أول ما ستبت ال WinRAR أى Version كانت الدنيا كويسة
بعد كده ستبت كام برنامج عشان كنت بنزل ويندوز جديد ويبدو إن واحد فيهم هو سبب المشكلة لكن مين فيهم الله أعلم ؟؟!!!!
المهم إنه البرنامج شغال عادى جداً مفيش مشاكل لكن لو حاولت أعدل فى أى حاجة من جوة الأرشيف البرنامج بيديلى أوبشن لو كنت عايز أحفظ التغييرات دى فى الأرشيف ولا لأ ....
كنت زمان بقول آه وكان الدنيا بيس وكله تمام ...
دلوقتى لو اتهورت وقلت آه الجهاز بدون إنذار يطفى بوردة ويرستر ويخضنى بجد كأنه فرقع ... وحتى الهارد بيقوم كأنه كان نايم يومين وصوته عالى وحاجة تزعل اللى ميزعلش ....
حد عنده حل للمشكلة دى ... هل العيب من الوينرار ولا من برنامج تانى ولا ده فيرس ولا الويندوز واقع ولا إيه ؟؟؟
اللى يعرف يقول الله يخليكو....
وحاجة كمان .. ليه أول ما بستب الويندوز بيقوم بسرعة والبانر الأزرق اللى بيتحرك فى الأول بياخدله لفتين والتالتة ويخش .... بعد كده أبص الاقيه ياخدله عشرة اتناشر لفة قبل ما يخش ؟؟!!!!
وهل الموضوع ده ليه حل ولا لازم أشيل برامج أو أنزل ويندوز جديد ؟؟؟؟
