الحصول على عنوان Mac

الاخ الكريم حبيب 25

عذرا على التأخير فى الرد على طلبك ولكن كان هناك مشكلة فى التسجيل بالمنتدى والحمد لله اتحلت خلاص

اما بالنسبة لسؤالك وهو الحصول على MAC Address لاى جهاز معك على نفس الشبكة الداخلية فأنا كنت عامل برنانج بيجيب هذا العنوان ولكن للجهاز اللى هيشتغل من عليه فقط وليس اى جهاز على الشبكة

انا كنت عايز اعمل البرنامج بس انه يشتغل على جهاز واحد فقط ولكن ان شاء الله هحاول انى اعمله انه يجيب اى عنوان لجهاز موجود على الشبكة الداخلية ولكن ده هيتطلب منك انك تكون عارف اسم المستخدم وكلمة المرور للجهاز اللى انت عايز تعرف عنوانه الفيزيائى وكمان لو موجود على دومين Domain لازم تكون عارف الباسورد بتاعت الدومين.

عموما انا الكود بتاع البرنامج مش عندى على الجهاز دلوقتى بس ان شاء الله فى اقرب فرصة هبتعتلك الــ Source Code بتاع البرنامج اللى عامله اللى بيجيب العنوان بتاع الجهاز اللى هو شغال من عليه فقط ولغاية ماجيبلك البرنامج هشرحلك الفكرة الرئيسية لعمل البرنامج وهى سهلة جدااااااا

يعتمد البرنامج على آداة صغيرة جدا موجود على الويندوز اسمها (GetMAC) والاداه دى استخدامها سهل جدا وبسيط كل ما عليك فعله هو الاتى:(مستخدمى ويندوز اكس بى)

الخطوات:

1 - الضغط على قائمة Start

2 - اختيار Run

3- كتابة Cmd (سيتم فتح شاشة الدووس)

4- قم بكتابة هذا الامر [Getmac >C:\MyMac.txt] شكل الامر على الدوس بالكامل هيكون كده: [C:\>Getmac >C:\MyMac.txt]

5 - سيقوم هذا الكود بإنشاء ملف بإسم (MyMac.txt) على الــ C درايف

6- هتلاحظ طبعا انه مكتوب فى الملف بعض الحاجات اللى انت مش محتاجها مثل (Physical Address Transport Name) وشوية كلام تانى

7- اللعبة موجودة هنا وهى انك تحاول تقرأ سطر سطر على حدى وتاخد بس السطر الى مكتوب فيه رقم العنوان الفيزيائى اللى انت عايزة وغالبا انا جربته اكثر من مرة يكون السطر رقم 4 لو انت عندك كارت

شبكة واحد فقط اما لو عندك كارتين شبكة واحد سلكى والاخر لاسلكى فسيتم اضافة سطر اخر , عموما يتم كتابة سطر لكل كارت شبكة موجود عندك على الجهاز.

8- وطبعا عشان تقرأ السطر اللى مكتوب فى الملف هتستخدم الامر (Open) من داخل الفيجوال بيسيك وبعده هتقرأ السطر بإستخدام (LineInput) وتحددله اسم السطر, او الطريقة الاخرى انك تقرأ الملف

كله وتضع محتواه فى متغير نصى (String) وتعمل بحث فيه على رقم العنوان الفيزيائى.

ومرفق ادناه ملف الباتش [GetMacAddress.rar] اللى تم شرحه فى الخطوات من رقم 1 الى رقم4 , يمكنك تشغيله وهو هيقفل نفسه اوتوماتيكيا وبعدها روح للدرايف C هتلاقى ملف اسمه MyMac.txt ومكتوب فيه اللى موجود فى خطوة رقم 6.

ملحوظة هامة: لقد تم تغيير اسم الملف المرفق من [GetMacAddress.bat] الى [GetMacAddress.rar] وذلك لان المنتدى لا يدعم رفع مثل هذه الملفات لانها يمكن استخدامها فى تدمير او العبث بالاجهزة ذلك لو استخدمت استخدام خاطئ, قبل تشغيل الملف قم اولا بإعادة تسميته ليكون [GetMacAddress.bat] وقم بعمل سكان بمضاد الفيروسات اولا قبل تشغيله للتأكد من صحته.

ارجو ان اكون وفقت فى شرح الخطوات وان شاء الله هرفق البرنامج بالكود بتاعه فى اقرب فرصة ولو فى اى استفسار انا فى الخدمة.

GetMacAddress.rar

شكرا

اخوك مهندس: مــــــودى

يمكنك الأطلاع على هذا الموضوع ففيه ما ترغب : فى حد عندة فكرة خاصيةWAKE UP IN LANوكيفية عملها

اخى حبيب 25

إليك الكود المطلوب للحصول على عنوان ال MAC بتاع الجهاز اللى شغال عليه

مرفق Module يسمى [ModGetMac.mod]

كل ما عليك فعله هو فتح مشورع فيجوال بيسيك جديد وإضافة هذا ال Module فيه.

وبإمكانك إستدعاء ال Function التى تسمى [GetMACAddress] الموجودة فى الModule .

هذه ال Function تقوم بمعرفة ال MAC وتسترجع قيمته النصية فى اسمها (Return String Variable)

ويمكنك كتابة الكود التالى فى اى مكان فى الفورم

MsgBox GetMACAddress

وسوف تظهر لك رسالة موضح فيها رقم ال MAC لنفس الجهاز الذى تشغل البرنامج من عليه

برجاء الرد عليا بعد التجربة

وتمنياتى لك بالتوفيق

ملحوظة: الملف مضغوط بالـ WinRAR

ModGetMAC.rar

اخوك

مهندس: مـــــودى