السلام عليكم
دلوقتي فيه مشروع شغالين فيه في الكلية
فيه جزء في الدائرة عايزينه يشتغل بعد جزء تاني بكام ثانيه
فعايزين طريقة ناخر بيها تشغيل جزء من الدائرة بعد الجزء الأول ما اشتغل بكام ثانية
فيه حلول زي الD-Flip Flop بس حيحتاج Clock عن طريق ال 555
و ده حيعملنا مشكلة في التوصيل لإن دي أول مرة نشتغل في اللحام و الPCB
فعايزين أسهل حاجة ممكن تخلص الموضوع على طول
ياريت أي حد عنده حل حلو ميتأخرش في الرد ...
ممكن تستخدم مكثف و مقاومة لتحديد الوقت مع ترانزيستور او comparator بالاضافة الى 7414 لضبط شكل ال edge للاشارة
تزود من التقوى فإنك لا تدري *** إذا جن ليل هل تعيش إلى الفجر
فكم من فتى أمسى وأصبح ضاحكاً *** وقد نسجت أكفانه وهو لا يدري
لقراءة القرآن الكريم و سماعه و تفسيره ........
شكرا يا أخ عماد
لم أتوقع الرد بهذه السرعة ...
طيب بالنسبة للComparator فبلاش علشان لسه معرفوش
اللي فهمته من كلامك اني ممكن استخدم ترانزستور Enhancement-Type MOSFET مثلا كسويتش في الدائرة عن طريق توصيل ال Gate-Soruce مع طرفي المكثف على التوازي
بحيث لما يوصل فرق الجهد على المكثف إلى Vt الخاص بالترانزستور سيمر التيار بين الDrain-Source
أما بالنسبة لل7414 فلم أستخدمها من قبل لكن بصفة عامة لا أظنها مهمة في حالتي حيث أن شكل الإشارة غير مهم (سأستخدم الترانزستور كسويتش فقط)
طيب حتى الأن هل كلامي هو ما تقصده ؟؟
و إذا كان صحيح فيبقى شيء بسيط
ما هو إسم الEnhancement-Type MOSFET في السوق :D ؟!! و هل هناك طريقه لمعرفة الThreshold Voltage الخاص به (مكتوبه عليه مثلا) ؟!! حيث أنني غالبا لن أجد الDatasheet الخاص بالمكونات في محلات الإلكترونيات في مدينتي ...
أنا من مصر على فكرة لكن مش من القاهرة ..
كانني تذكرت انه بواسطة ترانزيستور واجهت مشكلة من قبل في مثل هذه الحالة. لكن اذا كنت لا تريد comparator فبامكانك استخدام op amp مثل LM324 وتثبت احد المداخل على فولتية محددة مثلا 2 فولت و الاخرى يكون المكثف و المقاومة بحيث اذا وصلت الفولتية الى 2 فولت فاكثر او اقل تتغير الحالة و تكون هذه اشارتك و لكن لو استخدمت كمباراتور فهو افضل من الاوب امب .
تزود من التقوى فإنك لا تدري *** إذا جن ليل هل تعيش إلى الفجر
فكم من فتى أمسى وأصبح ضاحكاً *** وقد نسجت أكفانه وهو لا يدري
لقراءة القرآن الكريم و سماعه و تفسيره ........
و بالنسبة لمشكلة اللحام عليك بالبريد بورد
و قد شرحها هنا الأخ عمر
تم تعديل هذه المشاركة بواسطة نــور في 15 مارس 2008 في 17:01
لا إله إلا الله محمد رسول الله
アッラー以外に神はなし。ムハンマドはアッラーの使徒である
خد الدايره ديه أخى وهتشتغل معاك مظبوط وبتدى حوالى ثلاث ألى أربع ثوانى تأخير
جهد التغذيه خمسه فولت
المكثف المستخدم هو مكثف ألكتروليتى سعته 1000 ميكرو فاراد
معلش الرقم مش باين فى الرسمه
لو عاوز تكبر زمن التاخير غير فى قيمه المقاومه المتغير
لو عاوز ملف التصميم علشان تعمل له simulation
هبعتهولك لو عاوز
ياريت تفهمنا أنت عاوز تعمل أيه بالظبط علشان نفهم معاك ونقدر نفيدك وكمان نستفيد أحنا كمان
وعاوز اعرف أنت سنه كام ؟؟؟
تم تعديل هذه المشاركة بواسطة eng.omar1987 في 16 مارس 2008 في 01:25
ان أردت ان تستزيد من العلم فاهلاً بك فى مدونتى ولا تنسانى بالدعاء
طيب بالنسبة لسنة كام أنا خلصت إعدادي هندسة و في سنة أولى حاليا
علشان كده اعذروني علشان أنا جديد عالإلكترونيات و فيه حاجات كتير لسه معرفهاش
أما الOp Amp فلسه مدرستوش برضه للأسف لكن حدرسه الترم ده ...
بالنسبة للرسمه فألف شكر عليها بس عايز شوية توضيحات
إيه هو ال R2(f) اللي فوق خالص؟؟
و بالنسبة للComponent إللي له ست أطراف هو ده الOp Amp ؟؟ ورقمه في السوق كام ؟ 741 ؟؟
و الطرفين 1 و 5 بيفضلوا كده من غير توصيل ؟؟
و ياريت ملف التصميم حكون شاكر جدا
الرمز الموجود فوق ده معناه
ده الجهد الخمسه فولت ألى هتحطه فى الدايره
معلش انا كان المفروض أكتب لك عليه vcc
ال opamp هو أى سى لها استخدامات متعدده منها المقارنه بين جهدين على الرجل 2 وعلى الرجل 3
فى حاله ان الجهد على الرجل 3 اكبر من اتنين يكون الخرج من الرجل رقم 6 هو ال vcc
اما أن كان جهد 2أكبر من 3 فيكون الخرج هو زيرو
وهذا ما أستخدمناه فى الأعلى
فى الحاله الأبتدائيه يكون المكثف مشحون بجهد 5 فولت وبالتالى يكون جهد 3 أكبر من جهد 2
والخرج هو ال Vcc
اما عندما نقفل المفتاح فسيكون على المكثف جهد قدره 0.2 فولت ويفرغ شحنته وبالتالى يكون جهد الرجل 2 هو الاكبر والخرج زيرو ألى أن يشحن المكثف مره أخرى ويصل لجهد اعلى من جهد الرجل 2 يرجع مره أخرى للحاله الأبتدائيه التى كان فيها الخرجVCC
الدائره وصلها كما هى وستعمل معك اى طرف غير موصل أتركه كما هو
الملف المرفق هو ملف التصميم الأساسى لو عندك برنامج
proteus هيشتغل عليه الملف ده
تم تعديل هذه المشاركة بواسطة eng.omar1987 في 16 مارس 2008 في 01:31
ان أردت ان تستزيد من العلم فاهلاً بك فى مدونتى ولا تنسانى بالدعاء