داوائر ال power supply فيه منها أنواع كتير :
1- DC to DC power supply
2- AC to DC power supply
3- AC to AC power supply
ألى هنتكلم عنها انهارده هيه رقم اتنين AC to DC
من اسمها بيوضح عملها اننا بنحول من الجهد المتردد ألى جهد ثابت نقدر نستفيد بيه فى شغلنا والدوائر ألخ .....
التصميم ألى هحطه ده قايم على كل ألى قلناه فى الدروس السابقه
يعنى كلهم هيتجمعوا ونحطهم هنا معانا
ده التصميم ألى هنشتغل عليه
مكونات الدائره :-
1- transformer واحد أمبير او نصف أمبير 12 فولت ده منه نوعين 12 - 0 - 12 او 12 - 0 بس
احنا فى الدائره هنستخدم 12 - 0
النصف أمبير أرخص
2- فيوز 1 أمبير مع القاعده بتاعته
3- أربع دايودات علشان نعمل بيه ال Bridge او هات bridge جاهزه بيكون ليها أربع رجلين
ده شكلها الأفضل أشترو bridge علشان أسهل فى التوصيل
ممكن تلاقيها مربعه بدل مستطيله عادى يعنى كله شغال
المهم تخلى بالك أن فيه رجل موجب ورجل سالب الرجل السالب ديه هيه هتكون الأرضى
4- مكثف 1000 ميكرو
5- مكثف 470 ميكرو فاراد او 220 ميكرو
7- regulator LM 7805
8- مكثفين 0.1 ميكرو او هات واحد 100 والتانى 0.1 مش هتفرق كتير
طيب دلوقتى فيه حاجات أنا قلت عليها فى مكونات الدائره مش موجوده فى الرسم ألى فوق
ده صحيح لاننا هنعدل عليه شويه علشان نحسن ادائها أكتر
================================================== =====
دلوقتى احنا عاوزين نعرف حاجه مهمه فى أى تصميم
أى واحد بيفكر يصمم دائره بيعمل حاجه اسمها block diagram هوه بيكون عباره عن مربعات كل مربع بيشير لمرحله فى الدائره وبيكونوا متسلسلين ومرتبين من اليسار لليمين
ده ال block diagram بتاعه دائره ال power supply
انا مش هشرح كل مرحله منهم لاننا شرحناهم كلهم قبل كده يعنى
rectification شرحه فى تطبيقات الدايود هتلاقوه فى موضوع الدايود
smoothing شرحه هتلاقوه فى موضوع المكثفات
ده شكل كل خرج كل مرحله فى الدائره
لكن الجزء ألى متشرحش ال regulation
ده بيتم بواسطه ic اسمها regulator ده وظيفته تنظيم الجهد
يعنى أيه تنظيم الجهد ؟
يعنى الجهد ألى داخله من خرج المكثف هيكون فيه زى ما قلنا قبل كده شويه ripples
الregulator ده هيشلهم خالص ويحافظ على ثبات الجهد
================================================== =
شويه تعديل فى الدائره :
انا هنحط فى الاول قبل الكثف 740ونحط قبله مكثف 1000 متصل بين الطرف الموجب والأرضى
ده هيأدى ألى تنعيم أفضل وتقليل للripples أكتر
وكمان المكثف الأخير خالص على اليمين ممكن يتشال وتحط بداله مكثف 100 ميكرو فاراد
================================================== ===
طيب دلوقتى الدكتور بعد ما أنت عملت الدائره قالك أنا مش عاوز دائره تخرج 5 فولت
انا عاوزك تعمل واحده تخرج 9 فولت ؟؟؟ تعمل انت أيه ؟؟؟؟
نرجع للblock diagram نشوف فين الحته ألى لازم تتعدل
من الرسم هنلاقى اننا محصلناش على 5 فولت غير بعد ال regulator يبقى ألى لازم يتغير هوه ال regulator
نجيب واحد بدل ما يثبت الجهد على 5 يثبته على 9 علشان ده ألى طلبه الدكتور
وهيكون الخرج عندك بدل خمسه هيبقى 9 فولت
ده كان شكل ال regulator
انا هقولكم حكايه تضحلكم اهميه DC to DC power supply
كنت مره قعدت أعمل دائره وكان فيها أيسهايه الواحد منها 13 جنيه ده غير شويه حاجات تانيه
وكانت المفروض ان أقصى جهد يدخل على الأى سى ديه 6 فولت
المهم انا كان عندى transformer ( ترنس صغير ) كنت باستخدمه على طول
المهم ظبطت الجهد بتاعه على 6 فولت من الزورار بتاعه وقيست الخرج بالأفوميتر وكان كله تمام
المهم وصلته بالدائره راح لاقيت كل ال leds بتنور وحجات غريبه وشميت ريحه غريبه فى الدائره
انا حسيت أن فيه حاجه مش تمام
رحت قلت أقيس الجهد تانى ألى خرج من ال transformer مش هتصدقوا لاقيته كان كام
كان فى الاول أول مره قيسته فيها كان 6 بالظبط تانى مره بعد حدوث المأساه لاقيته 20 فولت DC
انا كنت هعيط على الدائره والايسهات بس الواحد أتعلم حاجه انه لازم يامن الدائره بتاعته بعد كده بحاجه تحافظ له على الجهد علشان لو حصل وزاد الجهد أوى كده يحمى الدائره عند
ده كان ممكن يتم لو أنا حطيت regulator
بعد كده بكام يوم وانا عمال أقرا على النت لاقيت فيه ic مش fixed regulator زى ألى شرحناها فوق لا ده variable يعنى ممكن ألعب فى الجهد الى خارج منه وكانى عندى powers supply فيه كل قيم الجهد ألى ممكن أحتاجها
اسم الأى سى ديه LM317
فى الدائره ديه هوه حول من AC to DC
لكن انتم ممكن تعملوا زى ما انا عملت
رحت واخد خرج الترنس البايظ ده ألى بيطلع 20 فولت ووصلته لى دخل lm317 وبقى عندى أى جهد dc انا باحتاجه وبكده احنا نبقى حولنا من DC to DC
بصوا على الداتا شييت بتعتها علشان تفهوا الدنيا ماشيه أزاى
http://www3.national.com/mpf/LM/LM317.html
ممكن نستخدم lm317 او lm117
ده بيمكننا أننا نحول من DC ألى Ac
ده الدائره بتاعته
ده موقع شرح الدائره
http://www.aaroncake.net/circuits/inverter.asp
انا بامنه شديده معملتهاش ومش هعملها ومنصحش حد يعملها لان الجهد ألى خارج منها مش تهريج ده 120 فولت Ac يعنى مفهوش هزار
بس الدائره شغاله لانى أعرف ناس عملوها
بس الدائره ديه ممن تديك القدره انك تشغل لمبه او أى حاجه مبتسحبش تيار عالى
هتلاقوا الكلام ده مشروح بالتفصيل فى الموقع بتاع الدائره