درس : apache و mode rewriting ( رقم 1 )

السلام عليكم ..

موضوع جميل أوى بس فيه مدخلة صغيرة أوى :D

علشان الــ mod_rewrite يشتغل لازم يكون فى الوضع Enable فى سيرفر الأباتشى ..

لو الــ Mod_rewrite على الوضع Disable لازم نقوم بتحريره عن طريق فتح ملف httpd.conf

#LoadModule rewrite_module
modules/mod_rewrite.so
#AddModule mod_rewrite.c

لو علامة الــ # موجودة يبقى الــ Module فى حالة الــ Disable و نقوم بتفعيله عن طريق مسح أو إزالة علامة الــ# من السطرين ..

LoadModule rewrite_module
modules/mod_rewrite.so 
AddModule mod_rewrite.c

و لك جزيل الشكر ياباشا على المقالات الحلوة ديه ..

الله ينور عليك يا فؤاد باشا

هى دى المشاركات ;)

السلام عليكم اخي احمد موضوع غاية في الاهمية

بس حبيت افهم بعض الاشياء

هل بمجرد كتابة هذا السطر

RewriteRule /*^s-([0-9]+)/([0-9A-Za-z]+).html index.php?s=$1&id=$2

في ملف htaccess الي حبيت ايضاً عن امتداده هل سيكون php او مجرد سوف يكون اسمه هكذا htaccess

سيكون اللنك الي الصفحة

s-254/flash.html

وفي هذا الكود

index.php?s=$1&id=$2 هنا ستكون قيمة المتغير s تساوى 1$

و عند التطبيق سيتم استبدال 1$ بما يطابق ([0-9]+)

هل يجب دائماً ان تكون

([0-9]+)

ممكن اخي لو الوقت يسمحلك مثال به هذه الطريقة وكيفية استخدمها في كود حي

اقتباس

امتداده هل سيكون php او مجرد سوف يكون اسمه هكذا htaccess

لا هو بس htaccess.

كمثال لو قولنا انك طلبت s-254/flash.html فى المتصفح من موقعك, حيقوم الـ apache بترجمة دة الى index.php?s=254&id=flash

و انت حتتعامل عادى جدا داخل كود الـ php بتاعك مع المتغيرات دى

بص لجملة الـ regular expresion

/*^s-([0-9]+)/([0-9A-Za-z]+).html

الجزء دة ([0-9]+) و الذى يليه ([0-9A-Za-z]+)

كل منهم محاط بقوسين ( )

و عند استدعاء القيم الخاصة بهم نستخدم $ و معها ترتيب الجزء دة داخل الـ expresion ككل

مش عارف اوضحها اوى بس معنديش شك فى زكائك

بردو للتوضيح ([0-9]+) اخد 1$ لأنها ظهرت فى الأول

و تلتها ([0-9A-Za-z]+) الى اخدت 2$ و هكذا الرقم يتزايد لو كان فى المزيد

اقتباس

هل يجب دائماً ان تكون

([0-9]+)

لا مش لازم , انت ممكن تغيرها على حسب ميناسبك و تعمل الأشكال الى انت عايزها

بس الفكرة فى انى مثلا اخترت ([0-9]+) هى انى كنت عايز استقبل هنا قيم رقمية فقط و مش عايز حروف

ولو حصل و كان مثلا الـ url بالشكل دة s-ayklam/flash.html (لاحظ استبدلنا الرقم بحروف)

هنا مش حيستوفى شرط ان الجزء الأول بعد -s يكون رقمى

بالتالى مش حيتم تحويله للـ url الصحيح و السيرفر حيبدأ يدور على الملف s-ayklam/flash.html

و مش حيلاقيه و حيطلع رسالة 404 (page not found )

حلو جدا انا مندهش انه في ناس بعرف زي هيك شغلات كثثثثثثثثثثثير متقدمة.

مرة سويت مشروع بحول

www.mysite.com/item/1234

الى

www.mysite.com/item.php?id=1234

و كان التعرف على Mod_rewrite جميل جدا لانه فعلا اداة قوية.

طبعا احب ان اذكر انه الروابط التي تكون مثل الرابط الاول اعلاه لها مزايا كثيرة و منها

1) افضل و اسهل للحفظ

2) افضل لمحركات البحث... هذه النقطة عليها شوية شرح:

في المواقع المعتادة نرى انه معظمها يستخدم طريقة index.php?page=products

فيأتي المسمى ب Bot بحفظ معلومات الصفحة بعنوان "منتجات" في قواعد البيانات الخاصة به و الصفحة هي index.php لانه لا يقرأ ال GET paramters التي تأتي مع العنوان. فيقوم شخص معين بالبحث عنه فيجد ان صفحة المنتجات للموقع هي index.php و هي الصفحة الرئيسية. انا عن mysite.com/products فهي تمثل Directory او مجلد من المهم ان يقرأها محرك البحث.

سؤال: ما هي فائدة ال +Options لاني لم استخدمها و لم افهم الميزات التي تعطيك اياها؟

اهلا Maverick منور المنتدى و شكرا على الأضافة المميزة :)

اقتباس

سؤال: ما هي فائدة ال +Options لاني لم استخدمها و لم افهم الميزات التي تعطيك اياها؟

الـ Options بتتحكم فى مجلد من حيث تفعيل صفة من صفات السيرفر فيه ام منعها

و هنا تفاصيلها ِِApacheFreaks.Manual.Conf.Options

هنا جت بس كتأكيد ان FollowSymLinks مفعلة لأن دة شرط ثانى فى ان الـ mode rewriting يشتغل

و لو كانت مفعلة من الأصل فممكن نشتغل من غير السطر دة , بس بيٌفضل كتابته عشان لمة ننقل الشغل من سيرفر لسيرفر تانى منعرفش الـ configurations عليه عاملة ازاى

شكرا لك شريف

درس رائع و بالفعل يلزم , و بصراحة انا اول مرة بعرف الطريقة دي و دائما كنت ابحث عنها

شكرا لك مرة ثانية

شكرا اخوي شريف

انا لدي فولد فيه عدد من ملفات php هل اضع الملف فيه وهل يقوم بتغير جميع الروابط بدون مشاكل وبدون اي شي غير وضع الملف فقط

ارجوا التوضيح

اخوي طبقت الدرس ونجحت

لكن المشكله ان الرابط يظهر مايتحول كليا ويظهر وممكن يتحمل منه من موقع ثاني

انا احتاج انه يخفي الرابط بشكل اكبر مجرد رموز غريبه ومايظهر لو كان zip او rar وهكذا تمام لو كنت احمل من هذا الموقع او من مجلة نيوك يطلع id ورقم وهمي بدون اي شي

انا ابغى الرابط يصير مثال

?PHPSESSID=7e071d21146f133367e29c698d960502

زي كذا اي حروف وارقام يخفيه تمام

واتمنى فهمتوني

السلام عليكم

يجماعه أنا جربت الطريقه و منفعتش معايا لعله السيرفر المحلي و لا على السيرفر إلي عليه الموقع

مع العلم إني المود رورايت مفعل هذا ملف ال index.php

<?
$s1=55;
$id1='fasx';
echo"<a href=index.php?s=$s1&id=$id1>test</a>";

echo"<br>";

$id=$_GET['id'];
$s=$_GET['s'];

echo"<br>";
echo $id;
echo"<br>";
echo $s;

?>

و ده ملف .htaccess

Options +FollowSymLinks
RewriteEngine On
RewriteCond %{REQUEST_URI} !-f
RewriteRule /*^s-([0-9]+)/([0-9A-Za-z]+).html  index.php?s=$s1&id=$id1

أنا مش فاهم مشتغلتش ليه الرابطه بتقعد زي مهيه مش بتتغير مع إني عامل زي مهو مشروح

في إنتظار ردكم على تساءلي

للملاحظة فقط موقع رتب يستخدم هذه الطريقة

اه فعلا يا مصطفى فى مواقع كتير دلوقتى بتستخدمها عشان يستفيدوا من مزاياها

انا فاكر كان موقع masrawy.com هو اول موقع عربى كان منفذها على حسب مشفت و الله اعلم و دلوقتى لمة الموضوع اتشهر و اتعرفت فوايده فبقى فى ناس كتير عايزة تعمله و دة جميل

@hmed

تقريبا انت فهمت الموضوع غلط

الـ mode rewrite بيخليك تستقبل urls شكلها مختلف ( انت الى بتحدده ) و لمة بيوصل الـ url دة للسيرفر , بيتم ترجمته لشكله الأصلى , الى انت حاطه فى ملف index.php

دلوقتى انت لمة تكتب فى المتصفح بتاعك :

whatever.com/s-6/something1.html

هو نفسه لمة تكتب

whatever.com/index.php?s=6&id=something1

يعنى الفرق كله على السيرفر مش على المتصفح

ملحوظة فى ملف الـ htaccess بتاعك

index.php?s=$s1&id=$id1

المفروض تبقى

index.php?s=$1&id=$2

دى لاحظتها لكن معرفش فى غلطة تانية او لا

بس مش فاضل غير ان انت تغير الجزء بتاع طباعة الـ url فى ملف index.php الى انه يطبع الـ url بالشكل الجديد

السلام عليكم

شكرا أخ شريف على الرد طيب عاوز أسأل حضرتك لو ممكن

يعني أنا لو الزائر ضغط على الرابطه التاليه مثلا

www.site.com/index.php?s=5&id=sss

هل المسار في المتصفح يصبح

www.site.com/s-5/sss.html

أم إنه يبقى كما هو

www.site.com/index.php?s=5&id=sss

ولو فيه ملف توضيحي يعني مثال ترفقه مع الرد أكون شاكر ليك

مع العلم إني شاكر ليك في كل الأحوال

ههههههههههههههههههههههههههههه

تحياتي

لا حيفضل زى مهو من غير تغيير فى المتصفح

لأن كل الى احنا بنعمله ليه علاقة بالسيرفر بس

السلام عليكم

شكرا يشريف على ردك بس في الحاله ده عاوز افهم موقع www.6rb.com عامل إيه بالظبط

يعني القوائم بتاعته كلها shtml وفيه صديق كلم خليفه صاحب الموقع و خليفه بعتله صورة من ال FTP كلها صفحات حقيقية موجوده على السيرفر فهل فيه طريقة إنحنا نعملو إنتاج للقوائم ده و اللنكات بتاعتها

للعلم أنا أبحث عن الطريقه لأني أبرمج في موقع تحميل برامج و أريد إستعمالها يعني الإمتداد في المتصفح يكون كده

www.site.com/p500.html

إلي أنا عاوزه إن المسار إلي يظهر في المتصفح يكون كده

اعمل إيه

تحياتي

الكود الى انت كنت ضايفه كان كدة

<?
$s1=55;
$id1='fasx';
echo"<a href=index.php?s=$s1&id=$id1>test</a>";

echo"<br>";

$id=$_GET['id'];
$s=$_GET['s'];

echo"<br>";
echo $id;
echo"<br>";
echo $s;

?>

المفروض تخليه كدة

<?
$s1=55;
$id1='fasx';
echo"<a href=s-$s1/$id1>test</a>";

echo"<br>";

$id=$_GET['id'];
$s=$_GET['s'];

echo"<br>";
echo $id;
echo"<br>";
echo $s;

?>

كدة الطريقة وضحت على ما اعتقد

شكرا يشريف على إهتمامك بس عاوز أفهم في www.6rb.com إيه النظام إلي شغالين بيه

شكرا

قبل شهرين كنت كاتب درس خفيف عن Mod_rewrite في قسم الـيونكس هنا، واليوم بعدما قمت ببحث لأجد الموضوع، وجدت أن الأخ شريف قد سبقنيبهذا الدرس :D المرة القادمة يجب علي البحث قبل كل شيء..

لي تعليق بخصوص الـسطر

RewriteRule /*^s-([0-9]+)/([0-9A-Za-z]+).html  index.php?s=$1&id=$2

أرى أن لا داعي من هذا /* ويستحسن حذفه، واذا تم الإبقاء عليه فهذا يعني لا داعي للرمز ^ لان الحرف s لم يعد في البداية، حيث أن البداية هي لـ / المكررة عدد صفر من المرات أو اكثر.

ايضا بدل كتابة 0-9 ممكن نكتب \d وكذلك بدل a-zA-Z ممكن نكتب \w

ايضا مهم بعد نهاية العملية تضع [L] حتى تنهي عملية الـrewrite، لانك اذا لم تنهيه فستتم العملية وربما يحدث rewrite آخر على الـurl بسبب الأسطر الي تحته

والشكل النهائي سيكون هكذا

RewriteRule ^s-(\d+)/(\w+).html  index.php?s=$1&id=$2 [L]

السلام عليكم

شكرا eech55 :)

اقتباس

أرى أن لا داعي من هذا /* ويستحسن حذفه، واذا تم الإبقاء عليه فهذا يعني لا داعي للرمز ^ لان الحرف s لم يعد في البداية، حيث أن البداية هي لـ / المكررة عدد صفر من المرات أو اكثر.

الحتة دى كنت قريت عنها فى sitepoint.com قبل كدة , على ما اتذكر ان كان فى مشكلة (أو حالة خاصة, مش فاكر بالضبط) كان الاباتشى فيها بيحتاج انك تعرف الـ slashes الى فى الأول فى الـ regex بتاعك, بس من حيث أنى مش فاكر المشكلة نفسها كانت أيه فأنا بردو شايفها دلوقتى على انها ملهاش لازمة.

اقتباس

ايضا مهم بعد نهاية العملية تضع [L] حتى تنهي عملية الـrewrite، لانك اذا لم تنهيه فستتم العملية وربما يحدث rewrite آخر على الـurl بسبب الأسطر الي تحته

تمام

على فكرة اسلوبك سهل فى الشرح و أنصح الى مفهمش الدرس هنا انه يقرى درسك هنا . ;)

شمكور أخي شريف سؤال بسيط ما شاء الله الشباب ما تركو اسئلت

هل ممكن تطبيق هذه العمليات على localhost و هل يوجد ادوات لتحرير ملف htaccess.

RedMan كتب:

هل ممكن تطبيق هذه العمليات على localhost و هل يوجد ادوات لتحرير ملف htaccess.

مش مشكلة انت بتطبقها فين طالما انك بتستخدم apache web server (الدرس دة اتكلم عن طريقة تنفيذها على apache فقط).

و بالنسبة لأدوات تحرير ملف htaccess. , أنا بستخدم أى text editor عادى , و معرفش لو فى tools تانية ممكن تساعد فى حاجة زى كدة.