لاول نقول الخبر بعدين نعلق
الحقيقه هما خبرين مش واحد و الاتنين مفاجأه
الاول هو ان شركه صن للتكنولوجيا و هي طبعاً المطور الاوحد للغه البرمجه العظيمه java و مطوره ﻷنظمه تشغليل مفتوحه المصدر
الشركه اشترت عملاق محركات قواعد البيانات مفتوحه المصدر MySQL AB.
الخبر التاني بقي و هو المفاجأه ان عملاق قواعد البيانات اوراكل اشتري شركه تطوير الانظمه
BEA Systems, Inc.
World Leader in Enterprise Infrastructure Software
مزيد من التفاصيل هتلاقوها أكيد علي موقع الشركتين
تعالوا بقي للتعليق:
طبعاً لا اعتقد ان الموضوع مقصود بأن يتم الاعلانين في يوم واحد و هو 16-1-2008
الحقيقه انا مرتاب من حاجتين
الاولي هو التعامل بين صن جافا و اوراكل اللي بقت بتستخدم جافا في مطورات و برنامج jdeveloper شاهد علي كده
هل بقي ده هيغيره اللي حصل
يعني هل جافا هتتجه لماي اس كيو ال؟؟؟ سؤال يحير!
الحاجه التانيه اللي مخوفاني
هل ده هيغير في سياسه mySQL وكونها مفتوحه المصدر و مجانيه
مش فاضل غير اوركل و الخبر اللي كان فعلاً مفاجأه ﻷن اوركل اشترت شركهمطورة للانظمه Infrastructure
انا مش شايف حاجه تقلق في كده
انا خلصت التعليق و هانتظر تعليقاتكم علي الخبرين
