السلام عليكــم ورحمـة الله وبركاتــه
أكتب اليكم هذا الموضوع من أمام شاشة جهازى موديل ديل بى 991 ، وهى شاشة 19 بوصة مسطحة بشكل كامل
وتمتاز بسطوعها وألوانها الزاهية لإعتمادها على تقنية ترينترون ، المهم الشاشة دى انا شاريها مستعملة من سنتين بمبلغ 400 جنيه ،
و طبعا كلنا عارفين إن لو كنت اشتريت شاشة جديدة بالمواصفات دى كان حيبقى تمنها أضعاف مضاعفة ، والصراحة تقال ان الشاشة احتاجت تصليح بسيط فى الأول بمبلغ 30 جنيه ، بس من ساعتها وعلى مدار العامين السابقين الشاشة شغالة كويس جدا ومبسوط بيها جدا الحمد لله.
المفيد فى الموضوع:
1- مش معنى ان حاجة مستعملة انها اصبحت بحالة سيئة وغير صالحة للإستخدام ، فيه منتجات كتير مستعملة بتكون بجودة عالية وصالحة للإستخدام سنين طويلة قدام ، واصحابها بيقوموا ببيعها لأسباب تانية زى ان مجرد ان موديلها قدم شوية ،أو انه حس انه اتسرع واشترى حاجة هو مش محتاجها فعليا ، أو حصل فيها عيب طفيف ممكن اصلاحه بسهولة وبمبلغ بسيط بس صاحبها محاولش يصلحها واشترى جديد على طول
2- حسيت ان لو كان فيه موقع يكون ملتقى لعرض وطلب المنتجات المستعملة كان ممكن ألاقى شاشة أفضل بسعر أرخص ، لأنى عرفت بعد كده انها المفروض كان سعرها أقل من كده ، بس غلطتى انى مش لفيت على محلات المستعمل بالقدر الكافى
من هنا جت فكرة الموقع الجديد
ـ عايز تحدث جهازك ومش عارف تبيع القديم ازاى وفين؟
ـ اشتريت لاب توب وبعدين حسيت انك مش محتاجه ؟ (بتحصل كتير على فكرة ) :lol:
ـ موبايلك فيه عيب بسيط بس شغال تمام وعايز تاخد فيه أفضل سعر؟
ـ بتدور على أسعار معقولة لمنتجات بحالة جيدة وصالحة للإستخدام سنين كمان قدام؟
ـ بتتاجر فى المستعمل بيع وشراء وعايز تعرض اللى عندك أو تشترى؟
*عشان كل ده وحاجات كتير كمان عملنا موقعنا الجديد