احمد غريب اداني وصلات لمترجم اسمبلي وكنت فاكر ان الواحد بيفتح المترجم بعدين يكتب الكود ويترجمه وخلاص!
بس كل مره انزل فيها البرنامج اجرب افتحه ميفتحش امسحه وحاول ابحث عن برنامج جديد وبرضه ميفتحش اريت درس في موقع c4arab (وجت من الغريب!) انا انت بعد ما تكتب الكود بتدخل علي الدوس وتكتب
TASM a1.asm
TLINK a1.OBJ
البرنامج بعدها يتنفذ ...هو ده معني التجميع؟
السلام عليكم
خدعتك فى إيه بس يا ميدو, التجميع يعنى اسمبلى, وانا إديتك الموقع إلى فيه الكمبايلر, إسئل عن طريقة الاستعمال وإحنا نقولك.
عشان تعمل كمبايل لازم تروح لشاشه الدوس وتكتب ml /c /coff progname.asm
,وعشان تعمل لنك تكتب link /subsystem:windows Progname.obj
الكود بتكتبه فى برنامج زى ال notepad او اى برنامج كتابه يعجبك.
بس وتوتا توتا خلصت الحدوته, راجع شويه الدروس إلى فى المنتدى وحتلاقى توحف.
يلا سلام عشان لازم اغسل إيديا واسمى واكل.
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
شكرا
بس في حاجات غريبه بتتكتب عشان البرنامج يبقي .com او .exe ايه الفرق بينهم اصلا وايه نوع المترجم اللي بيعمل برامج اسمبلي مستقله (من غير int 21) رغم اني مش عارف يعني ايه int 21
هو انت من ميدان الجامع تعرف شارع اسكندريه؟
لا يا ميدو مافيش برامج .com تتعمل بالكمبايلر دا, الكمبايلر دا عشان برامج الوندوس بس, لو عايز تعمل برامج .com يبقى لازم تستعمل الكمبايلر القديم, وكمان ما ينفعش تستعمل int 21 دى موضه قديمه بيستعملوها بتوع الدوس.
انا متربى فى مدان الجامع, بس بقالى زمان اوى سايبها وعايش برا مصر, وشارع الاسكندريه ماعرفوش فى مدان الجامع دا برضك؟
يلا اروح اكمل اكل بقى .
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
عايش فين برا مصر (لو مفيهاش غتاته)
بعدين انت تقريبا شايل الكاي بورد وحاطت بدلها طبق ولا ايه ؟!
وقت الفطار خلص من زمان!
انا عايش فى السويد ومافيش غتاته ولا حاجه.
وبعدين معاك يا ميدو !! حنبتدى ارر من اولها كدا, انا بابتدى اكل الفطار عبال ما اخلص يكون وقت السحور جيه, اعمل إيه؟ ااطع نفسى؟
يلا احسن الشوربه تبرد.
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
حظك يا عم هو السويد بتتكلم ايه؟ (جهل جغرافي)
(احلي حاجه في الموضوع ده اني بتكلم مع مشرف (يالنسبالي كأني بتكلم مع لوا والله )تاني حاجه ان رصيد مشاركاتي بيكبر )بس نسبة الاهتمام بالمواضيع بتقل انا كان نسبة الاهتمام بمواضيعي 94% وعماله تقل مش عارف ليه ()
متتوسطلي للريس HGB يشوفنا بكارت ولا حاجه!
يااااااااااااه لوا حتى وحده؟ ربنا يجبر بخاطرك يارب, انا لسى يادوبك نقيب, بالنسبه لنسبة الاهتمام بالمواضيع ولا يهمك بكرى تكبر وتبقى 100%
وانا هكلم الاخ هيثم ولا يهمك, يا إما إداك ترقيه يا اما طردنى انا وإنت من المنتدى!! إيه رايك؟
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
هزرنا كتير نبتدي جد شويه بقي (فاكر ايام الدراسه في المدرسه لما مدرس رخم يقول حاجه هايفه والعيال تدحك يقوم يقول العباره الرخمه دي!)
انا عاوز اسألك لو مفهاش رخامه ..انت ايه امالك في الاسمبلي يعني ايه اللي انت بتطمحله ومش عارف عشان فيه عائق _ انا عاوز التنين(زي مبتقول سكيننه!)_
ايه عناوين الكتب اللي انت اريتها في المجال ده (السؤال ده نفسي أسئله لمشرف في السي برده)
معاك حق إحنا هزرنا كتير ولعبنا كتير خلينا فى الجد, انا درست الاسمبلى من 1993 إتعلمت الاسمبلى بالموتورولا, دا المعالج إلى موجود فى الماكنتوش, ودرست الاسمبلى على 8086 بس نسيت حاجات كتيرا اوى, عشان مش بستعمله بقالى كتير, امالى هى إنى اعمل جهاز تحكم عن بعد لكاميرا, بس الكاميرا إلى نفسى اشتغل عليها تمنها غالى شويه, بس الحمد لله المدرسه حتديهالى اشتغل عليها من اول السنه الجايه.
الكتب إلى قريتها كتيرا اوى خلينى اديك شوية اسماء:
Assembly Language for intel-based computers, KIP R. Irvine
Microprocessor system design, 68000 Alan Clements
Art of Assembly Book Randall Hyde16bit and 32bit
Structured Computer Organization, Fourth Edition, Andrew S. nenbaum,
وكتب تانيا كتيرا بس مش فاكر اسمائها.
وطبعاً فى مواضيع كتيرا عال إنترنت.
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
السلام عليكم ورحمة الله وبركاته
كيف الحال يأستاذي الكريم احمد غريب
والله أنا عندي سؤال ...الحقيقه أنا كتبت الكود في محرر الnotepad وعملت له حفظ في المحرك C بإمتداد asm طيب ولنفرض إنه aa.asm
المهم دخلت على الدوس وكتبت هذين الأمرين :
C:\MASM32\BIN\Ml.exe /c /coff aa.asm
عملت إنتر
C:\MASM32\BIN\Link.exe /SUBSYSTEM:CONSOLE aa.obj
عملت إنتر
وبعدها رحت لمحرك السي وجدت الشغل ماشي :)
بس سؤالي هو أنا لما بأكتب في الدوس الأمرين التالية :
c:\>ml /c /coff aa.asm
c:\>link /subsystem:consle aa.obj
يظهر عندي فيه خطأ :( فما هو السبب إذا تكرمتوا ؟؟
كما أنه هل يمكنني حفظ الكود تبعي في مكان أخر غير محرك السي ؟؟..أقصد إذا غيرت مكان المحرك في أي مكان أخر هل يشترط عليّ كتابة المسار و لاكيف؟؟إذا سمحتوا طبعاً
وسؤالي الثاني:
احياناً في أكواد الإسمبلي أجد أنه يبدأ كالتالي:
.486
.model flat, stdcall
وأحياناً اخرى أجد الكود يبداً بالتالي:
.386 ; 1
.model flat, stdcall;2
إلى أخر الكود
فسؤالي هو كيف أنا أعرف متى أكتب 486 أو 386 وغيرها ؟؟
يعني أنا مش عارف أحفظها عن ظهر قلب ولا على أي أساس هي تعتمد في البرمجه ؟؟..وهل لو كتبت أي واحد فيهم يعني لو إعتمدت على واحد فيهم بتفرق في البرمجه أو لا؟؟
ومشكورررين مقدماً معليش على الأسئلة ثقيلة الدم شوية
ويالله في امان الله
تم تعديل هذه المشاركة بواسطة al_aman في 9 نوفمبر 2004 في 06:48
حياك الله اخى الامان
بانسبه لسؤالك الاول الظاهر عندك ال path مش مكتوب, فى الحاله دى تروح ل my computer وبزر الماوس اليمين تختار propartes وبعدين advanced بعد كدا تختار path من اللسته double click وتكتب فى اخر السطر
;c:\masm32\bin
وتعيد تشغيل الجهاز, وبكدا يشتغل الكمبايلر فى اى مكان ومن اى محرك اقراص.
حلوه محرك اقراص دى :)
بالنسبه للسؤال الثانى لو كتبت 386 البرنامج ممكن يشتغل فى جهاز بمعاج 386 ولكن بشرط إنك لا تستعمل اوامر غير موجوده فى هذا المعالج.
انا فى اغلب الاحيان اكتب 486 لانه لا اتوقع إن فى حد لسى عنده 386 وبكدا اكون ضمنت إن الكمبايلر مش حيعملى قلق.
مثل بسيط لو حتستعمل اوامر MMX يبقى لازم تكتب 586 لان الاوامر دى مش موجوده لا فى 386 ولا فى 486 .
ولو فى اى اسئله ثقيلة الدم زى دى إحنا تحت امرك :)
والسلام
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
السلام عليكم ورحمة الله وبركاته
مشكووووور جداً يأستاذي أحمد غريب :)
وخلاص لو إنت قلبك واسع وراح تتحمل أسئلة ثقل الدم يبقى أصبر عليَ أنا لسى في أول الطريق..
والحقيقه أنا أصلي لي فترة إتعلمت أساسيات الإسمبلي على MASM6.11
وشايف إختلاف كبير بينهم ...فعشان كذا أنا راح أقرأ في الإسمبلي خطوه بخطوة وإذ1 فيه أي سؤال لن أتردد بإذن الله
في امان الله
انت بدأت تدرس assembly من 1993 وبعدين تقول مدرسه والسنه الجايه! (طب تيجي أزاي دي!) من الاخر انت عندك كام سنه يا أستاذ أحمد - مهي متنفعش غير أستاذ - ولا ايه ؟
بعدين الاخ الامان (واخد بالك يا اخ الامان!) بدام انت شديت في الاسمبلي متساعد اخوك باي حاجه
انا اضفت حاجه جديد في ال mouse في c++ ارجو من الاخ احمد و (الاخ) الامان يشوفوها
يا ميدو هو إلى خلص دراسه ماينفعش ياخد كورسات, إحنا عندنا الدراسه ببلاش, يعنى اي حد يقدر يروح الجامعه ويدرس, وانا احيانناً بروح اخد كورس لما يقولو ان فى كورس جديد. على فكره انا خلصت البكلوريوس 97 وبعديه اشتغلت سنتين, ولما زهقت من الشغل رحت كملت واخدت الماجستير.
وسنى 35 ولو بتدورلى على عروسه يبقى شفلى وحده عندها كمبيوتر بنتيوم 4 لحسن إلى جهاز إلى عندى خلاص, بيطلع فى الروح.
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
دي احلي حاجه (متهيقاي ال long live learning) ودي الي ناوي اعتمد عليها انا ربنا موفقنيش لدراسه ال computer science ودخلت اداب انجليزي في جامعة المنصورة عشان يبقي معايا لغه اعتمد عليها في اني اسافر وادرس (تفتكر ينفع بعد 11 سبتمبر ) انا في سنه اولي! صغير اوي صح؟
انا عند بنتيوم 3 ومعنديش تليفون فلو لاقيت العروسه دي هفضلك علي واتجوزها!
انت مجربتش انك تدمج مبين السي والاسمبلي؟
ادب إنجليزى؟ وإيه إلى جابك عندنا؟ اصل فرق كبير اوى بين الادب الانجليزى وال cs .
لو عايز تدرس برا سيبك من امريكا وادرس فى اي بلد اوروبى, اصل بعد 11 سبتمبر الوضع فى امريكا بقى مش ولا بد.
اما بالنسبه للعروسه, انا كان عشمى كبير اوى, وكانت فاكرك حتساعدنى, بس لو إنت عندك PIII يبقى إنت اولى بيها.
دمج برامج السى والاسمبلى من اسهل ما يمكن, وإن شاء الله لما تتمكن من الاسمبلى حبقى اوريك إزاى تعملها بس إنت شد حيلك الاول واتعلم الاسمبلى, انا مش عايزك ترجع لنظريه الخرفان تانى خلينا نمشى خطوه خطوه.
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
medo_elkorsan كتب:انت بدأت تدرس assembly من 1993 وبعدين تقول مدرسه والسنه الجايه! (طب تيجي أزاي دي!) من الاخر انت عندك كام سنه يا أستاذ أحمد - مهي متنفعش غير أستاذ - ولا ايه ؟بعدين الاخ الامان (واخد بالك يا اخ الامان!) بدام انت شديت في الاسمبلي متساعد اخوك باي حاجه
انا اضفت حاجه جديد في ال mouse في c++ ارجو من الاخ احمد و (الاخ) الامان يشوفوها
السلام عليكم ورحمة الله وبركاته
كيف الحال جميعاً؟؟
مالك ياميدو مستغرب وكل شوية بتحط (أخ) !!
هههههه دانا زي مإنت عارف بس الأخ أحمد إفتكرني أخ فمشيت على كلامه وماحبيتش أحرجه :)
المهم حصل خير بس أنا حبيت أوضح بس كله عشان ماتقول عليّ كذاب :)
وأحب أقولك لو تدخل cs بيكون أحسن لأنك ماشاء الله عندك خلفية حلوه في البرمجه :)
زالإنجليزي ملحوق عليه ممكن لو زي مانت بتقول عايز تسافر سهل تتعلم اللغة لما تختلط بأهلها :)
وعلى فكره انا تخصصي حاسب آلي :) ...بس لي سنه ونص تركت البرمجه ولي شهر رجعت لها بقوه :) ..اتمنى أن يوفقني الله لكل مايحب ويرضى ويوفق جميع الأمه الإسلامية في كل مكان
ويالله سلام
تم تعديل هذه المشاركة بواسطة al_aman في 11 نوفمبر 2004 في 05:04
طيب يا اخت الامان انا اسف العتب عالنظر إنتى عارفا لما الواحد يكبر فى السن زى حالاتى بيخرف.
وبعدين اصل إسم الامان دا ينفع كدا وكدا, لو كان إسمك زينب مثلاً ما كنتش حقول الاخ زينب, ولا تنفع حتى, عموماً اهلاً وسهلاً بيكى.
والسلام
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
طب خلاص انا مش هفكر في امريكا وهفكر في اي بلد اوروبي (ان شاله السويد حتي!)
انا قررت بقي اني اتعلم الاسمبلي عشان اقوي السي ايه رأيك وبكده انا مش هجري خالص انا هجرهم ورايا ان شاء الله
شفت اللي حصلي امبارح كنت اعد في السايبر والوقت خلص ومكنش معايا فلوس اكمل!
وده الصراحه زود عندي الدافع اني اتجوزها!
انا خبرتي مع البرمجه بقالها سنتين وان في التالته .وهما كتابين اللي ارتهم
c/c++ و c++ والكتابين بالعربي من دار نشر اسمها compuscience .
السلام عليكم,
إيه اللغة الجديدة التي تتعلموها . لغة العرسان ونحن تعبنا ما لقينا واحدة فأفيدوتا مما عنكو فحتى أنا عندي عروس عجوز جدا من عائلة البانتيوم 2 وهي نبعمل مشاكل كثيرة البوم.
أعانكم الله وإلى اللقاء وعيد مبارك سعيد.
السلام عليكم..
في حد عاوز يتجوز "برايم"؟ :)
ملاحظة هامة: يقوم بعض الإخوان والأخوات بمراسلتي برسالة خاصة على البريد الإلكتروني بشأن تقييم مواقعهم الشخصية وأنا إذ أشكرهم على ثقتهم فإني أود منهم طرح مواقعهم التي يرغبون بتقييمها في المنتدى ليتسنى لجميع الأعضاء مشاهدتها وتقيمها.. وعلى كل حال... رأي شخصين أفضل من رأي شخص واحد.. ورأي ثلاثة أشخاص أفضل من رأي إثنان..
توقيع: "الفرق بين الفشل والنجاح هو إنجاز الأعمال بشكل صحيح تقريباً وإنجازها بشكل صحيح تماماً"
توقيع: "من قال لك أنه عالم فأعلم أنه ما زال جاهل، ومن قال لك أنك عالم فأعلمه بأنك ما زلت جاهل"
توقيع: "اللهم بارك له في وقته"
هذا الموضوع مغلق.