بسم الله الرحمن الرحيم
انا فى حيره شديده جدا فى مجالات الحاسب المختلفه
مش قادر اوصل لأفضل طريق استطيع افيد غيرى وافيد نفسى فيه
مش عا رف ادخل فى اى مجال البرمجه ولا شبكات ولا قواعد بيانات
مش عارف انهى اكتر مجال مطلوب وانهى مجال يحقق عائد مادى جيد
انا لسه فى 1 جامعه
متقن لغات برمجه زى فيجول بيزك والسى شارب وبدرس دلوقتى فيجول دوت نت والسى بلس بلس
ومعايا لغه انجليزى كويسه
ومعايا اتش تى ام ال والبى اتش بى
يارب تنفعونى عشان احدد مستقبلى من دلوقتى
ده انت معاك كام لغة أهو يا راجل ... يعنى بروجرامر جاهز
امال بتدور على ايه بئى ؟؟!
و التلات مجالات اللى انت ذكرتهم .. كلهم جامدين و كويسين
لكن انت ميال لأيه فيهم ؟؟
و بالنسبة لموضوع العائد المادى
فأنا شايف انك لو اتعلمت لك صنعه هتكسب كتير :D
و لو مصمم على الكمبيوتر... انت حر
اعرف واحد صاحبى شغال فى الشبكات بياخد 1000 جنيه شهرياً
معاه واحد فى نفس القسم بياخد 2500 دولار شهرياً
و على فكرة الأتنين بيعملوا نفس الشغل
بس التانى ده يا باشا تبع رئيس القطاع
و الأولانى اللى هو صاحبى تبع واحد غلبان فى الشركة
فهمت بئى ان مش الكمبيوتر هو اللى هيحقق العائد المادى
يعنى لو انت تبع رئيس قطاع
يبئى اطمن يا بنى ... ماتروحش الجامعة خالص ولا تدرس اى حاجة
و انا شخصياً اضمن لك وظيفة محترمة بكام الف زرار ... سورى .... دولار فى الشهر
و لو بتدور على علم بئى يا صاحبى ..
و ياريت تكون بتدور على علم
يبئى اختار احبهم الى قلبك من ماتفكشر فى عائد مادى ولا حتى معنوى
توكل على الله و عيش حياتك
لأنك لما تختار اللى انت بتحبه
أكيد هتنفع الناس بيه ... أو على الأقل هتنفع نفسك و هتبئى كويس فى شغلك
اما لو اختارت حاجة بتحبها نص نص يبئى مش هتبئى كويس فى شغلك
و مش هتعرف تنفع حد ولا حتى نفسك
و ربنا يوفقك
Formerly PYTHON
الراجل الحر .. حر و لو زمانه جار
يمشى ف طريقه .. لا يخشى الشوك ولا لحجار
شكرا اخى بايسون لى المرور
طبعا حكايه الوسايط ديه دخلت عالمنا بشده اليومين دوله
بس مش معنى كده ان الواحد يستسلم ويسكت لازم بردوا نحاول ونجرب
وان شاء الله ربنا يدينا على قد نيتنا
وغير كده انا مصمم على مجال الحاسب لحب الا طلاع وللمعرفه
وان شاء الله الافاده والاستفاده بردوا
ياريت حد يوجهنى للمجال الصح
باشا ... واضح انك مافهمتش كلامى
المجال الصح هو المجال اللى انت نفسك هتعرف تمشى فيه صح
و لو عايز توجيه من حد تانى .. مش هينفع
انا شخصياً هقولك البرمجة جامدة موت و لو ما دخلتهاش هيفوتك نص عمرك
واحد صاحبى الى قلت لك عليه هيقولك الشبكات دى متعة و احلى حاجة فى الدنيا
واحد صاحبى تانى انت ماتعرفوش هيقولك قواعد البيانات دى بئى هى الدماغ كلها
و عم مصطفى هيقولك خد سيجارة احسن يا راجل :D
و عم مصطفى ده موضع كبير و مش وقته
تشاو
Formerly PYTHON
الراجل الحر .. حر و لو زمانه جار
يمشى ف طريقه .. لا يخشى الشوك ولا لحجار
ههههههههههههههههههههههه
ماشى يا عم بايسون
انا هقولك حاجه
انت لو فى مكانى هتختار انهى طريق ؟؟؟؟
هقولك على حاجة حلوة
و تبئى راجل تمام لو عملتها
انت بتقول انك فى سنة أولى .. مش كده ؟
طب حلو أوى
و كمان معاك كام لغة برمجة ... تمام أوى
يبئى فاضل انك تتعلم قواعد البيانات
و دى حاجة مش هتاخد منك وقت طويل
و ساعتها هتبئى بتعرف تعمل برامج و قواعد بيانات
يبئى فاضل ان سعادتك تتعلم شوية شبكات
و دى برضه مش هتاخد وقت طويل
بس عايزة ممارسة ضرورى
و دى مش هتعرف تمارسها فى البيت
يعنى النصيحة النهائية و بإختصار
انت لسه عندك وقت
اتعلم التلاتة
و بعد ما تتعلمهم
ابئى اتخصص فى اللى تعجبك منهم
اظن انا كده عدانى العيب (h)
و بجد ربنا يوفقك
Formerly PYTHON
الراجل الحر .. حر و لو زمانه جار
يمشى ف طريقه .. لا يخشى الشوك ولا لحجار
انا بنصحك قواعد بيانات
لكن الشرط لازم تقن يعني تكون خبير
والسبب ان العالم الان بيتعامل كله عن طريق الشبكه يعني لازم قواعد بيانات و الظاهره هذه اخذت تنتشر بالوطن العربي باعتماد الحكومه الالكترونيه يعني حتلائي شغل باي مكان
البنك الشركات وحتى مواقع الانترنت تطلب متخصصين في هذا المجال .
صدقني هذا هو الاختيار الامثل .. وكذالك وافقني فيه دكتوري وكل اصدقائي
واذالم يعجبك هذا التخصص فأن تخصص الشبكات هو في المقام الثاني
بالنسبه للبرمجيات دي حكايه :)
There are two ways to live: you can live as if nothing is a miracle;
you can live as if everything is a miracle
والله يا اخ بايسون انت راجل كلامك جميل جدا والاخ تيمى قالى على مجال تقريبا كل اللى بيكلمنى بينصحنى بيه
كده وضحت الرؤيا
وشكرا مره تانيه للاخوه الاعزاء
وفى ميزان حسناتكم ان شاء الله
هذا الموضوع مغلق.