هل تستخدم Visual Studio.net نسخة اصلية؟

ثمن النسخة الاصلية غالية جدآ و كمان كل سنة فيه اصدار جديد , فاذن الكل شغال نسخ مجانية للبرامج اخرى , او نسخة Cracked ,,, فانا عن نفسى شغال بالCracked و خصوصآ انى شغال على 3 اصدارات للفيجوال استديو يعنى لو اشتريت النسخ الاصلية , ثمنهم يجيب عربية :)

الواحد برضه ممكن يمشي نفسه بالنسخ الOpen Source زي Sharp Develop لل Winforms و الحقيقة هو نسخة طبق الاصل من ال Visual Studio بس 6 MB بس :s و لل WebApplications ممكن نستخدم Asp.net WebMatrix و هو Product مجاني من Microsoft

من الممكن ان يظهر من خلال هذا المنتدى محرر عربي مفتوح المصدر من يدري

بس الــCompiler بتاع Vs.net هو احسن واحد و كمان فى الديزاين !!!

Any Way , BashaMohands What C# Editor License Do you use ?

ال Compiler بتاع Microsoft ببلاش لانه اساس لبنزل مع الDotNetFramework اللي هو csc.exe و كل الEditors التانية بتستخدمه زي ال SharpDevelop

ايه يا عم انت شغال فى المصنفات ولا ايه :D على العموم النسخة الاصليه ممكن تشتريها شركة مش مستخدم واحد

كلامك صح يا احمد الشركات هى اللى تشترى النسخ الاصلية و خصوصآ انهم يقدرو يعوضو ثمنها !!!

بس انا افتكر فى العالم كلو حتى فى امريكا , فى البيوت اكتر من 60-70% شغالين بنسخ مضروبة للمنتجات مايكروسفت !!!

على فكره لو اى حد منم الشباب حب يكون شغال بنسخه كوبى من الاصليه برنامج emuleمليان نسخ للصباخ الباكر ونسخ المفروض انها اصليه

لعلمك في امريكا و كندا نسبة القرصنة على البرمجيات قليلة جدا و ده لان القوانين هناك رادعة جدا و القوانين تسري على الكل الشركات و الافراد .

ايه اللى دخل القرصنة فى الموضوع ؟ انا بقولك نسخ مرخصة , امريكا و كندا عندهما ارخص و اسرع انترنت فى العالم و كمان برامج P2P كلها بقت شرعية على اساسا انها برامج للBackup ؟؟؟

غير كدة انا سأل كل اصحابى مين فيهم شغال بنسخة اصلية ولا واحد منهم شغال , و للعلم انو فيه منهم اتنين عندهم النسخ الاصلية لكن مش بيستخدموها !!!

اصحابى دول من ضمن امريكا و المانيا و فرنسا !!!

القرصنة على البرامج هي استخدام البرامج بدون ترخيص

زي في الدول العربية لما بنعمل Copies من ال Windows و ال Office و نوزعها على بعض من غير ما ندفع للشركة المنتجة مليم بحجة ان البرامج دي غالية او ان الشركات دي غير عربية مع ان فيه برمجيات كتير مجانية و مفتوحة المصدر كمان زي Open Office, Eclipse, Go-Mono

السلام عليكم

بس حبيت اعدي علي الموضوع لاني من انصار البرامج مفتوحة المصدر

بس لا بد ان نعرف ان هناك ايضا مزايا فلا يمكن الفيجوال استوديو يكون بفلوس من غير اي ميزة وثانيا لازم نعرف اي برنامج تبيعة لازم يكون معمول بحاجات مترخصة او مجانية عشان ما يكونش في محاكمات وكدة

والسلام ختام :)

بالطبع توجد مزايا قوية جدا في ال Visual Studio.net منها انه ليس Editor لل C#.net فقط انما هو IDE متكامل لكل اللغات التي تنتجها Microsoft او التي لاتنتجها و اذا بحثت على ال Internet ستجد COBOL.net Addins for VS.net و العديد من الكزايا الاخرى مثل ال Smart Devices Emulation and Debuging و الكثير

امال ليه سعره غالي

XzaB كتب:

ايه اللى دخل القرصنة فى الموضوع ؟ انا بقولك نسخ مرخصة , امريكا و كندا عندهما ارخص و اسرع انترنت فى العالم و كمان برامج P2P كلها بقت شرعية على اساسا انها برامج للBackup ؟؟؟

غير كدة انا سأل كل اصحابى مين فيهم شغال بنسخة اصلية ولا واحد منهم شغال , و للعلم انو فيه منهم اتنين عندهم النسخ الاصلية لكن مش بيستخدموها !!!

اصحابى دول من ضمن امريكا و المانيا و فرنسا !!!

←

برامج الـP2P نفسها قد تكون شرعية و لكن استخدامها لمشاركة ملفات محمية بقوانين حقوق الطباعة مثل الموسيقى و الأفلام و البرامج ممنوع و عقوبته السجن أو غرامة كبيرة أو الأثنين معاً. حالياً هناك حملة في أمريكا على مشاركي الملفات (بالذات مستخدمي برنامج BitTorrent) و بالفعل تم اغلاق العديد من مواقع المشاركة و حصل العديد من المستخدمين على رسائل انذار من الحكومة. و نسبة العاملين على نسخ أصلية من البرامج في أمريكا عالية جداً و قد يقتصر استخدام البرامج المقرصنة على فئة معينة من المستخدمين المتمرسين (و نسبتهم قليلة جداً بالنسبة لعدد المستخدمين الكلي).

منا عارف الحملة ده بتاعك لجنة MPAA

ده لما تكون حاتت فيلم مش Backup بعنى فيلم مسروق !!! بس لو انتا مثلا عندك CD الاصلى من افلام او الاغانى اللى بتقول عليها , و السىدى باظت فممكن تعمل Download للحاجة اللى عندك و ده شرعى و الكلام ده اكتلمو فيه زمان فى سنة 1999 و اتقفل برامج و سيرفرات كتيرة , احد لما طلعت المفاجأة انو شرعى للاستخدام كــDownload للbackups للكل شئ اصلى Movies/Mp3/Software , Etc .........

و على فكرة انا كنت عامل قبل كدة Torrent Tracker ,و جالى انظار من اللجنة ده و كان فيها قفل النت على السيرفر , بس هم عرفوا انو ده اول مرة و مكنتش عارف القانون , فالموضوع ده متأكد منو 110% ...

هى العملية كلها مقلوبة على الافلام اللى النت بيحرقها !!!

تعتبر Backup فقط اذا كان لديك البرنامج الأصلي. و اذا عندك البرنامج الأصلي، تنزله من الإنترنت ليه؟ ما تعمله Backup بنفسك و خلاص! :)

انت المفاهيم عندك ملخبطة خالص يا اخXzaB لان موضوع استخدام نسخ غير مرخصة مش مرتبط اساسا بال P2P و لكن مرتبط باذا كنت دفعت ثمن هذا البرنامج و حصلت على License لاستخدامه اما اذا كنت بعض حصولك على ال License ضاعت النسخة او تلفت و استطعت ان تحصل على نسخة اخرى من اي مكان اخر او من الشركة المنتجة فهذا موضوع يرتبط بنوع ال License و القوانين التي تحكمها داخل كل بلد

لأ هو ولا مفاهيم غلط ولا كدة ,, انا مشكلتى العربى بتاعى زفت :s فمحدش بيفهمنى !!!

يا System Down واللنبى افتح مخك شوية لانى انا مش بقول فيزياء انتا دلوقتى بتكلم عن برامج الP2P شرعى ولا غير شرعى !!! انا بقولك انو شرعى حتى فى الافلام لانك بتقول فى الافلام و الغانى لأ , بس يا ساعدت البيه يستخدم كنية تحميل Backup ? يعنى ايه يقى Backup ? يعنى نسخة احتياطى استخدمها فى حالة ضياع او خربان النسخة الاصلية , فيها علم يدونى ديه ؟ انا مالى بقى لو اللى بيحمل الداتا ديه عندو النسخة الاصلية ولا لأ , ده كدة اليوزر ده هو اللى يعاقب !!! انتا بفهمك القانون , وانتا بالصراحة شايفة بتعاند معايا و خلاص فى فتح مواضيع ملهاش لزمة و متكلمش فيها ...

الكلام اللى فات بردو للباش مهندس , لانى انو الظاهر مش بتقرو انا بكتب ايه او ااظهار انى بكتب عبرى او عربى بالحبر السرى !!!!!!!!!!!!!!!!!!!

واللنبى يا شباب لو حتردو عليا افتحو مخكم شوية + اقرو انا ايه اللى كاتبو و ايه الهدف منو او النية !!

يعنى واللهى عجيبة اقول البتاع شرعى فى و ليه مادة قانونية للوحدو و انتا تقولى لازم يكون عندو النسخة الاصلية لول ما اكيد لازم يكون نسخة اصلية عندك بس ده الكلام على المستخدم P2P User و احنا فتحنا باب النقاش على P2P Client فيريت يكون الكلام فى اطار ال P2P Client !

الحقيقة مش احنا اللي فتحنا الكلام عن ال p2p انت اللي فتحت الكلام فيه مع ان الموضوع اساسا مش بيتكلم عنه خالص

احنا بنتكلم عن استخدام النسخ الاصلية من البرمجيات الغير مجانية و اخدنا مثل ال VS.net بما اننا هنا بنتكلم عن تكنولوجيات Microsoft

XzaB كتب:

لأ هو ولا مفاهيم غلط ولا كدة ,, انا مشكلتى العربى بتاعى زفت :s  فمحدش بيفهمنى !!!

يا System Down واللنبى افتح مخك شوية لانى انا مش بقول فيزياء انتا دلوقتى بتكلم عن برامج الP2P شرعى ولا غير شرعى !!! انا بقولك انو شرعى حتى فى الافلام لانك بتقول فى الافلام و الغانى لأ , بس يا ساعدت البيه يستخدم كنية تحميل Backup ? يعنى ايه يقى Backup ? يعنى نسخة احتياطى استخدمها فى حالة ضياع او خربان النسخة الاصلية , فيها علم يدونى ديه ؟ انا مالى بقى لو اللى بيحمل الداتا ديه عندو النسخة الاصلية ولا لأ , ده كدة اليوزر ده هو اللى يعاقب !!! انتا بفهمك القانون , وانتا بالصراحة شايفة بتعاند معايا و خلاص فى فتح مواضيع ملهاش لزمة و متكلمش فيها ...

الكلام اللى فات بردو للباش مهندس , لانى انو الظاهر مش بتقرو انا بكتب ايه او ااظهار انى بكتب عبرى او عربى بالحبر السرى !!!!!!!!!!!!!!!!!!!

واللنبى يا شباب لو حتردو عليا افتحو مخكم شوية + اقرو انا ايه اللى كاتبو و ايه الهدف منو او النية !!

يعنى واللهى عجيبة اقول البتاع شرعى فى و ليه مادة قانونية للوحدو و انتا تقولى لازم يكون عندو النسخة الاصلية لول ما اكيد لازم يكون نسخة اصلية عندك بس ده الكلام على المستخدم P2P User و احنا فتحنا باب النقاش على P2P Client فيريت يكون الكلام فى اطار ال P2P Client !

←

طيب خليني أتأكد أني فهمتك صح.

أنت بتقول أنه لا غبار من مشاركة الملفات لأنك (كمقدم لهذا الملف) لديك البرنامج الأصلي و تقوم بعمل Backup (تسخة احتياطية) و لست مسؤولاً اذا كان الذين يقومون بتنزيل هذه النسخة لدسهم النسخة الأصلية أم لا. صحيح؟ اذا كان غير صحيح الرجاء توضيحه من غير نرفزة (بالعامي).

هذا الكلام غير قانوني لأن نسخة الـBackup الخاصة بك ممنوع توزيعها لأنها خاصة بك. اذا أراد شخص آخر (لديه النسخة الأصلية) أن يعمل Backup عليه أن يفعل ذلك من نسخته الخاصة. أما اذا كانت نسخته الأصلية قد ضاعت أو تدمرت لسبب من الأسباب و لم يقم بعمل Backup فلا خيار (قانوني) أمامه سوى شراء نسخة جديدة أو التفاهم مع صاحب حقوق التوزيع لإعطائه نسخة أخرى (عادةً بسعر معين) اذا كان لديه دليل شراء. و هذا الكلام ينطبق على كل المواد التي تنطوي تحت مظلة حماية حقوق الطبع كالأفلام و الموسيقى و الكتب.

و أنا لم أقل أبداً أن برامج الـP2P غير قانونية. قلت أن استخدامها لمشاركة المواد المحمية غير قانوني. و اذا رأيك أنني قلت غير هذا فالرجاء توجيهي الى الكلام الذي قلته في هذا الصدد.

و ايضاً الرجاء توجيهي الى المواضيع التي تقول أنني مجرد "أعاندك" فيها و لا أكملها.

السلام عليكم

بصراحة النقاش محتدم جدا وانا ماكنتتش ناوى اشارك تانى بس فيه معلومه كنت احب اوضحها الامريكان لو عندهم نسخ اصلية فتمنها بالدولار الامريكى بالنسبة لمستوى دخل الفرد الامريكى غير قيمتها بالنسبه لمستوى المواطن المصرى المطحون (الغلابه اللى زينا يعنى :D )