مشكلة فى الكوكيز

اقتباس

عندما اقوم بعمل كوكى يتم حفظه على هيئة صفحة انترنت html و ليس text

عرفت منين انه بيحصل كدة

عموما من حيث الجزء الأول بتاع حجز الـ cookies

فى مشكلة مع mktime فحاول تستخدم strtotime او time بس و ضيف ليها عدد الثوانى الى عايزها

setcookie("info","what ever",time()+(60*60*24*7));

المشكلة التانية مع ازالة الـ cookie

ادى الـ cookie قيمة FALSE او اديلها زمن قديم

و متديهاش قيمة فارغة زى مانت عملت لأن كدة الـ cookie مكانها محجوز بس فاضية

و لما تيجى تختبرها بعد كدة بدالة زى isset حتديلك TRUE و يبوظلك اى تأمينات عندك

فأستخدم :

setcookie("info",FALSE);

او 

setcookie("info","what ever",time()-60*60);

السلام عليكم و رحمة الله شكرا اخى اشرف على ردك عرفت مشكلة حفظها ك html لانى كنت بربطها بصفحة html و على ما اعتقد ان الكوكى لازم يكون الصفحتين php يعنى تعمل فورمة ب php مش html هو ده السبب بالنسبة لعرفت منين فى فولدر اسمه كوكيز موجود فى الامتداد ده c:document and setting/coder/cookies هتلاقى فيه كل الكوكيز بالنسبة للوقت و الحذف فجزاك الله خيرا على هذه المعلومة و لن اقوم باستخدام mktime مرة اخرى <_< و لكن معلش سؤال صغير كده :rolleyes: لو فى صفحة مثلا فيها لنكات على هيئة صور و عندما تضغط على صورة تقوم بفتح صفحة اخرى فيها كل الصور الموجودة تحت هذا النوع يعنى مثلا موقع زى webshots بتدخل بتلاقى صور لمناظر طبيعية مثلا و يكون عامل صورة عبارة عن لينك للصفحة اللى فيها الصور الطبيعية السؤال بالنسبة للينك هيتعمل html عادى جوه echo بس المشكلة بقى فى الصفحة اللى هيكون فيها الصور لنفرض ان الصفحة فيها 20 صورة هل هحط 20 لينك جوه الكود لل 20 صورة و لا فى طريقة تانية ياريت تكون فهمت قصدى و السلام عيكم و رحمة الله

فكرة موقع زى webshots انه عنده تصنيفات فى قاعدة البيانات للصور

و لكل تصنيف id منفرد

بحيث مثلا لمة نتكلم عن اول تصنيف حنستدعيه كدة

you.com/index.php?cat=1

و دة طبعا حيكون link الصورة الى بتمثل التصنيف دة

-----

داخل ملف index بتأكد من الـ variable الى اسمه cat إلى جيلنا من GET

بعمل query على الـ db بحيث اجيب بيانات كل الصور الى فى التصنيف الى عندنا ( cat=1 )

و بعمل loop على البيانات الى رجعتلنا بحيث تظهر بالشكل الى انا عايزه فى الصفحة

فإن كان التصنيف ( صور طبيعية ) الـ id بتاعه هو ( 1 )

فبالتالى حتظهر كل الصور الى تحت التصنيف دة بعد الضغط على الـ link

______________________________________________________

دى الطريقة الى المفروض تستخدمها فى حاجة زى كدة إن شاء الله

السلام عليكم و رحمة الله جزاك الله خيرا اخى اشرف بالنسبة لفكرة الصور انا فهمت الفكرة لكن ياريت لو فى كود صغير للشرح يكون جزاك الله خيرا و انا عايز شكل الصفحة يكون كده

ياريت لو كود بسيط للشرح و جزاك الله خيرا

اوكى حنفترض حاجة صغيرة كدة

عندى جدول اسمه Categorys فيه :

- ID

- Name

- Image

CREATE TABLE Categorys (
ID INT not Null AUTO_INCREMENT,
Name VARCHAR(100) ,
Image VARCHAR(255),
PRIMARY KEY(ID)
);

و جدول تانى اسمه Images :

- ID

- URL

- CatID

CREATE TABLE Images (
ID INT not Null AUTO_INCREMENT,
URL VARCHAR(255),
CatID INT,
FOREIGN KEY(CatID) REFERENCES Categorys(ID)
);

عايز اعرض الـ Categorys الى عندى زى الصورة الى انت حطتها

$result = mysql_query("SELECT * FROM Ctegorys");

     while($data = mysql_fetch_assoc($result))
          {
            print '<a href="images.php?id='.$data['ID'].
                  '"><img src="'.$data['Image'].'">'.
                  $data['Name'].'</a><br>';
          }

لمة حضغط على اى link من الى على الصور الى بتمثل الـ Categorys :-

حيوجهنى لملف تاني و افترضت ان اسمه images.php

و بعتله على الـ GET قيمة متغير اسمه id

و دة الكود الى المفروض يكون موجود فى ملف images.php

$result = mysql_query('SELECT URL FROM Images where CatID='.$_GET['id']);

     while($data = mysql_fetch_assoc($result))
          {
            print '<img src="'.$data['URL'].'"><br>';
          }

CatID يحوى رقم ID الـ Category الى بتنتمى ليه الصورة

ــــــــــــــــــــــــــــــــــــــــــــــــــــــــــــــــــــــــ

انقل الأكواد دى فى Editor كويس و جرب و عدل فيها عشان تفهم الفكرة كويس إن شاء الله

السلام عليكم و رحمة الله جزاك الله خيرا اخى اشرف على تعبك معى و ان شاء الله يكون فى ميزانك بس فى مشكلة صغيرة لما عملت الجدول التانى images اضطريت اشيل auto increment لانه ما نفعش يكون فى جدولين auto increment دى الرسالة اللى طلعت لى انا عندى سؤال صغير معلش ياريت تستحملنى ازاى ادخل الصور فى قاعدة البيانات انا دورت فى المنتدى عرفت انه ممكن ادخلها اما binary او لينكات و انا برضو لسه مش عارف ادخل الصورة ازاى فى الداتا بيز فياريت تشرحلى الطريقتين و لو ممكن بشوية تفصيل لانى اول مرة اتعامل مع الصور و الجزء ده هو اللى ناقصنى عشان اطبق و جزاك الله كل خير و السلام عليكم و رحمة الله و بركاته

انت مش محتاج تدخل الصورة نفسها

هو بس الـ URL بتاعها : زى كدة مثلا http://www.me.com/image.gif

او اى طريقة شبيهة تحب تستعملها

جزاك الله خيرا اخى لكن الصور ما ظهرتش انا عرفت ان عشان الصور تظهر لازم اكتب هيدر فى الصفحة عشان يظهر الصور الكلام ده صح و لا ايه جزاك الله كل خير على تعبك معى و السلام عليكم و رحمة الله و بركاته

لا حكاية انك تبعت header الأول بيستخدم فى حالات مختلفة تماما , دة لو انت حفظت URL الصورة بس

انت اتأكد من الـURL الى انت مستخدمه للصور كويس