نظام تشغيل عربي !!!

أنا مع الأخ باشمهندس

و للعمل أنا شوفت أكتر من 5 أو 6 نماذج لنظم تشغيل معمولة فى مصر بس أكاديمية و أكيد أي حد بيدرس فى علوم الحاسب أحتمال كبير جدا يكون درس هذا الموضوع أو بيفكر فيه

المشكلة أن كل الى أتعمل ده مالوش لزمة لانك سوف تزهل فى النهاية لانه لن يرضي أى مستخدم و لا حتى 5% و لا حتى من باب المجاملة

المفروض أن التفكير يكون صح و مركز فى أتجاه معين

أنت أو أحنا بنقول نظام تشغيل الكلمة ديه كبير أوى أكبر من 5 بيعملوا مشروع تخرج

الموضوع مش صغير مش مجرد كلمة بتتقال أو كاننا طالعين رحلة لا الموضوع كبير و أنا بالفعل قابلت ناس من الى شاركوا فى الموضوع و لما لقوا الوضع مش بسيط تراجعوا تماماً علشان كدة أحنا نحمد ربنا أن في فعلا مشروع نظام تشغيل و فى ناس كتير جدا على مستوى الدول العربية كلها شغالة فيه و هو مشروع النهضة للأشتاذ عمرو خالد ( مشروع نظام تشغيل الخورزمي )

المهم اتمنى أن فعلا تعملوا حاجة - الأحساس الى أنت فيه دلوقتى أحساس حماس عالي جدا بيروح مع الوقت و مع بعض العقبات :)

و على أي حال ربنا يوفقك

"مازلتم في مرحلة احلام اليقظة "

نعم وانا معاك ان امازلنا فى مرحلة اليقظة وفى ناس من التيم بيحلم ان لو أعد يوم ممكن يعمل الos

على فكرة انا (وليس فخرا) شوفت كود الlinux وأيضا الميتول

وهما open source

وشفت مدى التعقيد اللى فية ومدى الصعوبة اللى فية وأعرف ان المشكلة ضخمة وممكن نفشل ومازلت مقابلانى مشاكل كبيرة لم استطع فهمها فى الكدو بتاع اللينكس ولكن أكتفى بأخذ شرف المحاولة

وشرف العلم والبحث عن المعلومة حيث ان احنا لسة فى مرحلة الحلم اللى انت تقول عليها وأستفدت بأشياء جميلة جدا وبالاخص فى الاسمبلى

العملية معقدة وصعبة وممكن ان تكون مستحيلة لية ؟؟؟؟؟؟

اولا اوانا اعترف ان مستواى لا يستطيع عمل ذلك (يعنى امكانياتى لسة على أدى )ولكن ممكن أدور وأبحث عن المعلومة ولو لفترة طويلة

وأجرب مرة وأتنين وتلاتة لحد مأوصل للى انا عاوزوة

طب هتقولى اية الامكانيات اللى انت هتقنع المستخدم بأن يترك الويندوز ويشتغل على الos بتاعنا ؟؟؟؟

ممكن بعد فترة قليلة اجاوب علية علشان دة موااااااااااااااال تانى

طول عمرى وانا لما احب اتعلم حاجة فى البرمجة احط نفسى فى مشكلة واحاول ان اوصل لها ودة اللى انا يارب بمساعدة ربنا والتوكل علية نحاول كتيم ان نعمل حاجة

انت عارف بناء الos زى مانقول عاوزين نعمل processor

يعنى يعتبر بحجم المشكلة وتعقيدها ومدى صعوبتها

يعنى تحب ان تكون مايكروسوفت والشركات التانية زى صن

يقولوا يمين نمشى معاهم يقولو شمال برضة معاهم

يقولوا لا الحاجة دى مش للعرب نروح نذلل ليهم

ولا اية يا جماعة ؟؟؟؟؟؟؟؟؟؟؟؟؟؟

الحقيقة عمل OS اصعب من عمل Processor من واقع تجربة فقد شاركت في الكلية في تصميم Processor شبيه بال PDP 11 و تصميم اخر مصغر من ال 8086 و كان باستخدام ال VHDL على كل من Altera و Xilinix و كان الموضوع ليس بالصعوبة التي تتخيلها

eng_3llam كتب:

يعنى تحب ان تكون مايكروسوفت والشركات التانية زى صن

يقولوا يمين نمشى معاهم يقولو شمال برضة معاهم

يقولوا لا الحاجة دى مش للعرب نروح نذلل ليهم

ولا اية يا جماعة ؟؟؟؟؟؟؟؟؟؟؟؟؟؟

←

يا دي الكلمتين اللي زهقنا منهم

يا اخي لو مش عاوز تطلع فلوس من جيبك و تشتري من ميكروسوفت روح اشتغل على Linux او طور في النسخ العربية من Linux مثل Arabian و الخوارزمي و غيرها

خليك واقعى و فكر صح

الموضوع كبيييييييييييييييير

أنت شوفت كود لينكس و لا كود الكيرنيل بتاعت لينكس

كود لينيكس علشان تتابعه محتاج على الأقل شهرين لان كود الكرنل لوحدة أكتر من 120 مجا ( ملفات نصيه )

يبقى أزاي المفروض أنك تروح تجيب الكتب المتخصصة و تقرأها أنت محتاج تقرأ على الأقل ثلاثة كتب أو أربعة عن هذا الموضوع لتكون فكرة كاملة

لكن مش تروح تشوف كود مرة واحدة كدة انت بترهق نفسك على الفاضى

عامل زي واحد بيحاول يطلع الجبل من أعلى منطقة فيه مع أن المفروض انك تدور على مكان سهل الطلوع منه

على العموم دور على مكان منخفض للصعود

الحقيقة عمل OS اصعب من عمل Processor من واقع تجربة فقد شاركت في الكلية في تصميم Processor شبيه بال PDP 11 و تصميم اخر مصغر من ال 8086 و كان باستخدام ال VHDL على كل من Altera و Xilinix و كان الموضوع ليس بالصعوبة التي تتخيلها

هههههههههههههههه أخى هل نات متاكد من ذلك انت تعرف حجم وتكاليف الالات المستخدمة فقط لعمل هذا

هل تعرف ان الprocesssor تتعمل فى مكان واحد على مستوى العالم ومش متذكر فين (على ماأعتقد فى ولاية من ولايات امريكا)

انا مستغرب

ولا انت استخدمت مجموعة من الالسيمى كوندكتور والريجيسترززلا اية ؟؟

اقتباس

أنت شوفت كود لينكس و لا كود الكيرنيل بتاعت لينكس

كود لينيكس علشان تتابعه محتاج على الأقل شهرين لان كود الكرنل لوحدة أكتر من 120 مجا ( ملفات نصيه )

والله شفت اللى انت بتقول علية ومدى التعقيد اللى فية

على فكرة صعب البداية من الصفر لازم نستخدم اللينكس ونعدى علية ونحاول نعلب فى الكود الضخم بتاعة بالغرم من صعوبتة نحاول !!

يعنى انا عاوز ابقى فى الاحلام دى يمكن انفع نفسى بمعلومة ولا حاجة ولا أشد اكتر وأحاول ان أعرف أشياء ولو قليلة فى أسرار الويندوز

يعنى ممكن أتنفع بالحلم دة وممكن نقفل الموصوع لحد كدة علشان انا عاوز اكمل حلم ومش عاوز اللى يقلقنى

خخخخخخخخخخخخخخخخخخخخخخخخخخخخ

يا اخي صناعة الProcessors ليها جزئين

الجزء الاول هو وضع التصاميم الاساسية عمل الSimulation و التاكد من نجاح التصميم (و هذا هو الجزء الخاص بالدراسة )

اما الجزء الثاني و هو الخاص بالالكترونيات فهو مشترك بين جميع انواع الهاردوير و ليس بالProcessors فقط و هو يتم فيه تنفيذ التصميم على الشرائح الالكترونية و هذا يمكن عمله في اي دولة من دول جنوب شرق اسيا مثل الصين حيث قام 4 من زملائنا بتصميم RISC Processor كمشروع للتخرج ثم قاموا بارسال التصاميم الى احدى الشركات في الصين بعد الاتفاق على السعر و قاموا بارسال المنتج لهم

يبدو ان معلوماتك تأخذها من اصدقاءك و ليس من الواقع و هذا دليل قوي

اقتباس

هل تعرف ان الprocesssor تتعمل فى مكان واحد على مستوى العالم ومش متذكر فين (على ماأعتقد فى ولاية من ولايات امريكا)

بص يا سيدي أنت تشوف ناس كتير تشتغل معاهم لان أنت مش هاينفع تدخل لوحدك او حتى أنت و زميلك لازم جروب كبير

و أحمد ربنا أن فى فريق تصميم الخوارزمى ممكن تشارك فيه و تعمل الى أنت عايزة

"يبدو ان معلوماتك تأخذها من اصدقاءك و ليس من الواقع و هذا دليل قوي"

لامش صديق ولكن من معيد فى الكلية كنا بنتحدث معة عن هذا الموضوع بتاع الprocessor

ده مستوى المعيدين بقة صعب جدا اليومين دول

ربنا يكون في عونكم

"ده مستوى المعيدين بقة صعب جدا اليومين دول"

طب ممكن لو سمحت تدينى دليل على كلامك ان ممكن صناعة بروسيسور او حتى لينكة لموقع بة تفاصيل اقراءها لعل استفيد منها ومن تصحيح المعلومة

أشكرك على تصحيح المعلومة

على العموم الانسان هيفضل يتعلم

لا لا الموضوع صاير فيه تحدي و رمي كلام

عموما اللي يحلم الله يسعده باحلامه والواقعي كويس انه بيحذرنا وخلونا حلوين مع بعض

"عموما اللي يحلم الله يسعده باحلامه والواقعي كويس انه بيحذرنا وخلونا حلوين مع بعض "

اى والله عندك حق

وعلى فكرة أأسف على طرح هذة الفكرة السيئة للغاية

و

أشكر كل من ساهم برد ونصيحة جميلة

وشكرا لكم

والسلام خير الختام

هذه بعض الامثلة للشركات في جنوب اسيا التي تقدم هذه الخدمات

http://www.synometrix.com/china_taiwan_con...facturing.shtml

و هذه احصائية عن حجم صناعة الالكترونيات و الدوائر المتكاملة في جنوب اسيا

http://www.ferret.com.au/articles/4c/0c03034c.asp

و هذا كتاب يناقش هذه الظاهرة

http://www.calce.umd.edu/general/published...china_2003.html

و هذا موضوع اخر عن شركات هندية

http://www.edn.com/article/CA609102.html

ممممم شكرا لك ياأخى الباشمهندس

المهم يا جماعه توحيد الجهود

فهناك مشاريع كثيره

و لكن كل واحد بيشتغل مع نفسه

أنا شايف مشروع الخوارزمى بيكبر و بيتطور يوم عن يوم

بس عيبهم حاجه واحده أنهم عاملين مشاريع كتير

فالمبرمج بيتوه منهم

و الجهود بتضيع تانى

هذا صحيح أن توزيع الحهود على كثير من المشاريع سوف يؤدي الى عدم أنتهاء أى شئ و نتيجة تكون ضعيفة

والله انا مبتدء برمجه

يعني لسا بالفيجوال بيسك :D (لسا مخلص ثانويه)

بس والله فكره النظام العربي صرلي فتره افكر فيها وكنت بدي اطرح الموضوع للمناقشه بس لقيت موضوعكم وقريته من الاول للأخر

بس حاب اسئل سؤال غبي جدا :D

ايش اللغات اللي لازم اتعلمها لحتى اسوي نظام تشغيل متكامل مثل الوندوز واللينوكس؟

والله يوفق الجميع ان شاء الله

أولا إذا كنت تريد الدخول فى برمجة النظم يجب أن تنسى كل ماتعلمته فى البرمجه

لأن شغل برمجة النظم مختلف تمام الأختلاف عن البرمجه

يمكنك أن تبدأ بدراسة السى و الأسمبلى

ولكن يجب أن تتذكر أنه ليس كل مبرمج أسمبلى و سى هو مبرمج نظم

و الله فى عون الجميع

أولا إذا كنت تريد الدخول فى برمجة النظم يجب أن تنسى كل ماتعلمته فى البرمجه

ههههههه ليش انا تعلمت شي فيجوال بيسك ومبتدء

اقتباس

لأن شغل برمجة النظم مختلف تمام الأختلاف عن البرمجه

يمكنك أن تبدأ بدراسة السى و الأسمبلى

ولكن يجب أن تتذكر أنه ليس كل مبرمج أسمبلى و سى هو مبرمج نظم

طيب اخوي ممكن تعطيني فكره عن برمجة التطبيقات او روابط عربيه اقدر استفيد منها

والسي والاسمبلي بدي اسافر على سوريا وايش في كتب بجامعه حلب عن اللغتين هدول رح جيبهم وادرسهم (مع اني كسلان بالمدرسه بس مدري ايش صار فيني صرت احب قرائه كتب البرمجه والبرججه بكل لغاتها) :D

وشكرا لك على توضيحك لي اخوي

ممكن تقرأ موضوعات jass فى منتدى الأسمبلى عن تصميم الأنظمه فهى غاية فى الروعه

/index.php?showtopic=51221

هذا بالأضافة إلى المراجع الأجنبيه مثل mmurtl

وأى سؤال أنا حاضر على قد معرفتى

السلام عليكم ورحمة الله وبركاته،،،

والله إني لسعيد بكم الحماس الذي أراه على هذا المنتدى، وهو يبشر بالخير إن شاء الله.

رأيت بعض الأشخاص المعترضين على المشروع ويرى أنه مجموعة من أحلام اليقظة. وأقول أن كل الحقائق التي نراها في دنيانا اليوم كانت في يوم من الأيام أحلام يقظة.

قال رسول الله صلى الله عليه وسلم: " لو وضع إبن أدم همه في أن ينال الثريا ، لنالها."

أو كما قال رسول الله صلى الله عليه وسلم.

يا أخواني إعتصموا بحبل الله جميعا ولاتفرقوا ، هذا نداء الله لنا.

وطلب الله منا رفع الهمة وقال في كتابه العزيز : "يا يحيى خذ الكتاب بقـــــــوة"

صدق الله العظيم.

ثقوا بربكم وثقوا بأنفسكم. والله لقد أتيحت لي الفرصة للعمل مع عدد من المبرمجين من أماكن مختلفة من العالم و خاصة من أوروبا وأسيا ( ألمانيا - سويسرا - روسيا - بولندا - الصين).

هؤلاء الناس ومن خلال العمل معهم لا يتفوقوا علينا في أي شئ لا ذكاء أكثر ولا فهم أكثر بل وبعون الله عز وجل كانوا ينبهرون بالبرامج التي نقوم بعملها نحن العرب والمصريون.

ولكن ما يميزهم حقا هو حسن التنظيم وروح الجماعة. كل منهم يقوم بعمل كود صغير و عند التجميع تجد فجأه أصبح لديك برنامج كبير قام ببناءه العدديون وليس فرد واحد.

ومن هنا أدعوكم كلكم مرة أخرى لتوحيد الجهود والعمل معا في مشروع الخوارزمي. وأشعر انه بإنضمام العديدين منكم سيكون لدينا دم جديد في المجموعة يأتي بأفكار جديدة وأنشطة جديدة.

ملحوظة: الأخ الباشمهندس ،، أعتقد أنك ستكون من أكثر الناس فائدة لهذا المشروع إن شعرت بأهميته حقا.

جزاكم الله خيرا ووفقنا الله لما يحبه ويرضاه.

السلام عليكم

يا سااااااااااااااااااااااااااااااااااااااااااااتر ...اى ده ....انا بقالى 12 صفحه لفيت فيهم لما دوخت

ومشاعرى تقلبت بطريقه لا يمكن ان تتخيلواها ..بس فى الاخر مالت للاحباط

وبالرغم من ذلك ان شايف انكم كنت هتبدأوا فى خطوه كويسه وهى الترجمه وبعدين انهتوها

وخطوه اخرى هى دراسة الكود المصدرى لنظم تشغيل صغيره وايضاً انهتوها

يا ريت نستمر فى الحاجات دى ....و ياريت اذا كان حد اشترك فى مشروع الخورازمى يقول هو اشترك فى قسم ايه

المشكلة أن عيب الكل أنه بيبدأ فى منتهى الحماسه و بعدين يصاب بالأحباط

بس الحقيقه اللى وصلنالها أن أحنا لسه محتاجين دراسه كتير

و ده اللى أحنا بنعمله دلوقتى

و ربنا يوفق الجميع