الفريق العربي للبرمجةأرشيف المنتديات · 2000 – 2023
نسخة أرشيفية للقراءة فقط — التسجيل والمشاركة مغلقان، والمحتوى محفوظ كما كان.

Mcad

مغلق
بدأه mohamed ali farag في 10 يناير 2008 · 7 رد · 1,509 مشاهدة · في الشهادات التقنية
مشاركة: واتساب X فيسبوك تيليجرام
#1 صاحب الموضوع

السلام عليكم , انا عندى سؤال و اتمنا حد يجاوبنى عليه , لأنى افترض ان هنا احسن ناس تجاوبنى .

انا مهندس ميكاترونيكس , اتعلمت سى شارب من 3 سنين و عملت برامج كتير الحمد لله , منها لعيادات و شركات ,

ناوى إن شاء الله ادخل امتحان ام كاد -

MCAD

دخلت موقع مايكروسوفت ولقيت شوية معلومات بس الحقيقه محتاج توضيح منكم , خصوصا لو حد كان دخل الأمتحان دا قبل كدا .

1- هل الأمتحان صعب

2-انا هشترى كتاب وهذاكره وهدخل الأمتحان إن شاء الله هل دا صح ولا لازم كورس

3- انا مش عايز اتعلم فيجوال بيسيك , هل ينفع اختار سى شارب بس

يريت حد يرد عليا ويفهمنى الموضوع

شكرا

#2

معقوله محدش عنده فكره عن الموضوع دا !!!!!!

#3

ايوه انت ممكن تمتحن سي شارب تأخذ مسار شهادة الام كاد بلغة السي شارب وانصحك تنزل اخر نسخة من امتحان التيست كينج

وتذاكرها كويس الامتحانات مش بتخرج منها

{إِنَّا أَعْطَيْنَاكَ الْكَوْثَرَ (1) فَصَلِّ لِرَبِّكَ وَانْحَرْ (2) إِنَّ شَانِئَكَ هُوَ الْأَبْتَرُ (3)}

إن شانئك أي مبغضك وذامك ومنتقصك هو الأبتر أي المقطوع من كل خير مقطوع العمل مقطوع الذكر وأما محمد -ص- فهو الكامل حقًا الذي له الكمال الممكن في حق المخلوق

تفضل بزيارة موقعي الشخصي

#4

الأمتحانات بسيطة ماتخافش

وبعدين انت بئالك سنتين شغال... يعنى مافيش خوف عليك

شد حيلك و اتكل على الله

و الإمتحان بلغة #C موجود طبعاً ... ده هو الأساس يا باشا

عايز اسألك سؤال بئى مهم جداً

انت درست ميكاترونيكس فين ؟؟؟؟؟؟؟؟؟ وازاى؟؟؟؟؟؟؟؟؟؟

Formerly PYTHON

الراجل الحر .. حر و لو زمانه جار

يمشى ف طريقه .. لا يخشى الشوك ولا لحجار

#5

انا درست ميكاترونيكس , فى هندسة العاشر من رمضان , معهد العاشر من رمضان , دا اول مكان فى مصر قدم قسم الميكاترونيكس , هوا بصراحه قسم صعب و المعهد اصلا اصعب و اصعب , لكن الحمد لله الواحد خرج فاهم.

ليا سؤال اخر , طيب دلوقتى انا ملاحظ ان الأمتحانات ليها اكواد زى 70-8734-3847 , ارقام غريبه كدا ,

انا دلوقتى عايز اجيب امتحانات قديمه فى الموضوع اللى همتحنه دا , ازاى اعرف الكود بتاع امتحان سى شارب

كمان من فضلكم عايز اعرف هوا كام امتحان لازم ادخله , واسعارهم فى مصر كام

شكرا

#6

تصدق أول مرة اعرف ان فى ميكاترونيكس فى مصر ..... لو تقدر تدينى تفاصيل أكتر يبئى كتر خيرك

المهم

بخصوص الإمتحانات

هما ثلاث امتحانات

اخر سعر اعرفه هو 50 دولار للأمتحان الواحد ... و بيدفعوا على النت

دى الأمتحانات اللى ممكن تمتحنها

Exam 70-316

Exam 70-315

Exam 70-320

شوف هو فى كلام كتير إن الأمتحانات دى قد تتلغى فى اى وقت

لكن لغاية دلوئتى مافيش اى تأكيد بالنسبة لى

لأن ظهرت شهادات جديدة متخصصة أكثر عن الـ MCAD

يستحسن تدخل على موقع مايكروسوفت و تاخد تفاصيل أكتر من هناك

http://technet.microsoft.com/en-us/bb291022.aspx

Formerly PYTHON

الراجل الحر .. حر و لو زمانه جار

يمشى ف طريقه .. لا يخشى الشوك ولا لحجار

#7

لأ فيه ميكاترونيكس فى مصر , ومن فترة كمان , ودخلت عين شمس من 3 سنين تقريبا ,

المهم انا ممكن لو احتجت اكتب المواد اللى بندرسها معنديش مانع , قسم ظريف , وكفايه انك قبل متتخرج بيكون عندك 3 او 4 ربوت بتوعك فى البيت انت اللى عاملهم و فاهمهم , بجد انا شايفه المستقبل

بالأضافة لكدا , انا الحمد لله اشتغلت شويا فى المانيا فى هذا المجال و استفدت استفادة قويه جدا

#8

كمان عين شمس

ده انا نايم فى العسل بئى

اقتباس
لمهم انا ممكن لو احتجت اكتب المواد اللى بندرسها معنديش مانع

والله يا محمد يبئى كتر خيرك

اقتباس
وكفايه انك قبل متتخرج بيكون عندك 3 او 4 ربوت بتوعك فى البيت انت اللى عاملهم و فاهمهم

ايوا

انا عايز اربى ربوتات فى البيت :D

Formerly PYTHON

الراجل الحر .. حر و لو زمانه جار

يمشى ف طريقه .. لا يخشى الشوك ولا لحجار

هذا الموضوع مغلق.

مواضيع مشابهة