استفسار بسيط ممكن

شذا الورد كتب:

السؤال الاول:

1/ أكتب برنامج لحساب متوسط عددين.

خطوات الحل :

1- عرفي ثلاث متغيرات X,Y,Z ( بحيث أن X,Y المدخلات , و الـ Z الناتج )

2- بأي طريقة تطلبين من المستخدم إدخال الأعداد ( في txt أو من خلال الـ InputBox)

3- حساب الناتج من خلال القانون , متوسط العددين = مجموعهما ÷2 ..

واضح ؟ جربي تكتبين الكود ..

وباقي الأسئلة , نفس الخطوات ..

حددي المدخلات و المخرجات , و أكتبي القانون ..

جربي تحلينهم , و إذا فيه مشكلة , ضعي كودك و بتلقين المساعدة ..

بالتوفيق :happy:,

مشكور اخوي على المساعده لكن تقدر تحلها ليه بالتطبيق على الفورم وكتابة الاكواد وبالشرح ساعدني لان مو فاهمة من الاساس طريقة الحل

أرنا محاولاتك أولاً ،

هذا هو حل السؤال الأول ( كما شرحته الأخت إشراقة فجر ) :

Dim N as Integer,M as integer
N=val(InputBox("Enter first number:"))
M=val(InputBox("Enter second number:"))

MsgBox "The mean of these two numbers is " & (N+M)/2

انا مو فاهمه لا تواخذوني اخواني بصراحه ابي شرح من والى خطوة بخطوة لهذا التمرين تضعون مثال وتشرحون عليه مثلاً .. اعذروني على الازعاج لكن والله مو فاهمة شي

شذا الورد كتب:

انا مو فاهمه لا تواخذوني اخواني بصراحه ابي شرح من والى خطوة بخطوة لهذا التمرين تضعون مثال وتشرحون عليه مثلاً .. اعذروني على الازعاج لكن والله مو فاهمة شي

أختي بارك الله فيك , جربي كود الأخ " المبرمج أحمد " ..

أنسخيه و ألصقيه في حدث الـ Load أو بأي مكان , بيشتغل تمام !

على العموم , بشرح لك السؤال الثاني ..

السؤال الثاني يقول أحسبي مساحة و محيط مستطيل يدخل المستخدم طوله و عرضه , OK ؟

وش بتسوين ؟

أفتحي البرنامج و صممي الواجهة ..

ضعي 2 label , ( الطول , العرض ) و 2 text ( ليدخل المستخدم الطول والعرض ) ..

و 2 button .. واحد لحساب المساحة والثاني لحساب المحيط ..

واضح ؟

الحين , تسألين نفسك ماذا تريدين من البرنامج حسابه ؟

تبين إذا نقر على زر المساحة يظهر لك الناتج , إذاً في حدث الـ Click تكتبين هالكود ..

MsgBox("Area of a rectangle = " & (Val(Txt1.Text) * Val(Txt2.Text)))

واضح ؟

حاولي وكملي البرنامج , وبلاش كلمة " مو فاهمة " , تأثر تأثير سلبي وأنتي مو حاسه ! ..

بالتوفيق :happy: ..

الله يوفقك اختي اشراقة فجر حاضر صدقيني متحطمه لان الاساتذة اللي تشرح ماتشرح زين للابد شرحها فاشل ولا تعيد الشرح لذلك لجأت اني اتعلم من هنا وابيكم تساعدوني والله ولكم جزيل الشكر

ابي اسأل هل السؤال الاخير بنفس الطريقة ام طريقة مختلفة / وياليت تساعديني في حله ربي يعطيك العافيه

ويوفقك يارب , يؤ يؤ ليه كل هالتحطيم ؟

بسألك ..متى نحط الغلط على الأساتذة ؟ أنهم فاشلين و مايعرفون يشرحون !

إذا ماعرفنا نحل ! صح ؟ يعني وش معناته ؟ (جاوبي بينك وبين نفسك ) :D ..

المهم ماعلينا ...

بالنسبه لسؤالك الأخير ..

بقولك شي , إذا كان في السؤال قيم محددة , مثل الساعة =50 و ساعة العمل الإضافي = 70 , فمعناته إنه متغيرين ثابتين ,

حاولي تحلينه و إذا عندك سؤال تفضلي :) ..

بالتوفيق :happy: ,

الله يرضى عليك والله ماتعرف تشرح والله انا صادقه مو انا وبس كل الطالبات ايش نسوي امرنا للله نرضى ونسكت

اعطيني مساعدة يالغالية والله ابي احد يشرح لي ويفهمني حطوا نفسكم بمكاني احنا ندخل علشان نتعلم كفاية تحطيم بالاكاديمية

أعانكم الله :D ..

بشرح لك السؤال ..

فكرة البرنامج , بيطلب من المستخدم -اللي هو الموظف - يدخل عدد ساعات العمل -الملزم فيها - لأن في السؤال عدد ساعات عمل و عدد ساعات عمل إضافي ..

فـ عدد ساعات العمل تضربينها في الساعة الواحدة 50, و إذا كان مشتغل إضافي فيدخل عدد ساعات عمله الإضافي و تضربينها في 70 ..

ويمكن الموظف فية ساعات ما أشتغل فيها - مريض مثلاً :D - فهنا تضربين عدد ساعات غيابه بـ 50 .. لأنه غاب عن عمله الأساسي , ومافيه شي أسمه غياب عن العمل الإضافي ..

أختي جربي تحلين و حطي الكود - حتى لو كان خطأ , لمصلحتك أولاً وأخيراً -..

وإن شاء الله أساعدك -لو كنت موجودة - ,