كورس أوركل

السلام عليكم جميعا

الأخ الفاضل

كورس بمبلغ كبير جدا ... غريبة .. مش لازم تعرف فى الأول ايه اوراكل وهينفعك فى ايه ؟

عموماً .. الكلام ده بسيط جداً .. وانا لا أدعى الخبرة ولكنى المعلومات العامة فقط بتقولك الآتى :

أوراكل هو نظام لقواعد البيانات .. ولكن ضخمة .. يعنى ممكن لعدد ضخم من المستخدمين الدخول فى نفس اللحظة والتعامل مع جداول قاعدة البيانات بالإضافة والحذف أو الاستعلام وغيرها كثير ، كذلك ممكن ان تحتوى قاعدة بيانات أوراكل على كم بيانات ضخم جداً من خلال عدد جداول ضخم جدا وعدد صفوف لكل جدول ضخم جداً وامكانية أمان وخصوصية عالية وضخمة جداً

كلمة "ضخم جداً "طبعاً بالمقارنة بنظام قاعدة بيانات بسيط مثل أكسس

وطبعا قبل البدء فى اوراكل يلزمك معرفة ينى ايه قواعد بيانات وكيف تنشئ قاعدة بيانات على نظام بسيط مثل الأكسس وبعدين تتورط مع اوراكل

اضيف إليك ان أوراكل عملت لنفسها DEVELOPER علشان تقدر تعمل من خلاله شاشات يتعامل من خلالها المستخدمين العاديين مع قاعدة البيانات .. يعنى "برنامج" وده موضوع تانى خالص .. وأعتقد انه يلزم خبرة أو على الأقل معرفة بالبرمجة "على سبيل المثال visual basic

من خلال اللى فات نقدر نفهم ان أوراكل ليها اتجاهين للدراسة

الأول : وهو إدارة قواعد البيانات

والثانى : هو عمل شاشات وتقارير أو إذا صح التعبير "برمجة" أوراكل .. علشان تقدر تعمل برنامج يخدم قطاع معين وتبيعه ... وهذا الإتجاه هو الأكثر طلبا ونقاشاً .. وأسهل دراسة من الأول الغلس

طبعا الموضوع كبير .. لكن مش صعب ...

اتمنى تكون عرفت انت عاوز ايه

سلام عليكم