سوق العمل

السلام عليكم

من عملي بسوق البرمجة

فان Windows Application غير مطلوب كثيرا

الطلب تقريبا 95 % نحو Web Application

شوف يا باشا

انا مبرمج وفى سوق العمل بالفعل..

واللى انا شفته فى السوق ده

ان السوق محتاج ويب جداً

لأن فى إتجاة من معظم الشركات إنها تنقل اعمالها على الويب

المهم

علشان تبئى مطور ويب محترم لازم تعرف شوية حاجات .. مش كتير

PHP

JavaScript

MySQL

مش هتحتاج أكتر من كده علشان تقدر تعمل مواقع ويب محترمة (طبعاً لازم تبئى عارف HTML لأن دى الأساس)

ونصيحة اخوية ابعد عن ASP.NET

انا شغال بـ ASP.NET من فترة واقدر اقولك انه مايجيش حاجة جنب الـ PHP

كل الميزة الى فى ASP.NET انك هتشتغل بالـ C Sharp

بس دى مش ميزة جامدة لأن الـ PHP مش ناقصها حاجة تقريباُ ( والكمال لله )

غير كده الـ ASP.NET هيتعبك على الفاضى

لكن بغض النظر عن الـ PHP و الـ ASP.NET

الـ JavaScript لازم تتعلمها حتى لو هتشتغل HTML بس.

وبالتوفيق

معذرة و لكن أنا لى رأيى مختلف

تقنية الasp مختلفة عن الphp و هذا بالإضافة إلى الدوت نت فالأمر أصبح مختلف تماما تماما

سوق عمل البتشبى مختلف تماما عن سوق عمل الasp.net

فالأخيرة مرتباتها أعلى بكثير و أسعار المواقع التى يتم كتابتها بالasp أعلى بكثير من مثيلتها بالphp

تستطيع أن تقول أن هذا تخصص و هذا تخصص أخر

عموما

ردا على تسائل الأخ فإن تطبيقات الويب هذه الإيام أصبحت هى النجم الصاعد على الساحة هذه الإيام

بل لو أنك محترف فإنك تستطيع فى أغلب البرامج التجارية الخاصة بقواعد البيانات أن تبنيها على أنها تطبيق ويب و تستغنى عن تطبيقات سطح المكتب

و هذا سوف يضمن لك أنك قادر على تشغيلها على أى نظام تشغيل مهما كان فى هذه الإيام

سواء كان لينكس أو أبل أو نوفل أو غيرهم

asp.net صاعدة بقوة وارى انه يجب تعلم هذه التقنية الجديدة وقد اصبح سعر حجز المواقع التي تدعمها معقولا

والتقدم فيها سريع جدا ... طبعا فهي البنت المدلله لمكروسوفت

ضعفها لايكمن فيها كتقنية

ولكن في قلة المواقع التي كانت تدعمها

وهي اسهل واسلس للادارة من php نظرا لوجود محرر كود قوي لها وهو فيجوال ستوديو

اذا تعلمت asp.net تكون قد ضربت عصفورين بحجر كمايقال

فانت ستصبح

web & desktop programmer

هذا والعلم عند الله

جزاكم الله خيرا

اانا ارتحت جدا جدا بعد الكلام ده

انا تخصصت ويب ولكن لقيت انى لازم اتعلم حاجات كتير جدا زي php,Asp.Net وده علشان أعرف بنفسي إيه فيهم الأفضل ومفيش مانع إني أبقى عارفة الاثنين(دى وجهة نظري)

وبعدين ألاقى XHTML,AJAX وحاجات كتير جدا واللى مش عارفة عنهم حاجة اصلا

بس لو معرفة PHPوJavaScriptوMySQL كفاية لمطور الويب يبقى انا مشيت مسافة كبيرة والباقى اتعلمه براحتي

لأني تعبت من الاعتقاد اني لازم اعرف كل حاجة في وقت واحد

ولكن فعلا أفدتموني

وفقكم الله لما يحبه ويرضاه

اقتباس

لأني تعبت من الاعتقاد اني لازم اعرف كل حاجة في وقت واحد

انا عملت كده زمان وقعدت فترة طويلة مش بتعلم فيها حاجة

لغاية ماقررت انى اركز فى اى حاجة.. حلوة كانت او وحشة

المهم يبئى فى حاجة الواحد مركز فيها

وسيبك من موضوع PHP و ASP.NET علشان ده موضوع مالهوش نهاية

اللى انت بدأت فيه كمل فيه وربنا يعينك

وعلى مسؤليتى الشخصية

(PHP || ASP.NET) && JavaScript && (MySQL || SQLServer)

كفاية اوى على الويب

وبخصوص المرتبات ده حسب الشركة مش حسب انت شغال ايه