السلام عليكم و رحمة الله و بركاته
ايام الوندوز كان في برنامج اسمه "Hotspot Shield" ، و هو عبارة عن برنامج مجاني بيعمل VPN مع شبكة البرنامج ، و ده اذا كنت في كافيه او في شبكة غير موثوقة و عاوز توفر بعض السرية للبيانات اللي بترسها و تستقبلها على الشبكة .
ساعتها كنت بستعمل البرنامج كبروكسي - و كان بروكسي ممتاز جدا لانه بيعمل شبكة افتراضية مش على بروتوكول معين زي http اوftp و كدا - ، انما دلوقتي عاوز البرنامج عشان لو قاعد في كافيه و فيه واي فاي و عاوز اكون شغال على النت و انا مطمن شوية :D
البرنامج سهل و بسيط و مش محتاج اي اعدادات ، مجرد تسطب البرنامج و تشغله بيشتغل تمام - البرنامج مش متوفر غير على الوندوز و ماك -
دلوقتي عاوزين برنامج زيه كدا للينوكس و يستحسن يكون بسيط و من غير عمل اعدادات كتير او حتى باعدادات كتير مش هتفرق :D
بعد شوية بحث لقيت برنامج "LogMeIn Hamachi" ، البرنامج في منه نسخة مجانية بس مش حر/مفتوح المصدر - انا لسه مجربتش البرنامج بس هبقى اجربه -
فـ لو حد يعرف بديل مفتوح حر/مفتوح المصدر ، هتكون حاجة كويسة جدا : )
او ممكن نعمل الموضوع ده بـ OpenVPN ؟
بس هعمل اتصال على ايه بالظبط ؟ - ممكن نعرف الشبكة بتاعت برنامج "Hotspot Shield" و اعمل اتصال عليها ؟
في واحد اعرفه بيقترح عمل الموضوع عن طريق الـ free shell
http://www.red-pill.eu/freeunix.shtml
و هبدأ ادور في الجزئية دي : )
حد عنده خلفية عن الموضوع بشكل موسع اكتر ؟
منتظر ارائكم ، و ازاي ممكن نعمل الموضوع ده و البديل اذا كان موجود: )
-----------------
تحديث :
بالمناسبة ، انا جربت برنامج hamachi ، بس مش هو ده المطلوب
البرنامج بيعمل شبكة جانبية ، انما الشبكة الاساسية زي ما هى ، و مفيش ip بيتغير ولا بيانات بتتشفر
