سيريال عن طريق Mac Adress

الأخ الفاضل ...

راجع: HWInfoEx.zip ( 173k )

بأستخدام (VC 6.0/VB 6.0/VBS/ASP/MS-Access) - يعطيك بيانات عن (يمكن استخدامها فى أغراض عديدة)

يحتوى على مكتية (DLL) و مكون (COM Object) يمكن أستعمله فى أى تطبيق

1) الرقم المسلسل للهارد ديسك (Harddisk) و معلومات أخرى

2) الرقم المسلسل دريف (Logic drive) و معلومات أخرى

3) رقم الـ(MAC) لكارت الشبكة

4) الرقم المسلسل للمعالج (Processor) و معلومات أخرى

5) حجم الذاكرة (RAM)

6) تاريخ ورقم الـ(BIOS) على اللوحة الأم

7) مفتاح (Product-Key) ورقم (Product-ID) نسخة الويندوز

8) محاولة جمع بعض المعلومات عن كارت العرض (VGA)

كيفية الحصول على الرقم المسلسل لـ(هارد ديسك - بروسيسور - كارت شبكة - BIOS)

وشكراً

بسم الله الرحمن الرحيم

شكرا أخي على هذا البرنامج و المشاركة الفعالة منك

وأنا إستفدت منه كتيير والله

بس إنت ممكن تكون مش فهمت قصدي

أنا عايز أحمي البرنامج من التشغيل من خلال MAC ADRESS بمعنى

أحط في البرنامج عشرين MAC ADRESS ولما يجي يشتغل البرنامج

يجيب رقم MAC ADRESS بتاع الجهاز

ويقارنه بالعشرين رقم إلي أنا حطتهم في البرنامج

لو لقاه يشتغل

طيب لو مش لقاه مش يشتغل و يقفل على طول

والله أنا محتاج المساعدة قوي

وشكرا مرة تانيه على الرد

وفق الله الخير للجميع

المصري

المهندس أسامة أعطاك كيف تحصل على عنوان الماك ( وهو أصعب شيئ ) وأنت عليك أوامر المقارنة ولا أعتقد أن هذا صعب لأي مبرمج.

بسم الله الرحمن الرحيم

شكرا أخي الغالي على هذا المرور الطيب

إنت بتقول إن أوامر المقرنة سهلة على أي مبرمج

وأنا بقول أيوة

بس أنا مبتدأ لسه

ولسه مش بقيت مبرمج

وأنا والله إستفدت من الموقع دا كتير قوي

وأنا أطلب مساعدة الأعضاء في طلبي

وأنا من ناحيتي هحاول أجيب أي حاجة هأدر أجيبها

بس أرجوكم ساعدوني

وشكرا

وفق الله الخير للجميع

المصري 2

المصري 2

طريقة الحماية بMAC ADRESS فقط غير فعالة

هناك برامج وطر لتغيير MAC ADRESS بسهولة

ايضا يمكن لمن يريد ان يكسر برنامجك ان يعرف 20 MAC ADRESS التي في البرنامج ويغر واحدة منها حسب MAC ADRESS جهازه

ملاحظة:المصري 2، لماذا تكتب بالخط الكبير ؟ فهو مزعج خاصة اللون الاحمر!

بسم الله الرحمن الرحيم

شكرا أخي على هذا الرد و المرور الغالي

هو في برامج فعلا لتغيير MAC ADRESS بتاع الجهاز

بس في ناس تعرف حكاية تغير MAC ADRESS وفي ناس لا

والأغلبية ( عندي ) مش يعرفوا الحكاية دي

وأصلا كمان أنا لاغي البرامج دي

يعني البرنامج بتاعي بيلغي تشغيل مثل هذه البرامج على الجهاز

بس كل إلي أنا عايزه

أوامر القارنة بين 20 MAC ADRESS إلي في البرنامج

و MAC ADRESS بتاع الجهاز

وأنا آسف على الخط الكبير نسبيا و اللون الأحمر

وشكرا

وفق الله الخير للجميع

المصري 2

بدون برامج تغيير الماك ..

ممكن تغيره بأيدك من الريجستري من مفتاح نسيته الآن أو من

Control Panel --> System -->HardWare --> Device Manager --> Network Adapters

ثم علي اختر نوع الكارت اللي عندك وهات الخصائص Properties بتاعته

ثم من تبويب Advanced نختار Network Address من قائمة Property واكتب الماك اللي انت عايزه ..

الافضل أن تعتمد علي شيء اخر من قطع الجهاز غير الماك ..

المصري 2 كتب:

وأنا بقول أيوة

بس أنا مبتدأ لسه

ولسه مش بقيت مبرمج

بسم الله الرحمن الرحيم

شكرا أخي msayed2004 على هذا المرور الغالي

وأنا والله بقدرك و أحترمك إحترام كبير قوي

وبفرح قوي لما بتكتب ردود على الوضوع بتاعي

بس إنت كنت قاسي عليه قوي

ليه كدة بس

دا كله على شان طلبت أوامر المقارنة

على العموم شكرا جزيلا لأعضائنا الكرام و المرور و الرد الجميل

ويارب ترفع هذا المنتدى و أعضاءه الكرام وتزيد من علمهم

وأحب أن أفكرهم بالمقولة

بسم الله الرحمن الرحيم

وفوق كل ذي علم عليم

صدق الله العظيم

وشكرا أخي Pharaonic_Guy على المعلومات إلي قولتها لية دلوقتي

وشكرا أحبائي في الله وإخواني على مروركم الغالي جدا جدا عليا

وشكرا

وفق الله الخير للجميع

المصري 2

ﻷ خالص الموضوع مش كده الموضوع أنى بستغرب أن أول حاجة بنفكر فيها حماية شئ قبل عمله , يعنى عمرك سمعت عن تشكيل فى شركة يدرس طرق حماية برنامج هيعملوه بعدين ؟!

أنا شايفك بتنط سلالم كتيرة و عمال تطلع و تنزل و ده غلط كبير جدا هيضيع لك وقت فى التعلم و يلخبط الدنيا برأسك.

أخي الكريم لا تفهم علينا غلط ولكن مثل ما قال أخي msayed2004 أنت قاعد بتعدي الأساسيات ورايح على أشياء أعلى شوي من مستواك فأنصحك أخي الكريم أن تتعلم أولا كيف تعمل البرنامج أو تكتبه ومن ثم إتجه للحماية ولكن إن كان قصدك أن نعمل لك برنامج خاص لك فإدارة المنتدى تمنع هذا الشي وعلى العموم الله يوفقك.

بسم الله الرحمن الرحيم

شكرا إخواني على الرد و التوضيح

ولكن أنا قلت في رد من ردودي

أنا مانع تشغيل مثل هذه البرامج في البرنامج بتاعي

مش خدتوا باكوا من الكلمة دي ليه

أنا فعلا و الحمد لله خلصت البرنامج دا

بس كنت عايز أحميه بمجموعة MAC ADRESS زي ما قلتلكوا

بس أنا قلت حبه عليه و حبه تساعدوني شوية بما أنني مش عارف أوامر المقارنة هذه

بس والله أنا مش ساكت

عمال أدور هنا و هناك

وأجرب أفكار كتيير

ونفعت فعلا فكرة

بس في مشكله

أنا لازم أكتب MAC ADRESS واحد ولما أكتب أكتر من واحد ( يعني إتنين مثلا ) بيقرأه البرنامج كأنه رقم واحد

وأنا حاولت أكتب 20 MAC ADRESS في ليست بوكس أو تكست بوكس ولكن واجهتني المشكله المعروضه أمام حضارتكم

يا ريت الإفادةأنا كتبت 20 MAC ADRESS في ليست بوكس ولكن يتعامل معها كأنهم رقم واحد

ياريت إرسال كود عن كيفية البحث في ليست بوكس ومقارنته بما يوجد في تكست بوكس

أرجو الإفاده أرجوكم

للأهميه القصوى

وشمرا

وفق الله الخير للجميع

المصري 2