ستعقد مسابقة روبوكون هذا العام في 30 - 6 في مصر و دخل 47 فريقاً ، نتمني ان نري مسابقة جيده علي عكس السنة السابقة ...
لقد شاركت السنة السابقة بروبوت اول مرة يسير علي خطين متوازين بدل من خط ، و اعتقد انه في المسابقة العالمية 2006 لم يكن هناك روبوت مثل هذا و لا في مصر :) .
للمزيد من المعلومات : www.egyptradio.tv/robocon
هذه الصورة ، اعتقد انا موجود بها في نصف الثلاثة ..
BEng , Electronics and communications.
Embedded systems engineer.
Graphics Programmer
عالم الكومبيوتر هو من لديه المعرفة في علوم الكومبيوتر ، الرياضيات ، هندسة الالكترونيات -احمد صالح
السلام عليكم
اخى انا اريد ان احضر المسابقة فهل من الممكن ان تقول لى اين تقام المسابقة والمسابقات تبدء فى الساعة
انا طالب فى كلية هندسة فهل يمكننى الدخول ام يجب ان اكون من الجامعات المشاركة فقط لاتمكن من الدخول
وبالتوفيق لك فى المسابقة ان شاء الله
لقد ذهبت اليوم وشاهدت مسابقة الروبوكون التى جرت اليوم
وهى فى منتهى الروعة
بس كل الفرق مستوى وفريق الفاتح من العاشر من رمضان مستوى تانى خالص
واحسن مستوى فى الجامعات الحكومية هى هندسة منوف بسبب الاتوماتيك بتاعهم جامد
بسم الله الرحمن الرحيم
أنا من هندسة العاشر من رمضان
ولكن لا أتوقع فوز العاشر هذا العام فأن في قسم ميكاترونيكس وقد شاهدت التصفيات التي أقاموها في المعهد بين الفرق فلقد كانوا
12 فريق وبعد التصفيه وصلت 7 فرق
وهناك كانت مشاكل بالنسبة للدعم المادي من المعهد فهناك من دفع أكثر مما يحصلوا من الدعم فمثلا بعد إنتهاء الجهاز المانيوال يأخذ الفريق 3 ألاف جنيه وأما الأتوماتيك بعد الأنتهاء منه يجب أن تتجاوز التصفية حتي يسمح لك بأخذ الدعم وإما ترمي خارج المسابقة
ولهذا السبب هناك الكثير ممن لم يستطيعوا دخول هذه المسابقة
أما عن فريق الفاتح قد حصل في يوم النهائي في المعهد علي أعلي نتيجة ولكن خلي بالك من فريق القراصنة في ناس جامده فعلا وكان أعلي نتيجة طوال التصفية لكن في أخر يوم ال wire بتاع الجريبر إنقطع وإضطروا يدخلوا بالأتوماتيك بس
وأحب أقول في ناس كثير عندنا في المعهد عقلهم جبار في الروبوت والكلام ده لكن ماقدروش يدخلوا بسبب الضغط لان أحنا يعتبر ماعندناش أجازة وكمان الفلوس فعلا أكبر سبب
وأكبر دليل أنا عندي صديق لي في المعهد هو اللي بيعمل مشاريع وروبوت جاهزة لناس بره بس مش هقول أكثر من كده
ولكن لي سؤال كنا سمعنا عن دخول الجامعه الألمانيه في المسابقة بال image processing لكن فوجئت في جدول الفرق عدم دخولها
كان نفسي أشاهد التكنولوجيا دي في المسابقة للأسف
وقريت قبل كده في موضوع واحد بيتهم المعاهد الخاصة بأنهم بيعملوا الحاجات دي جاهزة
وأحب أقول له أنت غلطان إلا عندنا لانك هتتفقس لو عملت كده وهتطلع حمار فأحسن حاجه تتعلم وتخبط لغاية لما تتمكن من هذه المسألة ودي نصيحة بتتقال عندنا :lol: :lol: :lol:
بما انك فى العاشر من رمضان
ممكن تقولى ازاى مستوى الطلاب فى الكلية عنكم وصل للمستوى المبهر دة
هل الدكتارة عندكم مستواهم كويس
ولا المعامل فيها امكانيات جامدة ولا اية السبب بالظبط
انا فى اولى كهربا وان شاء الله السنة الجاية اتخصص اتصالات
بس بصراحة اتعقدت طلبة العاشر بسم الله ما شاء عليهم
نفسى اعرف السبب
يمكن نعرف نبقى زيهم
بص يا سيدي أولا أنا لي تعليق علي روبوكون عشان دي تاني سنة يخلوا فرق من المعهد تلاعب بعض
مش عارف أيه السبب
أما عن أيه السبب أقولك
أهم شيئ الأول توفيق من ربنا سبحانه وتعالي
تعالي كده نمسك رئيس قسم ميكاترونيكس أ.د/يحيي هنداوي راجل علا عبقري عقله صعب التفاهم معاه الراجل ده يكفي إن أقولك لسه راجع من أمريكا بعد ما أنشأ قسم ميكاترونيكس في أحد الجامعات هناك وكمان دلوقت هو بيظبط لائحة جديدة وتطوير القسم عندنا
ويكفي أني أقولك أنا بأخد معاه ماده الترم الصيفي ده ومش عايز أقولك إني بعمل مشروع أخترته من وسط 4 مشاريع ماشي وهو أسهلهم وهو
line tracking and obstcal avoidance robot وكمان الماده دي بتفاصيلها بتدرس بره في كل جامعات العالم بنفس اللي راجل ده بيدرسه بدون إختلاف وكمان في عندنا معيدين جامدين ومفيش رحمة في التعامل في الترم يعني تعامل جيش لان معظم الدكاتره عندنا كلهم خريجي فنيه عسكرية وواخدين الدكتوراة من بره زي دكتور جون ماهر وأحب أقول لك أن دكتور جون من خريجي المعهد وده برضه كان مع دكتور يحيي في الإشراف علي الفرق وكان ماسك الدعم
وكان نفسي تحضر الدكاترره الجامده اللي مشيت اللي علي أيامهم كنا واخدين خامس عالم
زي دكتور أيمن عباس ودكتور أبو العلا أبو النجا زكثير من دول
وكمان سبب المستوي ده لان حضرتك معظم المواد عندنا فيها جانب عملي كبير وانا بتكلم عن ميكاترونيكس
يعني في مشروع دبلوم سعادتك بتقدم روبوت في الميدتيرم وبيبقي في مشروع في الأخر غير دواير التحكم سواء stepper أو dc في الترم كده تسالي
وكمان عندك التدريب الصيفي ده ليه فايده كبيره جدا فوق ماتتخيل لأن عندنا ناس بتدرب في إنجلترا والمجر والنمسا وألمانيا
أما أوائل الدفعة بيسافروا علي حساب المعهد بلاد معينه مثلا يوغوسلافيا أو إنجلترا أو ألمانيا
وممكن تأخد أخر سنه في جامعة ديمونت فورت في إنجلترا ومش هتطلع ببكالوريوس بس لا لأن النظام بره خمس سنين يعني ماجيستير
بس الخلاصة هو الضغط في معهد العاشر علي الطلبة يعني مفيش هروب من المذاكره والعملي في المعهد
أي إستفسار تاني أنا تحت أمرك وشكرا ليك علي المجاملة دي لمعهد العاشر لان معظم الناس بتقول أنهم بينجحونا في المعهد كده وخلاص وده
كلام مش صحيح أو إن حد بيعملنا الروبوت وده كمان كلام مش صحيح لان فعلا إحنا في طحونه وسط الصحرا
طب الدكتارة عندكم ما بتديش كورسات فى الاجازة كتدريب للطلبة اللى برة المعهد
وياريت الايميل بتاعك عشان عايز اتعرف عليك
طيب ياسيدي اهلا بيك
أنا محمد shamlolawe@yahoo.com
أهلا بيك مرة تانية
هذا الموضوع مغلق.