن العربي " قد بدأت بموقع www.egyptgames.com من سنة 2003 و للاسف فشلت ، و انا فرحان جداً بان هناك ناس اخري تحاول و وصلت " .

هل تعرفون مبرمجين اللعبة . !!

اذا احد يعرفهم .. نتمنى ان تعزموهم على فنجان قهوة في قسم برمجة الالعاب .. عندنا كم موضوع ودنا نتناقش فيه :)

أنا أعرفهم فهم من نفس القسم الذي تخرجت منهم

و أحدهم يدعى صبري و له موقع خاص به يبيع عليه منتجات من برمجته منذ كان في أيام الدراسة

http://www.sa6ry.com

في الأول أحب أعرفكم بنفسي أنا مصطفي عاشور واحد من موئسسي شركة خيال و واحد من اللي عملوا اللعبه..

أنا بجد مبسوط جدا من الحوار ده و متابعه من فتره .. عاجبني ان في اراء مختلفه و ناس بتهاجم وناس بتدافع عن الفكره .. يعني من الاّخر في حرية ابداء رأي عاليه (حاجه بنفتقدها في مجتمعنا)..

بعد ما استقرنا علي فكرة اللعبه (بوحه) كنا عارفين ان الفكره هتعمل جدل جامد و بعض الناس هتعارض الفكره بشده.. الحمد لله حجم المعارضه ما كنش الحجم اللي احنا كنا متصورينه و أعتقد ان ده لعدة أسباب:

1- في رأيي الشخصي ، فكرة اللعبه جديده تماما ..أغلب الناس لما تتوقع ان حد هيعمل لعبه عربيه بيبقي متوقع انها لازم تكون ضد العدو الصهيوني بشكل مباشر (Kill as many israeli's as possible) و احنا رأينا ان ده خطأ ساذج.. الألعاب المباشره مش هتأثر علي اي حد في العالم الخارجي لأن احنا صورتنا مشوهه خلاص و عشان نحسن الصوره دي محتاجين ألعاب بتدي انطباع (مجرد انطباع و بشكل غير مباشر تماما) ان الشخص العربي أو المسلم ده شخص كويس مش ارهابي و مش متخلف ..

2- حد هيقولي طب و هي بوحه اللعبه دي؟ هقولوا لاء .. بس بوحه خطوه علي طريق ان انت تقدر تصنع ألعاب علي مستوي الألعاب العالميه الموجوده في السوق العربيه.. بوحه جس نبض لسوق الألعاب و ان نجحت امكانياتنا هتزيد و نقدر نعمل اللعب اللي تخدم القضيه ( تاني بشكل مش مباشر) و اللي تقدر تنافس اي لعبه عالميه و تدي عننا انطباع كويس..

3- يمكن يكون الفيلم موش عاجب ناس كتير, بس الشخصية نفسها ظريفة! (عملنا إستفتائات فى الموضوع) كمان مناسبة جدا جدا للعبة. خصوصا إنه جزار وليه أسلحة وأدوات. ده غير إن سيناريو الفيلم فى حد ذاته أنسب للعبة منه لفيلم (ده رأى شخصى بس مبنى علي دراسة) ده غير إن بوحة (اللعبه) مافهوش أى شىء مخجل أو منافى للاّداب. ماتنسوش إن الهدف الأساسى والأول من أى لعبة هو الترفيه والمرح.. و ممكن بعد كده تدمج في اي حاجات تانيه ذات هدف (ده هتلاقيه في اللعبه ).. بس بعد ما تكون اللعبه حلوه و مثيره و "creative" و مصحكه لان هو ده اللي هيخلي الناس تلعبها..

4 - لما تقدم نصيحه أو مغزي أو عبره بشكل غير مباشر(موجود في اللعبه كثير) من شخصيه استحوذت علي قلوب أغلبية الشعب ( بغض النظر عن موافقتنا عليها او لاء الفيلم جاب 27 مليون جنيه) اعتقد ان تأثيرها أقوي كتير من لما نتاخدها من حد مُنتظر منه النصيحه..يعني مثلا بوحه في اللعبه بيرفض "يضرب بانجو لانه بيفتفت الدماغ"..

بالنسبه لتحت الرماد و قريش و شغل افكار ميديا انا بجد بحيي الناس دي لأنهم فعلا من الرواد.. ان كنت أختلف معاهم في المباشره الصريحه (بس اختلاف الرأي لا يمنع اني فعلا بحترم الناس دي)..

احنا هدفنا البعيد المدي اننا إن شاء الله نبقي حاجه زي ID Software او Valve أو Ubisoft (ليه لاء؟ ما ينفعش نحلم؟ هوه دي اللي جايبنا ورا..) عشان كده الألعاب القادمه إن شاء الله هننحاول فيها نرضي الذوق عالمي و نقدر نحسن في صورة العرب بشكل غير مباشر..

اسف علي التطويل بس عايز ارد ردود سريعه علي الناس..

@neo:

اقتباس

بس كان في حاجة واضحه جدا فى تصرفاتهم و هو أنهم يطبقوا القانون بدون ٍShort Cut

أتمنى أن أحنا نفكر بشكل جدي و نعمل حاجة ليها معنى, مش مجرد واحد متخلف بيجري بشومة

اقتباس

ك الكثير لنقوم به و لكن هناك فرق بين من يتخذ أقصر الطرق للوصول "و ده الى أحنا ديما بنعمله و بيأدي غالبا للفشل" و بين واحد أتخذ طريق صح مشي فيه و تعب و حاول بشكل سليم

ا

خب اوضحلك بس اننا اكيد ماخدنش shortcut لاننا لو كنا اخدنا shortcuts ما كناش سبنا وظائفنا (كلنا كنا الحمد لله بنشتغل في multinationals و شركات كويسه منهاIBM) عشان نخاطر بحاجه كده .. الفكره ان ده حلمنا و احنا بنحول نبنيه و ممكن نغلط أو الناس تختلف معانا بس أكيد أكيد ماخدناش shortcut و لا اقصر طريق للوصول لأنه اكيد مش هو ده.. بس بجد شكرا علي رأيك في بقية المشاركه..

اقتباس

أنت لو بتتفرج على أفلام أمريكاني هتلاحظ أنهم كلهم سفلة و مش محترمين بكل المقاييس , و هذا يظهر بشكل واضح عندما يوضع أى أمريكي تحت ضغط أو تضعف حجته , يتحول الى كلب يعض فى من أمامه

اسف اني اختلف معاك تاني .. احنا لسه راجعين من ال Game Developers Conference (www.gdconf.com) و الموءتمر ده كان في أمريكا و لو تشوف كمية الحضاره و العلم و ازاي التعامل ما بين الناس هناك و الأدب الجم اللي عند الناس دي بجد هتزعل أكتر علي حالنا.. طبعا في تحفظات علي جوانب أخلاقيه معينه بس بجد يا ريت نتعلم منهم في الباقي..

@hazzoo

و anwarica

بجد مبسوط من انوكوا بتحوطوا نفسكوا مكان اللي عمل اللعبه و تتخيلوا الموقف من جميع الجوانب مش الفنيه بس..

@Bashmohandes

شكرا لك.. نحن نقدر انك تعرف ان الكلام سهل و الفعل صعب.. و شكرا علي تعريف الناس بنا..

@حمد صالح

الـ source code بتاعنا اتسرب؟ :D لاء بجد شفت الكود بتاعنا فين؟ شكرا علي تعليقك..

@crazy man

شكرا علي دعمك..

و في النهايه بجد بشكر كل المشاركين حتي اللي شايفين ان الكلام ده اي كلام :) و يا رب وفقنا كلنا..

مصطفي عاشور

السلام عليكم

الف الف مبروك على هذا الابداع يا شباب :D

ربنا يوفقكم :)

bashmohandes كتب:

أنا أعرفهم فهم من نفس القسم الذي تخرجت منهم

و أحدهم يدعى صبري و له موقع خاص به يبيع عليه منتجات من برمجته منذ كان في أيام الدراسة

http://www.sa6ry.com

موقعه محجوب لدينا :P ..... ما هي محتويات هذا الموقع؟ هل هـناك سبب يؤدي إلى الحجب موجود في الموقع

Sultan_Althibity كتب:

موقعه محجوب لدينا :P ..... ما هي محتويات هذا الموقع؟ هل هـناك سبب يؤدي إلى الحجب موجود في الموقع

أكيد علشان برنامج SurfAnonymous إللي في الموقع ;)

ما الذي يفعله هذا البرنامج ؟ لأني لا أعرفه صراحـة

سلام عليكم

أخ مصطفى عشور

ربنا يوفقكم فى المحرك بتعكم و يا رب تكون من الناس الى ليهم مشاركات عالمية فى هذا المجال

ربنا يوفقكم :)

SurfAnonymous يعني التصفح و إنت مجهول ده عبارة عن برنامج بيدور عالProxies عالنت و يجيبهالك علشان تستخدمها و تقدر تتصفح المواقع المحجوبة