بسم الله الرحمن الرحيم
السلام عليكم ورحمة الله وبركاته
طبعا زى ماهو واضح جدا .. دى اول مشاركة ليا فى المنتدى
اكيد مكنتش اتمنى انها تكون استفسار بس نعمل ايه الظروف!! :D :D
الاول اعرفكوا بنفسى .. انا محمد .. كلية حاسبات ومعلومات
الحقيقة انا قبل مدخل الكلية فكرت فـانى اعمل لعبة تكون شبيهة بالالعاب الاونلاين الثرى دى
مثلا Conquer Online - SIlkRoad - Aion - ..etc.
ابتديت اعمل سيرفرات بس بسورسات جاهزة لالعاب زى سيلك رود وكدا
فكرت اعمل لعبة ثرى دى زى مقولت
لما دخلت الكلية الفكرة كبرت فى دماغى ..
فالمهم انى عايز استفسر ايه المطلوب لعمل لعبة زى الالعاب الى قولت عليها او نفس فكرتها؟!
هل لو قدرت اعمل Team Work معايا من الكلية مثلا اقدر اوصل لكدا؟
ولا دى حاجة مستحيله؟ :D :D
شكرا
